جلسہ سالانہ منعقد کرنے کی غرض جو حضرت مسیح موعودؑ نے بیان فرمائی ہے وہی ہے جو بیعت کی غرض ہے ، بیعت کرنے کے بعد دنیاوی دھندوں میں پڑ کر انسان عموما اپنے اصل مقصد کو بھول جاتا ہے ، اس لئے اﷲ تعالیٰ نے بار بار نصیحت کرنے کو ضروری قرار دیا ہے کہ اس سے ہر اس شخص کو جس کے دل میں ایمان ہے ، فائدہ ہو تا ہے۔ حضرت مسیح موعودؑ فرماتے ہیں کہ تمام مخلصین داخلین سلسلہ بیعت اس عاجز پر ظاہر ہو کہ بیعت کرنے سے غرض یہ ہے کہ تا دنیا کی محبت ٹھنڈی ہو اور اپنے مولا اور رسول مقبول ﷺ کی محبت دل پر غالب آ جاوے اور ایسی حالت انقطاع پیدا ہو جائے جس سے سفر آ خرت مقروح معلوم نہ ہو ۔ اس دنیا کیلئے تو انسان کوشش کرتا ہے ، بڑے تردد سے ملازمتوں کی تلاش کرتا ہے ، کاروبار کیلئے محنت کرتا ہے ، جائیدادیں بنانے کیلئے محنت اور کوششیں کرتا ہے ، اپنے بچوں کو دنیاوی تعلیم دلانے کیلئے فکر مندی کے ساتھ کوشش کرتا ہے ، ان دنیاوی کاموں کیلئے ، ایک شخص جس کو خدا تعالیٰ پر یقین ہو ، اس کوشش کے ساتھ کچھ حد تک دعا بھی کرتا ہے یا دوسروں سے دعا کرواتا بھی ہے ۔ حقوق اﷲ کی ادائیگی میں سب سے اہم چیز نماز ہے ، اﷲ تعالیٰ نے اپنے اوپر ایمان لانے کے بعد دوسری اہم شرط نماز کا قیام رکھی ہے ، لیکن دوسری طرف نماز پڑھنے والوں کو بڑی سخت تنبیہ بھی کی ہے ، فرماتا ہے ان نمازیوں کیلئے ہلاکت ہے جو نماز کا حق نہیں ادا کرتے، جو بغیر تقویٰ کے نمازیں پڑھنے والے لوگ ہیں۔ دنیا دار دنیا کمانے کیلئے کتنے ہاتھ پیر مارتا ہے ، کتنی محنت کرتا ہے ، کتنی تکلیفیں برداشت کرتا ہے ، اتنے فکر کرتا ہے کہ اپنی صحت برباد کر لیتا ہے ، دنیاوی مال کا ، جائیداد کا نقصان ہو جاوے تو دل کے دورے پڑنے لگ جاتے ہیں بعض لوگوں کو ،بعض لوگ خاطر خواہ نتائج نہ دیکھ کر ڈپریشن میں چلے جاتے ہیں ، صرف اس دنیا کی زند گی کیلئے یہ سب کچھ ہو رہا ہوتا ہے جس میں فعال زندگی صرف۶۰، ۷۰ سال ہی ہوتی ہے ،جس کے بعد بچوں کے یا دوسروں کے رحم و کرم پہ انسان پڑا ہوتا ہے ۔ اس معاشرے میں رہتے ہوئے جہاں ایک بہت بڑی تعداد خدا تعالیٰ کے وجود سے ہی انکاری ہے اور اس کے حاصل کرنے کیلئے ہر ممکن کوشش کی جاتی ہے ، اس معاشرے میں رہتے ہوئے دین پر قائم رہنا ، دین کی خاطر قربانی کیلئے تیار رہنا ، تقویٰ پر چلنے کی کوشش کرنا بہت بڑا کام ہے اور اس لئے یہ مومن کیلئے بہت اہم قرار دیا گیا ہے، بہت سے لوگ ہم دیکھتے ہیں اس دنیا کی رنگینیوں میں گم ہو جاتے ہیں۔ حضرت مسیح موعودؑ فرماتے ہیں : انسان کی تمام روحانی خوبصورتی تقویٰ کی تمام باریک راہوں پر قدم مارنا ہے ، سر سے پیر تک جتنے اعضاء اور قواع ہیں ، ان کو جہاں تک طاقت ہو ٹھیک ٹھیک محل ضرورت پر استعمال کرنا ، اور ناجائز مواضع سے روکنا، اور ان کے پوشیدہ عملوں سے منتبہ رہنا۔ اس جلسہ میں آ کر ہر احمدی کو جہاں جائزے لینے کی طرف توجہ کرنے کی ضرورت ہے وہاں اس عہد کی بھی ضرورت ہے کہ ہم نے آئندہ سے خدا تعالیٰ کا حق ادا کرنے کی بھی بھرپور کوشش کرنی ہے ، اپنے بھائیوں کا حق ادا کرنے کی بھی بھرپور کوشش کرنی ہے اور معاشرے کا حق دا کرنے کی بھی بھرپور کوشش کرنی ہے ، اور اس ملک کا حق ادا کرنے کی بھی بھرپور کوشش کرنی ہے جس نے ہمیں آ زادی سے رہنے کے بھی بھرپور مواقع مہیا فرمائے۔ ناصر احمد صاحب سابق محاسب پراویڈنٹ فنڈ صدر انجمن احمدیہ پاکستان کی وفات۔

حضرت مسیح موعودؑ فرماتے ہیں جب انسان سچے طور پر خدا تعالیٰ سے محبت کرتا ہے تو خدا بھی اس سے محبت کرتا ہے، تب زمین پر اس کیلئے ایک قبولیت پھیلائی جاتی ہے اور ہزاروں انسانوں کے دلوں میں ایک سچی محبت اس کی ڈال دی جاتی ہےاور ایک قوت جذب اس کو عنایت ہوتی ہے ، اور ایک نور اس کو دیا جاتا ہے جو ہمیشہ اس کے ساتھ ہوتا ہے۔ حضرت اﷲ یار صاحبؓ: آ پ روایت کرتے ہیں کہ حضور اقدس ؑ کے ساتھ پرجوش عقیدت اور محبت کی وجہ سے میں قادیان ہجرت کر کے آ گیا اور یہاں آکر لکڑی وغیرہ کا کام شروع کیا ۔ میرے پاس کافی روپیہ تھا جو خرچ ہو گیا اور پاس کچھ بھی نہ رہا پھر میں نے ایک دن حلوہ بنا کے بیچنا شروع کیا ۔ حضرت ملک خان صاحبؓ: آپ بیان کرتے ہیں کہ میں۱۹۰۲ میں حضرت صاحبزادہ عبداللطیف شہید صاحب ؓکے ہمراہ قادیان دارلامان میں آ یا ، اسی دن یا اس سے اگلے دن ہم ظہر کی نماز کے بعد بیعت کیلئے پیش ہوئے ، حضرت شہید مرحوم ؓ نے سب سے پہلے حضرت اقدس مسیح موعودؑ کے ہاتھ میں ہاتھ دیے اور دوسرے نمبر پر خاکسار نے ہاتھ رکھے۔ حضرت شکر الہٰی احمدی صاحبؓ: آپ روایت کرتے ہیں کہ آ پ ابھی بچہ ہی تھے، عمر ۱۲ یا ۱۳ سال کی ہوگی ، دین سے بالکل بے بہرہ تھا ۔ حضرت مسیح موعودؑ سکول کے پاس ایک عدالت میں مقدمہ کیلئے آ یا کرتے تھے ، خاکسار مدرسہ چھوڑ کر آ پ کی رہائش گاہ کے پاس آ یا کرتا تھا اور آ پ ؑکے چہرہ مبارک کو دیکھا کرتا تھا۔ حضرت مدد خان صاحب ؓ : آپ فرماتے ہیں کہ ابھی آپ نئے نئے ہی فوج میں بھرتے ہوئے تھے اور ملازمت شروع کرنے سے پہلے قادیان جانا چاہتے تھےتاکہ حضور کے ہاتھ پر بیعت کر سکیں کیونکہ آپ کی پہلی بیعت خط کے ذریعے سے ہوئی تھی، آپ کو ڈر تھا کہ اگر آپ نے نوکری شروع کردی تو پھر شاید حضرت مسیح موعودؑ سے ملاقات کا موقع نہ مل سکے ۔ حضرت ماسٹر مولا بخش صاحبؓ : آپ فرماتے ہیں میں کہ ایک دفعہ قادیان آ یا ہوا تھا ،تعطیلات کے دو تین دن باقی تھی، جب میں قادیان سے روانہ ہونے لگا تو جانے کو دل نہ چاہا ، وہیں کھیت میں بیٹھ گیا اور چلا چلا کر زارو زار رویااور واپس آ گیا، موسمی تعطیلات ختم کر کے پھر گیا۔ حضرت حاجی موسیٰ صاحب ؓ : آپ بیان کرتے ہیں کہ ایک دفعہ میرے لڑکے عبدالمجید نے جس کی عمر قریبا چار برس کی تھی ، اس بات پر اصرار کیا کہ میں نے حضور اقدسؑ کو جپھی ڈال کر ملنا ہے ، اس نے اس قدر ضد کی کہ صبح ہی میں لڑکے کو لے کے کر ٹرین کے ذریعے قادیان پہنچ گیا۔ حضرت شیخ زین العابدین صاحب ؓ : آپ بیان کرتے ہیں کہ ایک میرے بھائی آٹھویں جماعت میں پڑھتے تھے ، وہ بیمار ہو گئے ، جب کوئی افاقہ نہ ہوا اور ہم ناامید ہو گئے تو اسے قادیان لے آئے۔ حضرت مسیح موعودؑ کو الہام ہو چکا تھا کہ میں اس جگہ ایک پیارے بچے کا جنازہ پڑھوں گا اور حضور اس الہام کو اپنے بچوں میں سے ہی ایک کو سمجھا کرتے تھے۔ حضرت شیخ محمداسماعیل صاحبؓ : آپ روایت کرتے ہیں کہ حضرت مسیح موعودؑ جب نماز سے فارغ ہو کر مسجد مبارک میں تشریف رکھتے تو ہماری خوشی کی انتہا نہ رہتی، کیونکہ ہم جانتے تھے کہ اﷲ تعالیٰ کی معرفت کے نکات بیان فر ما کر محبت الہٰی کے جام ہم پیئں گے اور ہمارے دلوں کے زنگ دور ہونگے۔ رشیدہ بیگم صاحبہ اور نظر النساء صاحبہ کی قادیان انڈیا میں وفات۔

حضرت میاں محمد ظہور الدین صاحبؓ: آپ بیان کرتے ہیں کہ ایک دن میرے دل میں قادیان شریف جانے کا وبال سا اٹھا ، میں نے کسی سے ذکر کیا اور میرے پاس خرچ کا ایک پیسہ بھی نہیں تھا، اس شخص نے مجھے ایک روپیہ دے کر کہا ابھی میرے پاس یہی ہے ، میاں صاحب نے کسی اور سے کہا میں قادیان جا رہا ہوں تو وہ بھی ساتھ چلنے کیلئے تیار ہوگئے۔ دوسرے روز ہم دونوں قادیان روانہ ہوگئے، بٹالہ سے پیدل چل کر قادیان پہنچے، حضرت مسیح موعودؑ سے ملاقات کر کے طبیعت کو تسلی ہوئی۔ الحمداﷲ علیٰ ذالک۔ حضرت غلام غوث صاحبؓ : آ پ بیان کرتے ہیں کہ جب میں ۱۹۰۱ میں قادیان آیا اور دستی بیعت کی کیونکہ تحریری بیعت میں اگست ۱۹۰۰ میں کر چکا تھاتو میں نے حضرت مولوی عبدالکریم صاحب ؓسے پوچھا اپنے سلسلے کا کوئی وظیفہ بتائیں، فرمایا سلسلہ کا وظیفہ یہ ہے کہ بار بار قادیان آ یا کرو۔ حضرت شیخ عبدالکریم صاحبؓ: آپ فرماتے ہیں کہ میں ۱۹۰۳ میں کسی کے ذریعے جو کراچی آ ئے تھے احمدی ہوا تھا ۔ ۱۹۰۴ میں جب میں لاہور گیا اور مسجد میں جمعہ پڑھنے گیا تو وہاں اعلان کیا گیا کہ حضرت اقدس ؑتشریف لانے والے ہیں۔ حضرت صاحب دین صاحب ؓ: آپ بیان کرتے ہیں کہ غالبا ۱۹۰۴ کا واقعہ ہے کہ حضرت مسیح موعودؑ کے متعلق احمدیہ جماعت لاہور کو اطلاع ملی کہ حضور اقدسؑ لاہور پہنچ رہے ہیں ،ہم لوگ حضور اقدسؑ کی پیشوائی کیلئے ریلوے سٹیشن پہنچ گئے اور حضور اقدس کیلئے سواری کا بندوبست کر لیا۔ حضرت چوہدری غلام رسول بسرا صاحبؓ : آپ بیان کرتے ہیں کہ دسمبر ۱۹۰۷ کا واقعہ ہے کہ جمعرات کی شام کو معلوم ہوا کہ حضرت مسیح موعودؑ صبح باہر سیر کو جائیں گے ، اس وقت دستور یہ تھا کہ جب بہت بھیڑ ہو جاتی تھی تو آ پکے گرد بہت لوگوں کا حلقہ باندھ لیتے تھے ۔ چنانچہ میں نے اپنے دوستوں کو کہا کہ اگر خدا نے توفیق دی تو صبح جب حضرت اقدس ؑ سیر کو نکلیں گے تو ہم آ پ کے گرد بازؤوں کا حلقہ بنائیں گے ، اس طرح ہم حضور کا دیدار اچھی طرح کر سکیں گے۔ حضرت ڈاکٹر عبداﷲ صاحبؓ : آپ بیان کرتے ہیں کہ جب میں قادیان بٹالہ سے جارہا تھاتو اسی وقت ایک بوڑھے نابینا احمدی بھی قادیان جارہے تھے ، ڈاکٹر صاحب نے انہیں کہا کہ آ پ ہمارے یکے میں آ جائیں ، انہوں نے کہا کہ نہیں میرے پاس پیسے موجود ہیں ، میں خود اپنے خرچ پر قادیان جاؤں گا۔ حضرت ملک برکت اﷲ صاحبؓ : آپ بیان کرتے ہیں کہ ۱۹۰۵ میں ایک دن ہمیں پوسٹ کارڈ ملا کہ حضور ؑ دہلی تشریف لے جا رہے ہیں اور آپؑ کی ٹرین ایک خاص وقت پر ایک خاص سٹیشن سے گزرے گی ۔ ملک صاحب کی یہ ڈیوٹی لگائی گئی کہ آپ تمام جماعت کو اطلاع کریں، آپ اور آپکے دوست ۳۰ میل کا سفر طے کر کے ریلوے سٹیشن پہنچے۔ حضرت منشی قاضی محبوب عالم صاحبؓ : آپ بیان کرتے ہیں کہ جب میں طالب علم تھا ، آٹھویں جماعت میں ، تو حنفی اور وہابی لوگوں کی یہاں بہت بحث ہوا کرتی تھی، بعض اوقات ان کی گفتگو میں حضرت مرزا غلام احمد ؑ کا ذکر بھی آجاتا تھا کہ آپؑ (نعوذباﷲ)کافر ہیں ، طبعا مجھے خود تحقیق کرنے کی جستجو ہوئی۔ حضرت ملک غلام حسین صاحبؓ : آپ بیان فرماتے ہیں کہ آپ کے پاس قادیان جانے کیلئے پیسے نہیں تھے ، آپ کے پاس صرف دو روپے تھے ، آپ جہلم تک پیدل چل کر پہنچے پھر خیال آ یا کے آ گے بھی پیدل چلنا چاہئے ۔ راستے میں آپ کو کچھ سپاہی نظر آئے جن کے پاس گھوڑے تھے۔ا ٓ پ نے ان سے کہا کہ ایک گھوڑا آ پ کو دے دیں ، وہ کہنے لگے کی کہ تم گجرات ضلع کے رہنے والے ہو ، ہمیں ڈر ہے کہ کہیں گھوڑا لے کے بھاگ نہ جاؤ۔

پہلی آیت میں اس قربانی کا ذکر ہے جو بہت بڑی قربانی تھی ، جو حضرت ابراہیمؑ اور حضرت اسماعیل ؑ نے کی تھی، یعنی ہر پتھر جو خانہ کعبہ کی دیواروں پر چنا جا رہا تھا وہ اس بات کی طرف بھی توجہ دلا رہا تھا کہ اب اس گھر کے مکمل ہونے کے بعد باپ نے بیٹے اور اس سے پیدا ہونے والی نسل کو اس بے آب و گیا جگہ میں ہمیشہ کیلئے آباد کرنا ہے ۔ حضرت مصلح موعودؓ نے ایک جگہ ذکر کیا کہ میں ایک عرب ملک میں گیا ، ایک بہت بڑی اور خوبصورت مسجد میں جب گیا تو دیکھا کہ چار پانچ نمازی ایک کونے میں نماز پڑھ رہے تھے، جب ان سے پوچھا کہ یہ کیا قصہ ہے تو مسجد کا امام جو ان کو نماز پڑھا رہا تھا ، اس نے کہا کہ لوگ نماز کیلئے نہیں آتے اور محراب میں کھڑے ہو کر میں شرم کی وجہ سے نماز نہیں پڑھاتا، کوئی نیا آنے والا دیکھ کر کیا کہے گا کہ اتنی بڑی اور خوبصورت مسجد ہے اور نمازی چار پانچ ہیں ، اس لئے ہم کونے میں نماز پڑھ لیتے ہیں۔ پس ہمیں ہمیشہ یاد رکھنا چاہئے کہ جب مسجد بناتے ہیں یا بنائیں تو خدا تعالیٰ کے حضور جھکنے اور اس کی رضا کی حصول کیلئے بنانے والے ہوں ، اور مسجد بنانے کیلئے جو قربانی کی ہے اس پر خداتعالیٰ کا شکر ادا کریں ناکہ کسی قسم کا فخر کیونکہ یہ جو قربانی ہے ہماری جو ہم کرتے ہیں ، یہ اس قربانی کا لاکھواں حصہ بھی نہیں ہے بلکہ اس سے بھی بہت کم ہے جو حضرت اسماعیل ؑ کی قربانی تھی، صرف مال کی قربانی ہم کرتے ہیں اور وہ بھی اپنے وسائل کے مطابق۔ مسجد بیت الامان کی تعمیر پر تقریبا بارہ لاکھ پاؤنڈ خرچ ہوئے ہیں اور جماعت نے اﷲ تعالیٰ کے فضل سے اس رقم کی ۷۵ فیصد ادائیگی کر بھی دی ہے ، بعض نے بڑی بڑی قربانیاں بھی کی ہیں ، حضور نے فرمایا میں دیکھ رہا تھا کہ ۸۴۰۰۰ پاؤنڈ اور ۷۸۰۰۰ پاؤنڈ کی قربانی دی گئی ہے ایک ایک آ دمی نے ،اور ایسے افراد بھی ہیں جنہوں نے ۱۵۰۰۰ اور ۳۰۰۰ کی رقم دی ہے ، تقریبا گیارہ آ دمیوں کے کل وعدے تین لاکھ سے اوپر بنتے ہیں ۔ اﷲ کرے یہ مسجد بھی اور اس میں آنے والے بھی اﷲ تعالیٰ کے پسندیدہ لوگ ہوں جو اﷲ تعالیٰ کی رضا حاصل کرنے والے ہوں ۔ جنت میں اﷲ تعالیٰ کی مہمان نوازی سے حصہ پانے والے ہوں ۔ پس کیا ہی خوش قسمت ہیں وہ لوگ جو اس نیت سے مسجدیں بناتے ہیں اور اس نیت سے مسجدوں میں آ تے ہیں ۔ اور صرف اس دنیا کی جنت نہیں بلکہ آ خرت میں بھی ان کو جنتیں ملتی ہیں۔ دنیاوی صدمات اﷲ والوں کو دنیاوی نقصانات سے نہیں ہوتے بلکہ وہ ہر صدمہ پر اﷲ تعالیٰ سے لو لگاتے ہیں ، مومن ہمیشہ صدمات پر اﷲ تعالیٰ کی آ غوش میں آ تے ہوئے اطمینان قلب پاتا ہے ، پس اﷲ تعالیٰ کا ذکر، اس کی عبادت، اﷲ تعالیٰ کا خوف رکھتے ہوئے ، کرنے والے جو ہیں وہ اطمینان قلب حاصل کر کے اس دنیا میں بھی جنت حاصل کرتے ہیں اور پھر اس دنیا کی جنت جو ایک بندہ کو عبد رحمان بنے کی وجہ سے ملتی ہے ، اگلے جہان کی جنت کا بھی وارث بنا دیتی ہے۔ اﷲ تعالیٰ کے فضل سے یو کے جماعت سمیت پورے یورپ میں مسجدوں کی تعمیر کی طرف توجہ پیدا ہو رہی ہے، لیکن ان مساجد کی خوبصورتی نمازیوں کے ساتھ ہے، ۲۰۰۳ میں مسجدبیت الفتوح کا افتتاح ہوا ہے ، اس کے بعد ۱۴ نئی مساجد بنانے کی جماعت یو کے کو اﷲ تعالیٰ نے توفیق عطا فرمائی ہے۔ حضرت شیخ نور الدین صاحبؓ : آ پ اپنی بیعت کے بعد کے حالات بیان کرتے ہوئے فرماتے ہیں کہ ایک دفعہ خواب میں آپ کو تمام فوت شدہ شخص کے مراحل سے گزرنا پڑا، آ پ کو غسل دیا گیااور کفن پہنایا گیا پھر آپ کو دفن کردیا گیا، مٹی ڈال دی گئی۔جب لوگ دفن کر کے واپس آگئے تو قبر نے دونوں پہلوؤں سے مجھے اس طرح دبایا کہ میں برداشت نہ کر سکا، اتنے میں دیکھا کہ عین سامنے حضرت مسیح موعودؑ کھڑے تھے اور میری طرف انگلی سے اشارہ کر کے فرمایا کیا آپنے ہمارے ساتھ یہی وعدہ کیا تھا؟۔ اس خواب کا آپ پر بہت اثر ہوا اور آپ نے عبادات کو درست کر لیا ۔ حضرت مائی کاکو صاحبہ ؓ : آپ بیان کرتی ہیں کہ ایک دفعہ ہم چند عورتیں حضرت مسیح موعودؑ سے ملاقات کیلئے آ ئیں اور پوچھا کہ ہمیں مغرب کی نماز روز عشاء کی نماز کے ساتھ پڑھنی پڑھتی ہے کاموں کی مصروفیت کی وجہ سے ، کیا کریں؟۔

حضرت میاں عبداﷲ خان صاحبؓ: آپ لکھتے ہیں کہ آپ نے حضرت مسیح موعودؑ کی بیعت تو کر لی تھی لیکن دیکھا نہیں تھا آپ کو، ایک دفعہ جب تحصیل ظفر وال میں طاعون پڑی ہے ، کسی نے مجھ سے پوچھا کہ کیا تم حضرت عیسیٰ ؑ کو آسمان پر زندہ مانتے ہو؟ میں نے سائنس کے لحاظ سے کہا کہ نہیں، میرے دل میں کوئی تعصب کسی قسم کا نہیں تھا، آپ نے فرمایا حضرت مسیح موعودؑ حضرت مرزا غلام احمد قادیانی ؑ نے دعویٰ کیا ہے کہ وہ مسیح آ نے والا میں ہوں اور مسیح بنی اسرائیل فوت ہو گیا ہے۔ حضرت شیخ عبدالرشید صاحبؓ: آپ بیان کرتے ہیں کہ میرے والدین نے (بعد از بیعت) مجھے گھر سے نکالا ہوا تھا ، ایک دن میرے والد صاحب کے دوست نے مجھے کہا کہ تم ایک مولوی سے ملاقات کرو تاکہ ہمیں بھی سمجھ آ جائے کہ آپ کیا کہتے ہیں۔ حضرت شیخ عطا ء اﷲ صاحب ؓ : آپ فرماتے ہیں کہ قادیان سے بیعت کی منظوری بذریعہ خطوط پہنچی اور ساتھ ہی کچھ لٹریچر سلسلہ کا جن میں اخبار الحکم بھی تھا، اس اخبار کی ہم نےاشاعت کی، لوگوں میں چرچا ہوا ، اور اس کے بعد مخالفت کا بازار شدید گرم ہوگیا۔ حضرت میاں عبدالمجید خان صاحبؓ : آپ فرماتے ہیں کہ ایک مرتبہ مخالفوں نے ایک بھاری جلسہ کر کے بہت شور مچایا اور بہت ہنگامہ برپا کیا، جس میں نشانہ بغض و عداوت صرف یہ عاجز تھا،انہوں نے میرے خلاف بہت سی تجاویز کیں، بائیکاٹ کا خوف دلایا ، پولیس تک کو میرے خلاف بھڑکایا ، اور مجھے فسادی اور باغی کہ کر جاہل لوگوں کو اس تک بھڑکایا کہ میری جان کے لالے پڑ گئے۔ حضرت برکت علی صاحبؓ : آپ بیان فرماتے ہیں کہ بندہ ۴ اپریل ۱۹۰۵ کے زلزلے میں ایک مکان کے نیچے دب گیا اور بصد مشکل باہر نکالا گیا ، اس واقعہ کے ایک دو ماہ قبل جب حضرت مسیح موعودؑ نے اس زلزلہ عظیم کی پیشگوئی فرمائی تھی ۔ حضرت اﷲ دتہ صاحب ہیڈ ماسٹر ؓ: آپ فرماتے ہیں کہ اﷲ تعالیٰ نے مجھے ہزاروں موتوں اور آ فات سے غیر معمولی طور سے بچایا ۔ حضرت ماسٹر وداوے خاں صاحبؓ : آپ بیان کرتے ہیں کہ ایک دفعہ جب طاعون بہت زوروں پر تھی، میں ایک دن گھر واپس آیا تو میری اہلیہ صاحبہ دروازے پر کھڑی تھی، میں نے دریافت کیا تو جواب دیا کہ ہمارے گھر کے اندر چوہے مرے پڑے ہیں ، میں نے کہا فکر نہ کرو ہماری جماعت طاعون سے محفوظ رہے گی اور کوئی اندیشہ نہیں ، اس کے بعد میں نے جھاڑو دے کر مکان کو صاف کر دیا۔ حضرت مولوی صوفی عطا محمد ؓ: آپ بیان کرتے ہیں کہ ان کیلئے حضرت مسیح موعودؑ کو ملنا بہت مشکل تھا کیونکہ رخصت تو ملتی نہیں تھی، اتفاق سے اخبار میں یہ پڑھا کہ حضرت اقدس جہلم تشریف لا رہے ہیں۔ اگلے دن اتوار تھا اور صوفی صاحب نے جہلم جانے کا ارادہ کیا۔ حضرت مولانا غلام رسول صاحب راجیکی ؓ: آپ بیان کرتے ہیں کہ جب میں بالکل نوجوان تھا تو مجھے خواب آ یا کہ ایک ہاتھی ہے میں اس کے نیچے آگیا ہوں اور اس کا پیٹ میرے اوپر ہے، جب صبح ہوئی تو کسی نے ان کو سیرو تفریح کیلئے ہاتھی پر دریا ئےبیاس جانے کیلئے کہا، میں نے کہا میں نہیں جا سکتا اور اس کی وجہ یہ ہے کہ آ ج رات میں نے ایک سخت منظر خواب میں دیکھا ہے ، لیکن کئی دوستوں کے اصرار کے بعد میں تیار ہو گیا

حضرت مسیح موعودؑ فرماتے ہیں کہ جب تک استقامت نہ ہو بیعت بھی ناتمام ہے، انسان جب خدا کی طرف قدم اٹھاتا ہے تو راستے میں بہت سی بلاؤں اور طوفانوں کا مقابلہ کرنا پڑتا ہے، جب تک ان میں سے انسان گزر نہ لے منزل مقصود کو پہنچ نہیں سکتا، فرمایا کہ امن کی حالت میں استقامت کا پتہ نہیں لگ سکتا کیونکہ امن اور آرام کےوقت تو ہر کوئی خوش رہتا ہےاور دوست بننے کو تیار ہے۔ حضرت نور محمد صاحبؓ: آپ روایت کرتے ہیں کہ ۱۹۰۶ میں میں مع خاندان بلوچستان چلا گیا ، وہاں پہنچ کر جب میرے استاد مولوی صاحب اور امام مسجد اہلحدیث نے سنا کہ میں قادیان گیا تھا اور بیعت کر کے واپس آیا ہوں تو مجھ کو طلب کیا اور کہا کہ مرزا صاحب کتابوں میں تو اچھا لکھتے ہیں لیکن در پردہ تلقین کچھ اور کرتے ہیں ۔ حضرت جان محمد صاحبؓ: آپ لکھتے ہیں کہ آپ ڈسکہ میں پہلے احمدی تھے جہاں سخت مخالفت تھی، سقہ یعنی پانی ڈالنے والا اور خاکروب یعنی صفائی کرنے والے کو بھی روکا گیا ، جان صاحب نے حضرت مسیح موعودؑ کی خدمت میں خط لکھا کہ لوگ میرا پانی بند کرتے ہیں اور مسجدوں میں نماز پڑھنے سے روکتے ہیں اور اگر مقامی لیڈر احمدی ہو جائیں تو جماعت میں ترقی ہو جائے گی ۔ حضرت خیر دین صاحب ؓ : آپ فرماتے ہیں کہ میرے استاد جن کا نام مولوی اﷲ دتہ صاحب تھا، وہ مولوی محمد حسین بٹالوی کے معتقد تھے، ان کے پاس حضرت مسیح موعودؑ کے متعلق مولوی محمد حسین بٹالوی کی کوئی اچھی تحریر تھی، اس نے انکے دل میں قادیان جانے کی خواہش پیدا کی، جب قادیان پہنچے اور حضرت مسیح موعود ؑ کی زیارت کی توان کو کہا کہ حضور جو حدیثوں میں امام مہدی کا حلیہ بیان ہوا ہے وہ آ پ پر چسپاں ہوتا ہے۔ حضرت میاں نظام الدین صاحبؓ : آپ فرماتے ہیں کہ لاہور میں ایک جلسہ میں انہوں نے اور ان کےدو دوستوں نے ایک مولوی کو دیکھا جو قرآن کریم ہاتھ میں لے کر کھڑا تھا اور کہتا تھاکہ میں قرآن ہاتھ میں کے کر کہتا ہوں کہ مرزا نعوذباﷲ کوڑھا ہو گیا ہے۔ وہ نبیوں کی ہتک کرتا تھا اور ساتھ ساتھ ایک چھوٹا سا اشتہار بھی بانٹ رہا تھاجس کا یہی مضمون تھا، نظام الدین صاحب نے کہا چلو قادیان چل کر مرزا صاحب کا حال دیکھ آئیں ، تینوں دوست قادیان آ ئے تو دیکھا کہ حضرت مسیح موعودؑ بالکل تندرت تھے۔ حضرت غلام آ رائیں صاحب ؓ: میرے والد صاحب نے جب کہ میں بھی ایک مجلس میں ان کے ساتھ بیٹھا تھا ، انہوں نے بیان کیا کہ امام مہدی کا زمانہ آچکا ہے اور نصیحت کی کہ جب بھی وہ ظاہر ہو ں تو فورا ان کو قبول کر لینا کیونکہ انکار کا نتیجہ دنیا میں تباہی اور بربادی ہوتا ہے، اور یہ بھی کہا کہ اگر مجھے وہ وقت ملا تو میں سب سے پہلے ان پر ایمان لاؤں گا۔ حضرت حافظ مبارک احمد صاحبؓ: حضرت روشن علی صاحب بیان کرتے ہیں مولوی خان ملک صاحب اپنی شہرت کے لحاظ سے تمام پنجاب بلکہ ہندوستان میں بھی مشہور تھےاور اکثر علماء ان کے شاگرد تھے لیکن باوجود اس شہرت اور عزت کے نہایت سادہ مزاج تھے، حضرت مسیح موعودؑ کے خلاف کوئی سخت لفظ نہیں سن سکتے تھے۔ حضرت خلیفہ نور الدین صاحبؓ : آپ فرماتے ہیں کہ مولوی محمد حسین بٹالوی احمدیت سے بہت پہلے کے میرے دوست تھے، ایک دفعہ وہ نماز پڑھا رہے تھے کہ میں مسجد میں داخل ہوااور اپنی علیحدہ نماز ادا کی، مولوی صاحب نماز سے فارغ ہو کر مجھے دیکھ کر سمجھے کہ شاید میں نے ان کے پیچھے نماز پڑھی ہے ، بہت خوش ہوئے۔ خلیفہ نورالدین صاحب نے فرمایا غیر احمدی کے پیچھے نماز پڑھنا تو دور کی بات ، مجھے تو یہ بھی گوارا نہیں کہ کوئی غیر احمدی میرے پیچھے نماز پڑھے۔ امتہ الحفیظ خانم صاحبہ اور سید محمد احمد صاحب کی وفات۔

حضور اقدس نے فرمایا : پاکستان میں خاص طور پر اور ان کے اثر کے تحت بعض دوسرے ممالک میں ملا اور حکومت سمجھتے ہیں کہ احمدیوں کے خلاف قانون بنا کر ، ان کو شہری حقوق سے محروم کر کے ، ان کیلئے حقوق انسانی کے ہر قانون کو پس پشت ڈال کر ، ان کو دہشت گردی کا نشانہ بنا کر ، احمدیوں کو قتل کرنے کی ہر ایک کو کھلی چھٹی دے کر یہ لوگ احمدیت کو ختم کر دیں گے ،لیکن یہ ان کی بھول ہے۔ جماعت احمدیہ کی تاریخ میں حضرت مولوی عبدالرحمان صاحب شہید اور صاحبزادہ عبداللطیف صاحب کی شہادت سے جان کی قربانیوں کی ابتدا ہوئی ، اور حضرت مسیح موعودؑ نے حضرت صاحبزادہ صاحب کی شہادت کا ذکر کرتے ہوئے فرمایا کہ شہید مرحوم نے مر کر میری جماعت کو ایک نمونہ دیا اور درحقیقت میری جماعت ایک بڑے نمونے کی محتاج تھی ۔ ۱۹۷۴ میں ۳۰ ، ۳۵ احمدی ، جماعت احمدیہ کے خلاف جو فسادات ہوئے تھے ان میں شہید کئے گئے لیکن بعض ایسی حالت میں شہید ہوئے کہ انہیں اذیت دے دے کر شہید کیا گیا ، باپ اور بیٹے کو شہید کیا گیا ، پاب کے سامنے بیٹے کو اذیت دی جاتی تھی، بیٹے کے سامنے باپ کو اذیت دے کر کہا جاتا تھا کہ احمدیت سے تائب ہوتے ہو یا نہیں ، اور یہ سب کچھ صرف لوگ نہیں کر رہے تھے بلکہ وہاں کی پولیس بھی سامنے کھڑی تماشہ دیکھ رہی ہوتی تھی، انڈونیشیا میں سر عام پولیس کی نگرانی میں دہشت کردی کا نشانہ بنا کر پولیس اور ریاستی کارندوں کی نمائندگی میں اذیت دے دے کر احمدیوں کو شہید کیا گیا ، لیکن ایمان کی حفاظت کرنے والوں اور استقامت کے پتلوں نے اپنے جسم کے روئے روئے پر زخم کھالیا ، ایک ایک انچ پر زخم کھا لیا ، لیکن ایمان کو ضائع نہیں ہونے دیا ۔ گزشتہ دنوں ربوہ کے پولیس اہلکاروں نے جن میں تھانہ انچارج اور اس کے اسسٹنٹ شامل تھے ، ہمارے ایک انتہائی مخلص اور فدائی احمدی کو ایک ماہ کے قریب بغیر کسی قسم کے کیس رجسٹر کئے تھانے میں رکھا اور پھر کسی نا معلوم جگہ لے جا کر آٹھ دس دن تک شدید تشدد کا نشانہ بنایا ، جس کے نتیجے میں یہ مخلص فدائی احمدی جن کانام عبدالقدوس تھا صبر و استقامت سے یہ اذیت برداشت کرتے ہوئے اپنے خدا کے حضور حاضر ہوگئے انا ﷲ و انا الیہ راجعون انہوں نے تو یہ شہادت کا رتبہ پالیا ۔ حضور نے فرمایا: شہید مرحوم اگر اذیت کی وجہ سے پولیس کا من پسند بیان دے دیتے تو اس کے نتائج جماعت کیلئے مجموعی طور پہ بھی بہت خطرناک ہوسکتے تھے، جس طرح مرزا غلام قادر شہید کو آلہ کار بنانا چاہا تھا ، وہ تو ایک نام نہاد دہشت گرد تنظیم نے بنایا تھا، لیکن یہاں تو پولیس نے بنانا چاہا ۔ حضور نے فرمایا: ’پس اے قدوس ہم تجھے سلام کرتے ہیں کہ تو نے اپنے آپ کو انتہائی اذیت میں ڈالنا تو گوارا کر لیا لیکن جماعت کی عزت پر حرف نہیں آ نے دیا، تو نے اپنی جان دے کر جماعت کو ایک بہت بڑے فتنے سے بچا لیا ، پس ماسٹر عبدالقدوس ایک عام شہید نہیں ہے ، بلکہ شہداء میں بھی ان کا بڑا مقام ہے ۔ قدوس شہید مرحوم احمدیوں کیلئے جو پاکستان میں رہنے والے ہیں بالعموم اور اہل ربوہ کیلئے بالخصوص یہ پیغام بھی چھوڑ کر گئے ہیں کہ قانون کا احترام اور حکومتی کارندوں کا احترام بیشک ہر احمدی کا فرض ہے ، لیکن کسی بھی انسان سے چاہے وہ کتنا بھی بڑا پولیس اہلکار ہو یا افسر ہو خوفزدہ ہونے کی ضرورت نہیں، چاہے جو ظلم بھی وہ ہم پر روا رکھیں ، ایک احمدی کو اگر خوف ہونا چاہئے تو صرف ایک ہستی کا اور وہ خدا تعالیٰ کی ذات ہے۔ حضور اقدس نے فرمایا : جماعت انشاء اﷲ تعالیٰ ترقی کرتی چلی جائی گی، جماعت کا دو صد ممالک میں پھیل جانا انہی جانی قربانی کرنے والوں کی قربانی کا نتیجہ ہے، پس احمدیوں کو ہر قربانی کے نتیجے میں اس بات پر اور زیادہ پختہ ہونا چاہئے کہ یہ ہماری ترقی کے دن قریب کر رہی ہے، جتنی بڑی قربانی ہے اتنی جلد اﷲ تعالیٰ کے فضلوں کی امید ہے، پس ہر شہادت، ہر قربانی ، ہمارے ایمانوں میں ترقی کا باعث بننی چاہئے۔

حضور اقدس نے فرمایا پس اﷲ تعالیٰ نے یہ جو جماعت بنائی ،اس میں شامل ہونے والوں کو خاص طور پر پاک کرنا چاہتا ہےتاکہ پاک جماعت کا قیام ہو اور حضرت مسیح موعودؑ ہم میں سے ہر ایک سے یہ چاہتے ہیں کہ یہ عارفانہ خوردبین ہم لگائیں ، اس سے ہم اپنے نفس کو دیکھیں ، اپنے نفس کا محاسبہ کریں ، اپنی اعتقادی غلطیوں کی جہاں اصلاح کریں وہاں ہر قسم کی چھوٹی سے چھوٹی عملی غلطیوں کی بھی اصلاح کریں ، اپنے اعمال کی طرف بھی نظر رکھیں۔ ہر احمدی کو یہ پیش نظر رکھنا چاہئے کہ تقویٰ اور طہارت کی زندگی کے نمونے ہی جو ہیں وہ انقلابی تبدیلی پیدا کر سکتے ہیں اور یہ انقلابی تبدیلی ہمارے اعتقاد کی اصلاح اور اعمال کی اصلاح کے ساتھ وابستہ ہے ، صرف اعتقادی اصلاح فائدہ نہیں دے سکتی جب تک اعمال کی اصلاح ساتھ نہ ہو۔ حضرت مسیح موعودؑ فرماتے ہیں : جن پانچ چیزوں پر اسلام کی بنا رکھی گئی ہے وہ ہمارا عقیدہ ہے اور جس خدا کے کلام یعنی قرآن کو پنجہ مارنا حکم ہے ، ہم اس کو پنجہ مار رہے ہیں اور اختلاف اور تناقض کے وقت جب حدیث اور قرآن میں پیدا ہو یعنی آپس میں اختلاف ہو ، قرآن کو ہم ترجیح دیتے ہیں اور ہم اس بات پر ایمان لاتے ہیں کہ خدا تعالیٰ کے سوا کوئی معبود نہیں اور سیدنا حضرت محمد مصظفیٰ ﷺ اس کے رسول اور خاتم الانبیاء ہیں ۔ حضرت مسیح موعودؑ فرماتے ہیں : اعتقادی لحاظ سے احمدیوں اور دوسرے مسلمانوں میں کوئی فرق نہیں ۔ حضور نے فرمایا یہاں تک کہ حضرت عیسیٰ کی وفات پر حضرت مسیح موعودؑ کی بعثت کے بعد ایک طبقہ یقین کرنے لگ گیا ہے پھر خونی مہدی کا جو نظریہ تھا وہ بھی بدل گیا ہے ۔ حضرت مسیح موعودؑ کے آ نے سے مسلمانوں میں بھی بعض عقائد میں درستی پیدا ہوئی ہے ۔ حضور نے ایک بزرگ کے واقعہ کا ذکر کرتے ہوئے فرمایا کہ ان کا ایک شاگرد تھا ، اس نے تعلیم مکمل کی جب تو واپس جانے لگا تو بزرگ نے اس شاگرد سے پوچھا کہ کیا جس ملک میں تم جارہے ہووہاں شیطان بھی ہوتا ہے؟ تو شاگرد نے حیران ہو کر کہا شیطان کہاں نہیں ہوتا ، شیطان تو ہر جگہ ہے۔ انہوں نے کہاجو کچھ تم نے مجھ سے سیکھا ہے اس پر عمل کرنے لگو تو شیطان حملہ کرد ے تو کیا کرو گے ؟ اس نے کہا مقابلہ کروں گا ۔ حضور نے فرمایا : عہدیدار خاص طور پر نمازوں کی باجماعت ادائیگی میں اگر سستی نہ دکھائیں ، اگر وہی اپنی حاضری درست کر لیں اور ہر سطح کے اور ہر تنظیم کے عہدیداراگر مسجد میں حاضر ہونا شروع ہو جائیں تو مسجدوں کی رونقیں بڑھ جائیں گی،اور بچوں اور نوجوانوں پر بھی اس کا اثر ہوگا۔ حضور نے فرمایا : ایک بات کی طرف میں خاص طور پر توجہ دلانا چاہتا ہوں کہ اﷲ تعالیٰ کے فضل سے مالی قربانی میں تو بیشک جماعت کے افراد بڑھ چڑھ کر حصہ لیتے ہیں، لیکن مالی قربانی کا ایک پہلو جو ہے زکوۃٰ اس طرف بھی توجہ کرنے کی ضرورت ہے ۔ حضور نے فرمایا : پس ہمیں اس بات پر نظر رکھنی چاہئے کہ تمام قسم کی برائیوں سے بچنا ہے ، تمام قسم کی نیکیوں کو اختیار کرنا ہے ، تاکہ عملی طور پر اپنے اندر ایک پاک تبدیلی پیدا کریں ، اپنے چھوٹوں کیلئے نمونہ بنیں، اپنے نوجوانوں کیلئے نمونہ بنیں، اپنے گھروں میں اپنے بیوی بچوں کیلئے نمونہ بنیں ، اپنے ساتھ کام کرنے والوں کیلئے نمونہ بنیں۔ اپنی عملی حالتوں میں ہر چھوٹا بڑا وہ معیار حاصل کرے کہ ہر قسم کی بدی اور برائی کا بیج ہم میں سے ہر ایک سے ختم ہو جائے۔

آج کے دن آج سے تقریبا ۱۲۳ سال پہلے قرآن کریم کی، اسلام کی نشعت ثانیہ کیلئے ایک عظیم پیشگوئی پوری ہوئی، اسی طرح آنحضرت ﷺ کی پیشگوئی آپ کی بتائی ہوئی تفصیلات کے ساتھ پوری ہوئی اور مسیح موعودؑ اور مہدی موعودؑ کا ظہور ہوا۔ حضور نے فرمایا : پس ہر سال جب ۲۳ مارچ کا دن آتا ہے تو ہم احمدیوں کو صرف اس بات پر خوش نہیں ہو جانا چاہئے کہ آج ہم نے یوم مسیح موعودؑ منانا ہے یا الحمد اﷲ ہم اس جماعت میں شامل ہو گئے ہیں ، جماعت کے آ غاز کی تاریخ اور حضرت مسیح موعودؑ کے دعویٰ سے ہم نے آ گاہی حاصل کر لی ہے، اتنا کافی نہیں ہے ، یا جلسے منعقد کر لئے ہیں ، یہی سب کچھ نہیں ہے، بلکہ اس سے بڑھ کر ہمیں یہ دیکھنا ہے کہ ہم نے اس بیعت کا کیا حق ادا کیا ہے ۔ اس چیز کی یادہانی کیلئے حضور نے شرائط بیعت اور حضرت مسیح موعودؑ کے الفاظ میں آپ ؑ کیا چاہتے ہیں ان دس شرائط بیعت کی روشنی میں ، ان کی وضاحت پیش کی۔ حضرت مسیح موعودؑ فرماتے ہیں: توحید صرف اس بات کا نام نہیں کہ منہ سے لا الہ اﷲ کہیں اور دل میں ہزاروں بت جمع ہوں ،بلکہ جو شخص کسی اپنے کام اور مکر اور فریب اور تدبیر کو خدا کی سی عظمت دیتا ہے یا کسی انسان پر بھروسہ رکھتا ہے جو خدا تعالیٰ پر رکھنا چاہئے ، یا اپنے نفس کو وہ عظمت دیتا ہے جو خدا کو دینی چاہئے، ان سب صورتوں میں وہ خدا تعالیٰ کے نزدیک بت پرست ہے ۔ حضرت مسیح موعودؑ فرماتے ہیں : اے وے تمام لوگو اپنے تئیں میری جماعت میں شمار کرتے ہو ، آسمان پر تم اس وقت میری جماعت شمار کئے جاؤ گے جب سچ مچ تقویٰ کی راہوں پر قدم مارو گے سو اپنی پنجوقتہ نمازوں کو ایسے خوف اور حضور سے ادا کرو کہ گویا تم خدا تعالیٰ کو دیکھتے ہو۔ حضرت مسیح موعودؑ فرماتے ہیں: اسلام کا زندہ ہونا ہم سے ایک فدیہ مانگتا ہے ، وہ کیا ہے، ہمارا اسی راہ میں مرنا، یہی موت ہے جس پر اسلام کی زندگی ہے،مسلمانوں کی زندگی ، اور زندہ خدا کی تجلی موقوف ہے ۔ اور یہی وہ چیز ہے جس کا دوسرے لفظوں میں اسلام نام ہے ، اسی اسلام کا زندہ کرنا خداتعالیٰ اب چاہتا ہے۔ حضرت مسیح موعودؑ فرماتے ہیں: اب میری طرف دوڑو کہ وقت ہے کہ جو شخص اس وقت میری طرف دوڑتا ہے ، میں اس کو اس سے تشبہیہ دیتا ہوں کہ جو عین طوفان کے وقت جہاز پر بیٹھ گیا لیکن جو شخص مجھے نہیں مانتا ، میں دیکھ رہا ہوں کہ وہ طوفان میں اپنے تئیں ڈال رہا ہے اور کوئی بچنے کا سامان اس کے پاس نہیں۔ حضور نے فرمایا : پس یہ تعلیم اور خواہشات ہیں جس پر چلنے اور پورا کرنےکیلئے حضرت مسیح موعودؑ نے ہم سے توقع کی ہے ، حقیقی بیعت کنندہ کا یہ معیار مقرر کیا ہے ، پس آج کے دن ہمیں اپنے جائزے لینے کی ضرورت ہے کہ کیا ہم ان شرائط پر اپنی زندگیاں گزارنے کی کوشش کررہے ہیں ، اﷲ تعالیٰ ہماری کمزوریوں اور غلطیوں کو معاف فرمائے ، انہیں دور فرمائےاور ہمیں اپنے اند ر پاک تبدیلیاں پیدا کرنے کی توفیق عطا فرمائے۔ آج ۲۳ مارچ کو پاکستان میں بھی یوم پاکستان منایا جا رہا ہے اور اس حوالے سےبھی پاکستان کے احمدیوں کو مخاطب کرتے ہوئے حضور نے فرمایا کہ دعا کریں کہ جس دور سے آج کل ملک گزر رہا ہے وہ انتہائی خطرناک ہے، اﷲ تعالیٰ اس ملک کو بچائے ، احمدیوں کی خاطر ہی اس کو بچائےکیونکہ احمدیوں نے اس ملک کو بچانے کیلئے بہت دعائیں کی ہیں ۔

حضور نے فرمایا بہت سے لوگ مجھے ملتے ہیں اور بتاتے بھی ہیں بعض دفعہ ملنے پر کہ فلاں بزرگ کا آپ نے ذکر کیا تھا ان سے میرا یہ یہ تعلق ہے رشتہ داری کا عزیز داری کا، لیکن ہمیشہ یاد رکھنا چاہئے کہ ان رشتوں کا حق تبھی ادا ہوتا ہے جب ان کے نقش قدم پر بھی چلا جائے پس اس ذمہ داری کے نبھانے کے احساس اور کوشش کے ہمیشہ ہمیں اپنے سامنے رکھنا چاہئے۔ حضرت میاں جمال الدین صاحبؓ فرماتے ہیں کہ ایک مولوی بنام نواب الدین اپنے خیال میں یہ کہتا تھا کہ میں مرزائیوں کو درست کر رہا ہوں اور گاؤں گاؤں اور قصبہ قصبہ میں پھرتا تھا، میاں جمال الدین صاحب کہتے ہیں کہ چونکہ مجھ سے پہلے اس گاؤں میں کوئی احمدی نہیں تھا، سب مخالف ہی تھے، تو انہوں نے مشورہ کر کے ایک آ دمی کو میرے پاس بھیجا کہ یہاں آ کر مولویوں کا مقابلہ کریں ۔ حضرت منشی قاضی محبوب عالم صاحبؓ بیان کرتے ہیں کہ ایک حکیم لاہور میں سکونت پذیر ہوئے پنشن لے کے، میں ان کے ہاں ملازم تھا، وہ بھی اکثر حضرت مسیح موعودؑ کی مخالفت کیا کرتا تھااور بہت بدزبانی کیا کرتا تھا، چنانچہ ایک دن اس نے دوران گفتگو حضرت مسیح موعودؑ کی شان مبارک میں دیوس کا لفظ استعمال کیا (نعوذ با ﷲ ) ، میں نے رات کو بہت دعائیں کیں اور استغفار کیاکہ ایسے شخص سے میں نے کیوں گفتگو کی۔ حضرت امیر خان صاحبؓ فرماتے ہیں کہ حضرت خلیفہ اول ؓکی وفات پر جب میں نے سنا کہ چوہدری غلام احمد صاحب پیغامی ہو گئے ہیں تو میں وہاں پہنچا اور انہیں پیغامیوں کے حالات سے اطلاع دی ، الحمدﷲ کہ انہوں نے بہت اثر لیا اور پیغامی خیالات سے توبہ کرلی اور یہاں قادیان میں تشریف لائے ۔ حضرت مولوی عبداﷲ صاحب ؓبیان کرتے ہیں کہ میں ایک دفعہ حضرت صاحب کی زیارت کیلئے حاضر ہوا ، ایک صحابیؓ حضرت صاحب سے میرا تعارف کروایااور کہا کہ اس کے بڑے مباحثے ہوئے ہیں اور اﷲ تعالیٰ ہر میدان میں اس کو غلبہ دیتا رہا ہے۔ حضرت صاحب نے فرمایا ہاں حق کو ہمیشہ غلبہ ہی ہوتا ہے۔ حضرت چوہدری محمد علی صاحب ؓ بیان کرتے ہیں کہ میرے والد صاحب سیالکوٹ جلسہ میں شمولیت کیلئے تشریف لے گئے ، جب واپس تشریف لائے تو انہوں نے آ کر تبلیغ شروع کی، ان کی تبلیغ سے لوگ دھڑا دھڑ بیعت کرنے لگے ۔ حضرت شیخ عبد الرشید صاحبؓ فرماتے ہیں کہ ایک مولوی یہاں آیا کرتے تھے ، بڑے خوش الحان تھے، اس کے وعظ میں بے شمار عورتیں جایا کرتی تھیں، اس نے آ کر حضرت مسیح موعودؑ کی مخالفت شروع کر دی، بد زبانی بھی کرتا تھا۔ حضرت شیخ محمد اسماعیل صاحبؓ فرماتے ہیں کہ ایک دفعہ کا ذکر ہے کہ حضرت مسیح موعود ؑصر کی نماز سے فارغ ہو کر مسجد مبارک میں ہی تشریف فرما ہوئے تو ایک نئے دوست سے عرض کی کہ حضور ہمارے گاؤں میں ایک مولوی صاحب آ ئے اور رات کو کوٹھے پر کھڑا کر کے غیر احمدیوں نے ان سے وعظ کروایا تو اس نے نے لا نبی بعدی والی حدیث پڑھ کر لوگوں کو خوب جوش دلایا ۔ حضرت حافظ غلام رسول وزیر آ بادی صاحب ؓ فرماتے ہیں کہ ایک دفعہ کا ذکر ہے کہ حضرت مسیح موعودؑ میاں بشیر احمد صاحب کے مکان میں تشریف فرما ہوئے اور بہت سے دوستوں کو اس میں جمع کر کے فرمایا کہ میں نے ہائی سکول اس لئے قائم کیا تھا کہ لوگ یہاں سے علم حاصل کر کے باہر جا کر تبلیغ کریں گے ، مگر افسوس کے لوگ علم حاصل کرنے کے بعد اپنے کاروبار میں لگ جاتے ہیں اور میری غرض پوری نہیں ہوتی۔ الحاج عمر ابراہیم صاحب سلطان آف انگادیز نائیجر کی وفات۔

اور پھر ۱۴۰۰ سال بعد اﷲ تعالیٰ نے اپنے وعدے کے مطابق آنحضرت ﷺ کے غلام صادق حضرت مسیح موعودؑ کو مبعوث فرمایا ، جنہوں نے پھر اس عظیم کام کی تجدید کی اور دنیا کو خدا تعالیٰ کی طرف بلایا ، دنیا کو بتایا کہ اﷲ تعالیٰ کی راہ کس طرح تلاش کریں، کس طرح اس تک پہنچا جا سکتا ہے ، اور اگر اﷲ تعالیٰ کی تلاش ہے ، اس تک پہنچنے کی خواہش ہے، تو اب صرف اور صرف مذہب اسلام ہے جو اﷲ تعالیٰ تک پہنچاتا ہے۔ حضرت مسیح موعود ؑ لکھتے ہیں: دنیا کے مذاہب پر اگر گہری نظر کی جاوے تو معلوم ہوگا بجز اسلام ہر ایک مذہب اپنے اندر کوئی نہ کوئی غلطی رکھتا ہے اور یہ اس لئے نہیں کہ درحقیقت وہ تمام مذاہب ابتدا سے جھوٹے ہیں بلکہ اس لئے کہ اسلام کے ظہور کے بعد خدا نے ان مذاہب کی تائید چھوڑ دی۔ حضرت امام دین صاحبؓ بیان کرتے ہیں کہ ایک مرتبہ مولوی فتح دین صاحب نے ہمارے نام ایک خط لکھا کہ ایک مولوی مباحثہ کیلئے آیا ہوا ہے، قادیان سے ایک مولوی لے کر بہت جلد پہنچیں ، ہم مولوی عبداﷲ صاحب کو ہمراہ لے کر مباحثہ کیلئے پہنچ گئے ، مباحثہ کے دوران فریق مخالف اس بات پر اڑگیا اور کہنے لگا میں تب مباحثہ کروں گا جب حضرت مسیح موعودؑ کا نام قرآن کریم میں دکھاویں گے اور شرط یہ لگائی کہ نام اس طرح دکھائیں مرزا غلام احمد ولد مرزا غلام مرتضیٰ لکھا ہو قرآن کریم میں۔ حضرت پیر افتخار احمد صاحب اپنے والد ماجد پیر احمد جان صاحب کے متعلق تحریر فرماتے ہیں کہ میرے والد صاحب نے حضرت صاحب کے اس دعویٰ مجددیت کو قبول کر کے اپنے دوستوں، واقفوں اور ناواقفوں میں بڑی سرگرمی کے ساتھ اشاعت شروع کی۔ حضرت ماسٹر نذیر حسین صاحب ؓولد حکیم محمد حسین صاحب مرہم عیسیٰ فرماتے ہیں کہ بچپن سے مجھے تبلیغ کا بہت شوق تھا ۔ ستمبر ۱۹۰۳ تک میرے والد صاحب لاہور میں بھاٹی گیٹ کے علاقہ میں رہتے تھے ، اس زمانے میں میرے والد صاحب کے پاس ایک احمدی ابوسعید عرب بھی آ یا تھا ، اس نے میرے دینی اور تبلیغ کے شوق کو دیکھ کر مجھے کچھ آ سان رنگ کے دلائل وفات مسیح ناصری اور احمد مسیح موعودؑ کے سکھلائے تھے ۔ حضرت شیر محمد صاحب ؓ بیان فرماتے ہیں کہ میں نے ایک دفعہ خواب میں دیکھا کہ ایک کنواں دودھ کا بھرا ہوا ہے اور میں نے بعض دوستوں کو کنویں سے بالٹیاں بھر بھر کر دودھ پلایالہذا وہ کنواں خشک ہوگیا۔ حضرت ماموں خان صاحب ؓ ولد کالے خان صاحب فرماتے ہیں کہ میں نے ۱۹۰۲ میں ایک خواب دیکھا کہ چاند میری جھولی میں آسمان سے ٹوٹ کر آ پڑا ہے ، میں نے یہ خواب سید محمد شاہ صاحب مرحوم جو کہ مخلص احمدی تھےکو سنایا ، انہوں نے بتایا کہ تم کو عزت ملے گی یا کسی بزرگ کی بیعت کرو گے۔ حضرت منشی قاضی محبوب عالم صاحب ؓ بیان کرتے ہیں کہ میں نے میاں موسیٰ صاحب کو تبلیغ شروع کی چنانچہ ان کو قادیان بھیجا ، مگر وہ شامت اعمال سے قادیان سے بغیر بیعت کئے واپس آ گئے۔ حضرت مولانا غلام رسول صاحب راجیکی ؓ بیان کرتے ہیں کہ میں نے بیعت کر لی، حضرت اقدس کی کتاببیں پڑھیں ،ایک جوش پیدا ہوا اور تبلیغ شروع کر دی۔ حضرت میاں محمد عبدا ﷲ صاحب ؓ بیان کرتے ہیں کہ ہمارے خاندان میں پہلے حاجی فضل دین صاحبؓ نے ۱۸۹۲ میں قادیان جا کر بیعت کی تھی، انہوں نے میرے والد صاب اور دیگر میرے بھائیوں کو ۱۹۰۳ تک تبلیغ کی، میرے والد صاحب نے ایک رات خواب دیکھا کہ قادیان کی طرف سے ایک پورے قد کا چاند بہت خوبصورت روشنی دے رہا ہے۔ مکرم مقصود احمد صاحب کی نوابشاہ میں شہادت۔ محترمہ حاجرہ بیگم صاحبہ زوجہ درویش قادیان کی وفات۔

حضور نے فرمایا رجسٹر روایات صحابہؓ سے مختلف عنوانوں کےتحت واقعات اکٹھے ہیں جو وقتا فوقتا حضور پیش کرتے رہیں گے۔ حضرت میاں عبدالعزیز صاحبؓ بیان کرتےہیں کہ میں اور ایوب بیگ مولوی عبداﷲ کے مکان پر گئے اور مولوی عبداﷲ کو ایوب بیگ صاحب نے پوچھاکہ آپ نے ہم کو ہمارے آ قا کو یعنی حضرت مسیح موعودؑ کو کافر کیوں کہا ہے، مولوی صاحب جو ایک عربی کے پروفیسر تھے اور فتویٰ کفر میں انہوں نے بھی اپنی مہر ثبت کی تھی، مرزا ایوب بیگ صاحب کو جواب دیا کہ ان مولویوں نے فتویٰ دیا ہے اس لئے میں نے بھی لکھ دیا تھا، مرزا ایوب بیگ صاحب نے بڑی دلیری سے کہا کیونکہ وہ سب لوگ جہنم میں جائیں گے اس لئے آپ بھی جہنم میں جائیں گے۔ حضرت منشی قاضی بابو عالم صاحبؓ بیان کرتے ہیں کہ تین دن کے وقفے کے بعد جب چوتھے دن میں سکول گیا تو ایک شخص نے مجھے بلایا اور فرمایا تم چار دن کہا ں تھے، میں نے صاف صاف بتا دیا کہ میں قادیان گیا تھا، انہوں نے کہا بیعت کر آ ئے ، میں نے کہا ہاں، انہوں نے فرمایا کہ یہاں مت ذکر کرنا ، میں بھی احمدی ہوں اور میں نے بھی بیعت کی ہوئی ہے لیکن میں یہاں کسی کو نہیں بتاتا تاکہ لوگ تنگ نہ کریں مگر میں نے ان سے عرض کیا کہ میں تو اس کو پوشیدہ نہیں رکھ سکتاچاہے کچھ ہو۔ حضرت مہر غلام حسن صاحبؓ بیان کرتے ہیں کہ میں اور مولوی فیض دین بیٹھے تھے کہ ایک شخص آ یا اور آ کر کہنے لگا مولوی صاحب آ ج طبیعت بہت پریشان ہے ، وجہ پوچھنے پر بیان کرنے لگے کہ حامد شاہ ایک فرشتہ اور با خدا آ دمی ہے ، ہندو مسلمان اس کی تعریف کرتے ہیں، آج اس سے ایک بہت بڑی غلطی ہوگئی۔ حضرت خلیفہ نور الدین صاحب ؓ لکھتے ہیں کہ میں ایک مولوی صاحب کو ایک سال تک سمجھاتا رہا ، انہوں نے ایک بار مجھ سے کہا کہ علماء نے مرزا صاحب پر کفر کے فتوے لگائے ہیں ، میں نے کہا تمہارے باپ پر بھی تو مولویوں نے کفر کا فتویٰ لگایا تھا ، اس کے بعد انہوں نے ایک مولوی صاحب کے متعلق کہا کہ اسے بھی الہام ہوتا ہے ، اس سے لکھ کر پوچھتا ہوں کہ حضرت مرزا صاحب کے دعویٰ کے متعلق خدا تعالیٰ کا کیا حکم ہے۔ حضرت حکیم عبدالصمد صاحبؓ دہلی کے تھے ، انہوں نے ۱۹۰۵ میں بیعت کی تھی، لکھتے ہیں کہ میں ۱۸۹۱ میں ایک مولوی صاحب سے دینی تعلیم حاصل کیا کرتا تھا۔ اس میں یعیسیٰ انی متوفیک و رافعک والی آیت آ گئی، جس کی تفسیر میں لکھا تھا رافع و الیک من الدنیا من غیر موت ، میں حیران ہوا کہ من غیر موت کہاں سے آ گیا ، یہ متن کی تفسیر ہو رہی ہے یا متن کا مقابلہ ہو رہا ہے ۔ حضرت حافظ غلام سول وزیر آبادی صاحب ؓلکھتے ہیں کہ بیعت کے بعد بہت سے لوگ ان کے دشمن ہو گئے تھے اور کسی نے راجہ صاحب سے کہا کہ یونہی لوگ غلام رسول کے پیچھے پڑ گئے ہیں، راجہ صاحب نے فرمایا تو پھر کیا ہے ۔ ایک بزرگ احمدی چوہدری اکرم صاحب آ ف فیصل آباد کی شہادت۔

حضور نے فرمایا الحمدﷲ آج ہمیں اس علاقے میں مسجد تعمیر کر کے اس کا افتتاح کرنے کی توفیق مل رہی ہے، یہ فیلتھم کا علاقہ کہلاتا ہے، ہاؤنسلو بھی قریب ہے اس لئے یہ دونوں جماعتوں کی مشترکہ مسجد ہے اور امیرصاحب کی باتوں سے لگتا ہے یہ شاید علاقے کی جامع مسجد ہی ہو، ابھی تک کی مساجد میں اس علاقے میں یہ بڑی مسجد ہے، جس میں جمعہ اور نمازوں کیلئے احباب آیا کریں گےاور یہی مسجد کا مقصد ہوتا ہے۔ حضور نے فرمایا یہ مسجد جس میں اس وقت خطبہ دیا جا رہا ہے یہ عمارت خاص طور پر مسجد کیلئے تو نہیں بنائی گئی، یہ عمارت دفاتر کی عمارت تھی جس کو تبدیل کیا گیا ہے مسجد میں، اسی طرح ہیز میں بھی کمیونٹی سنٹر کو مسجد میں تبدیل کیا گیا ہے۔ اﷲ تعالیٰ ان مساجد کو اسلام کی تعلیم کو پھیلانے کا بھی ذریعہ بنائے ، ہمارے ایمانوں میں ترقی کا بھی ذریعہ بنائے ۔ اﷲ تعالیٰ فرماتا ہے کہ مساجد ایسی جگہیں ہیں جو خالصۃ اﷲ تعالیٰ کیلئے ہیں، یہاں جو آئے خالص عبد بن کر آئےاور مسجدوں میں کبھی کوئی کفر ، شرک بلکہ دنیاوی باتیں بھی نہ ہوں۔ پس وہ لوگ جو آنحضرت ﷺ پر ایمان لانے کا دعویٰ کرتے ہیں اور ہم جو آنحضرت ﷺ کے مقصد کو پورا کرنے کیلئے آنے والے آپ کے غلام صادق کی جماعت میں بھی شامل ہونے کا دعویٰ کرتے ہیں، ہمارا تو اب یہ اور صرف یہی کام ہے اور یہ مقصد ہونا چاہئے کہ جہاں خالص ہو کر ایک خدا کی عبادت کیلئے مسجدوں میں آئیں تاکہ ہماری عبادتوں کے معیار اور خدا تعالیٰ سے ایک زندہ تعلق قائم ہو وہاں اس سچائی کے نور کو دنیا میں پھیلانے کا بھی باعث بنیں ۔ حضور نے فرمایا: حضرت مسیح موعودؑ کے یہ الفاظ کہ اب خدا کا ارادہ ہے کہ ان کی تخمریزی ہو ، یہ نرے الفاظ نہیں ہیں بلکہ طبیعتوں میں یہ انقلاب اس تخمریزی سے پیدا ہوئے، آج سے ۱۲۳ سال پہلے جو تخمریزی ہوئی تھی اس نے لاکھوں عباد اور صالحین پیدا کئے، عباد و صالحین کے پھل آپ کو عطا کئےاور اﷲ تعالیٰ کا یہ سلوک آج بھی جاری ہے۔ حضور نے فرمایا: مسجد کی تعمیر کے ساتھ جہاں تبلیغ کے راستے کھلتے ہیں، وہاں مخالفتیں بھی تیز ہوتی ہیں، مسلمانوں کی طرف سے مخالفت اس لئے ہوتی ہے کہ ان کے علماء کی طرف سے احمدیت کی غلط تصویر پیش کی جاتی ہےاور یہ کہا جاتا ہے کہ نعوذ باﷲ احمدی آنحضرتﷺ کی خاتمیت پر ڈاکہ ڈالنے والے ہیں، جبکہ احمدی ہمیشہ یہ اعلان کرتے ہیں کہ ہم آنحضرت ﷺ کے مقام خاتم النبیین پر سب سے بڑھ کر یقین کرنے والے ہیں اور یہ فہم و ادراک ہمیں آپ کے عاشق صادق نے دیا ہے ، حضرت مسیح موعودؑ نے دیا ہے۔ حضور نے فرمایا: ایک حدیث میں آتا ہے حضرت ابو ہریرہؓ سے روایت ہے کہ حضرت محمدﷺ نے فرمایا کہ ملائکہ تم میں سے ہر ایک کیلئے دعا مانگتے رہتے ہیں جب تک کہ وہ اپنی نماز کی جگہ میں ٹھئرا رہتا ہے جس میں اس نے نماز پڑھی، فرشتے کہتے ہیں کہ اے اﷲ اسے بخش دے ، اے اﷲ اس پر رحم کر۔ مسجد کی تعمیر کے متعلق معلومات کا ذکر کرتے ہوئے حضور نے فرمایاکہ اس کی خرید پر اور تعمیر پر تقریبا ۹ لاکھ پاؤنڈ خرچہ آیا ہےاور اﷲ تعالیٰ کی کے فضل سے ہانسلو کی دو جماعتوں نے ہی زیادہ تر خرچ اٹھا یا ہے۔ حضور نے دعا کی تحریک کرتے ہوئے فرمایا انڈیا میں حیدر آباد دکن میں ہماری مسجد پر غیروں کی نظر ہے اور قبضہ کرنے کی کوشش کررہے ہیں ، وہاں مسلمان بھی کافی تعداد میں ہیں اس لئے ان کے شور سے حکومت بھی کچھ ان کے زیر اثر آرہی ہے ۔ اﷲ تعالیٰ ان کے شر سے ہمیں بچائے۔

حضور نے فرمایا : زندہ مذہب وہی مذہب ہے جس میں اﷲ تعالیٰ کی قدرت نمائی کے جلوے ہمیشہ نظر آ تے ہیں اور آج زندہ مذہب ہونے کا صرف دعویٰ ہی نہیں بلکہ اس کا عملی ثبوت بھی صرف اور صرف اسلام ہی دیتا ہے، اسلام کاخدا وہ خدا ہے جس سے اب بھی جس کو وہ چاہے کلیم بنا سکتا ہے ، اس سے اب بھی بولتا ہے، دعاؤں کو سنتا ہےاور جواب دیتا ہے اور اپنی قدرت کے جلوے دکھاتا ہے ، اور اس زمانے میں اپنی قدرت کے اظہار کیلئے اپنے وعدے کے مطابق جس کی اس زمانے میں پورا ہونے کی خبر آنحضرت ﷺ نے فرمائی تھی، حضرت مسیح موعودؑ کو بھیجا۔ حضرت مسیح موعودؑ کی راہنمائی فرماتے ہوئے اﷲ تعالیٰ نے آپؑ کو فرمایا کہ ہوشیارپور جاؤ اور وہاں چلہ کشی کرو، اس چلہ کشی کے دوران ایک نشان اﷲ تعالیٰ نے آپ کو دیاجو ایک موعود بیٹے کا تھاجس کو ہر احمدی پیشگوئی مصلح موعودؓ سے جانتا ہے ۔ یہ پیشگوئی ہم نے حضرت مصلح موعود ؓ کی ذات میں پورا ہوتے دیکھی ہیں۔ حضور نے فرمایا : حضرت خلیفۃ المسیح الثانی ؓ نے ۱۹۴۴ میں مصلح موعود ہونے کا اعلان فرمایا جب خدا تعالیٰ نے آ پ کو بتایا کہ آپ ہی مصلح موعود ہیں۔ اس پیشگوئی کے پورا ہونے کی خوشی میں یوم مصلح موعودؓ کے جلسے بھی منعقد کئے جاتے ہیں، آ ئندہ چند دنوں میں یہ جلسے مختلف جماعتوں میں ہونگے، اس لئے کہ جماعت کے ہر فرد کو پتہ چلے کہ ایک عظیم پیشگوئی تھی جو بڑی شان سے پوری ہوئی۔ حضور نے فرمایا : حضرت خلیفۃ المسیح الثانی حضرت مصلح موعودؓ کی ۵۲ سالہ خلافت کا دور جو ہے وہ اس پیشگوئی کے پورا ہونے کا منہ بولتا ثبوت ہے، آپ کی تحریرات، آپ کی تقریریں، اس درد سے بھری ہوئی ہیں جو اسلام اور آنحضرت ﷺ کے مقام کو دنیا میں قائم کرنے کیلئے آپ کے دل میں تھا، آپ کا علم و عرفان اس بات کا منہ بولتا ثبوت ہے کہ خدا تعالیٰ نے آپ کو علوم ظاہری و باطنی سے پر فرمایا تھا۔ حضور نے فرمایا: حضرت مصلح موعودؓ نے ۱۹ سال کی عمر میں حضرت مسیح موعودؑ کی وفات کے موقع پر یہ عہد کیا کہ اگر ساری جماعت بھی دین سے پھر جائے تو میں اس کیلئے اپنی جان لڑا دوں گا ، اور یہی ایک چیز تھی جس نے ۱۹ سال کی عمر میں حضرت مصلح موعودؓ کے دل میں ایسے آگ بھر دی کہ آپ نے اپنی ساری عمر دین کی خدمت کیلئے لگادی اور باقی تمام مقاصد کو چھوڑ کر یہی ایک مقصد اپنے سامنے رکھ لیا۔حضرت مصلح موعودؓ کا وہی عہد تھا جس نے مضبوطی کے ساتھ حضرت مصلح موعودؓ کو اپنے ارادے پہ قائم رکھاکہ مخالفتوں کے سینکڑوں طوفان آپ کے خلاف اٹھے مگر وہ اس چٹان کے ساتھ ٹکرا کر اپنا ہی سر پھوڑ گئے جس پر خدا تعالیٰ نے آپ کو کھڑا کیا تھا۔ یہ پیشگوئی صرف حضرت مسیح موعودؑ کے بیٹے تک ہی محدود نہیں ہے بلکہ بعد میں بھی اس مشن کو دنیا کے کونے کونے تک لے جانے کیلئے حضرت مسیح موعودؑ نے قدرت ثانیہ کا قیامت تک تسلسل قائم رہنے کا وعدہ فرمایا ہے جو اس کام کو آگے بڑھاتا چلا جائے گا اور قدرت ثانیہ کو ایسے سلطان نصیر بھی عطا ہونگے جو آنحضرت ﷺ کے غلام صادق کے مشن کو آگے بڑھانے کیلئے قدرت ثانیہ جو خلافت کی صورت میں جاری ہے ، اس کے مددگار بنیں گے۔ شیخ مصور احمد صاحب آج جلنگھم کی۲۵ سال کی عمر میں وفات۔

حضرت ابو ہریرہؓ سے روایت ہے کہ آنحضرت ﷺ نے فرمایا کہ اﷲ تعالیٰ فرماتا ہے کہ میں نے سورۃ فاتحہ کو اپنے اور بندے کے درمیان نصف نصف کر کے تقسیم کر دیا ہے ، یعنی آدھی سورت میں صفات الٰہیہ کا ذکر ہے اور آدھی صورت میں بندے کے حق میں دعا ہے ۔ یہ بات بھی ہمیشہ یاد رکھنی چاہئے کہ اس سورت کا اس زمانے میں جو حضرت مسیح موعودؑ کا زمانہ ہے ، اس سے بھی بہت نسبت ہے ، پرانے صحیفوں میں بھی اس حوالے سے اس کا ذکر موجود ہے ، اور خود سورۃ فاتحہ کا مضمون بھی حضرت مسیح موعودؑ کے وقت کے انعامات اور اس کے حصول اور اس زمانے کے شر اور گمراہی سے بچنے کی طرف اشارہ کرتا ہے ، پس اس لحاظ سے آ ج کل کے مسلمانوں کیلئے اس کی بڑی اہمیت ہونی چاہئے ، لیکن بد قسمتی سے مسلمان علماء نے قوم کو اس حد تک اپنے قابو میں کر لیا ہے، اس حد تک ان کی غور کرنے کی صلاحیت کو ختم کر دیا ہے کہ وہ اس بات کی طرف غور کرنے کیلئے توجہ دینے کیلئے تیار ہی نہیں ہیں۔ حضور نے فرمایا : جیسا کہ انبیاء کے مخالفین کا طریق ہے ، کہتے ہیں تمہارے ماننے والے تو ہم میں ذلیل لوگ نظر آ تے ہیں لیکن اﷲ تعالیٰ ایسے وقت میں حالات بدلتا ہے ، وہی فرعون زندگی کی بھیک مانگتا ہے ، وہی مکہ کے سردار اپنی جان کی امان مانگتے ہیں، اور یہ بات ایک مومن کو حقیقی حمد کی طرف متوجہ کرتی ہے، اس کا ادراک دلاتی ہے، اسی طرح اس زمانے میں بھی جو آ جکل سمجھتے ہیں کہ یہ ذلیل ہیں ، جماعت احمدیہ کے حقیر سے لوگ ہیں ، ایک وقت آ ئے گا جب یہ لوگ ختم ہو جائیں گے۔ حضرت مسیح موعودؑ لکھتےہیں: اور اس کے ساتھ ہی الحمد للہ میں ایک یہ اشارہ بھی ہے کہ جو معرفت باری تعالیٰ کے بارے میں اپنے بد اعمال سے ہلاک ہوا یا اس کے سوا کسی اور کو معبود بنا لیاتو سمجھو کہ وہ شخص خدا تعالیٰ کے کمالات کی طرف سے اپنے توجہ پھیر لینے اس کے عجائبات کا نظارہ نہ کرنے اور جو امور اس کے شایان شان ہیں ان سے باطل پرستوں کی طرح غفلت برتنے کے نتیجے میں ہلاک ہو گیا۔ حضور نے فرمایا کہ حضرت مسیح موعودؑ نے بڑی وضاحت سے ایک جگہ بیان فرمایا ہوا ہے کہ اﷲ تعالیٰ کا حسن کیا ہے اور اﷲ تعالیٰ کا احسان کیا ہے لیکن وہ ایک علیحدہ مضمون ہے لیکن حضور نے فرمایا کہ وہ مختصر بتا دیتے ہیں کہ اﷲ تعالیٰ کا حسن یہ ہے کہ تمام قسم کی خوبیاں اس میں پائی جاتی ہیں جیسا کہ ذکر ہو چکا ہے کہ وہ تمام صفات کاملہ کا جامع ہے ، تمام صفات اس میں جمع میں ہیں۔ حضور نے فرمایا آج نئی زمین اور نیا آسمان جو حضرت مسیح موعودؑ کی وجہ سے پیدا ہوا، جس سے فائدہ بھی ہم اٹھا رہے ہیں، ہمیں خاص طور پر اس طرف توجہ کرنی چاہئے کہ تمام بدعات سے اپنے آپ کو بچانا ہے اور ایمانوں کو مضبوط کرنا ہے،اﷲ تعالیٰ کی عبودیت کا حق ادا کرنے کی کوشش کرنی ہے، اس کی ربوبیت کی صحیح پہچان کرنی ہےتبھی ہم اس نئی زمین اور اس نئے آ سمان سے فیض یاب ہو سکتے ہیں۔ حضور نے فرمایا جب بندہ اپنے رب کو حقیقی رنگ میں پہچان لیتا ہے ، اس کی عبادت کے اعلیٰ معیار قائم کرنے لگتا ہے تو پھر وہ رب العالمین کا وہ ادراک پاتا ہے جو اسے دوسروں سے ممتاز کر دیتا ہے ۔ فاتحہ بیگم صاحبہ زوجہ مولانا احمدنسیم خان صاحب مرحوم کی وفات، حاکم بی بی صاحبہ زوجہ مولوی غلام رسول صاحب کی وفات

حضور نے فرمایا دنیا میں دو طرح کے انسان ہیں ایک وہ جو تقویٰ پر چلنے والے ہیں اور خدا تعالیٰ کی رضا کے حصول کے لئے اعمال صالحہ بجا لانے والے ہیں اور ہر نیکی اور ہر اچھے عمل کو کرنے کی کوشش کرنے والے ہیں تاکہ اﷲ تعالیٰ کی رضا حاصل کریں ، تاکہ اﷲ تعالیٰ کا قرب حاصل ہو، دوسرے وہ لوگ جو گو بعض اچھی باتیں اور کام کر لیتے ہیں لیکن خدا تعالیٰ ان کے سامنے نہیں ہو تایا وہ ہر کام کرتے وقت اس بات کو نہیں سوچتے کہ خداتعالیٰ ہر وقت ہماری نگرانی فرما رہا ہے ۔ بہرحال یہاں یہ بات واضح ہے کہ اﷲ تعالیٰ اپنے قانون قدرت کو ہر ایک کیلئے ایک رکھتا ہے لیکن حضور نے فرمایا یہاں اتنی بھی وضاحت ہونی چاہئے کہ اﷲ تعالیٰ اپنی قدرت کا جلوہ دکھانے کیلئے ایک ہی قسم کے حالات میں بعض اوقات مومن متقی کی کوشش کو زیادہ پھل لگاتا ہے ۔ ان لوگوں کی سوچ جو تقوی ٰپر چلنے والے ہیں بہت بلند ہوتی ہے ، وہ اس دنیا سے آ گے جا کر بھی سوچتے ہیں ، غیب پر ایمان لاتے ہیں ، آ خرت پر یقین رکھتے ہیں ، خدا تعالیٰ کے وعدوں پر کامل ایمان اور یقین ہو تا ہے ، جب دعا کیلئے ہاتھ اٹھاتے ہیں تو قبولیت کے نشان دیکھتے ہیں ۔ اس زمانے میں خدا تعالیٰ سے یہ سچا تعلق جوڑنے کا طریق اور اسلوب ہمیں حضرت مسیح موعودؑ نے سکھایا ہے ۔ بہت سے احمدی ہیں جو اﷲ تعالیٰ سے اپنے تعلق کا تجربہ رکھتے ہیں ۔ اﷲ تعالیٰ کی رضا کی خاطر اعمال صالحہ بجا لانے والے متقی ہیں اور ایسے اعمال بجا لانے والے وہ ہیں جو تقویٰ پر چلنے والے ہیں ۔ حضرت مسیح موعودؑ نے متقی کی جو تعریف بیان فرمائی ہے اس کے مطابق ہر بڑے اور چھوٹے گناہ سے بچنا ضروری ہے ، اور نہ صرف برائیوں سے بچنا ضروری ہے بلکہ نیکیوں میں اور اعلیٰ اخلاق میں ترقی کرنا بھی ضروری ہے ، اور پھر خدا تعالیٰ سے سچی وفا کا تعلق بھی ضروری ہے ۔ حضور نے فرمایا مثال کے طور پر ہمارے انجینیئر ، رضا کارجاتے ہیں ، نوجوان لڑکے ہیں، ڈاکٹر ہیں، یا دوسرے شعبوں سے تعلق رکھنے والے ہیں ، افریقہ میں مثلا بہت سارے پراجیکٹ شروع ہیں ان میں کام کرنے کیلئے جاتے ہیں، مقامی محروم لوگوں کو پینے کا پانی مہیا کرنے کیلئے ہینڈ پمپ لگا رہے ہیں ، بجلی مہیا کرنے کی کوشش کر رہے ہیں، ان کیلئے سکول بنا رہے ہیں تاکہ ان کیلئے تعلیم کی سہولتیں آسان ہو جائیں۔ حدیث میں آ تا ہے خادموں کے بارے میں کہ جو خود پہنو اپنے غریب ملازم کو پہناؤ، جو خود کھاؤ اسے بھی کھلاؤ۔اس تعلیم کو اگر دنیا کے وسیع تر تناظر میں دیکھا جائے تو کسی بھی ملک کے عوام بھوکے نہیں رہ سکتے ، ان کے حقوق کبھی پامال نہیں ہو سکتے، وہ ننگے نہیں رہیں گے ۔ ہر احمدی کا کام ہے کہ وہ تقویٰ پر چلتے ہوئے اور محسنین میں شمار ہوتے ہوئے اﷲ تعالیٰ کے قرب کے نظارے دیکھنے کی کوشش کرے، اﷲ تعالیٰ کی معیت میں آ نے کی کوشش کرےاور یہی ایک صورت ہے جس سے ہم اپنی اصلاح کرنے والے بھی ہو سکتے ہیں اور معاشرے کو بھی اپنے محدود دائرے میں فساد سے بچا سکتے ہیں ۔ ہمیں کوشش کرنی چاہئے کہ صبغۃ اﷲ بنتے ہوئے اﷲ تعالیٰ کی صفات اپنے دائرے میں اپنی استعدادوں کے مطابق اختیار کرنے کی کوشش کریں ،حقوق العباد کی ادائیگی کی طرف توجہ دیں ۔ ڈاکٹر محمد عامر صاحب آ ف بلوچستان کی شہادت۔

حضور نے فرمایا ہر انسان میں اچھائیاں بھی ہوتی ہیں اور کمزوریاں بھی ہوتی ہیں لیکن وفات کے بعد کیونکہ انسان کا تعلق اس دنیا سے کٹ جاتا ہے ، اس لئے اس دنیا میں کسی کی کمزوریوں اور برائیوں کا ذکر کرنے کی ضرورت نہیں ، ہاں اس کی خوبیوں کو ، اس کی نیکیوں کو ضرور بیان کرنا چاہئے، ان کا ضرور ذکرر ہونا چاہئے، اس سے ایک تو نیکیوں کی تحریک پیدا ہوتی ہےاور دوسرے مرنے والے وفات شدہ کیلئے دعا بھی نکلتی ہے، اس کی مغفرت کے سامان ہوتے ہیں۔ حضور نے فرمایا : آج میں ایک ایسے شخص کا ذکر کروں گا جس کا ہر جاننے والا ان کی خوبیوں کے بیان میں رطب اللسان تھا، چند سال پہلے حضرت مسیح موعودؑ کی بیعت میں آ یا اور بہتوں کو پیچھے چھوڑ گیا ، یہ ہمارے بھائی مکرم راویل بخاری صاحب تھےجو رشین تھے، جن کی وفات ۲۴ جنوری کو ہوئی، انا ﷲ و انا الیہ راجعون۔ جماعت سے راویل صاحب کا تعارف ۱۹۹۰ کے آ غاز میں کلیم خاور صاحب کے ذریعے سے ہوا تھا ، یہ تاتار قوم پر تحقیق کے سلسلے میں لندن آ ئے تو یہیں ان کا رابطہ ہوا ، پھر حضرت خلیفۃ المسیح الرابع ؒسے ملاقاتوں کے نتیجے میں احمدیت میں داخل ہوئے۔ حضور نے فرمایا جیسا کہ آ پ پیدائشی احمدی تو نہیں تھے لیکن ان کو دیکھ کر یہی محسوس ہو تا تھا کہ گویا وہ ہمیشہ سے ہی احمدی تھے ، وہ صحیح معنوں میں احمدیت کے ایک سفیر تھے ، جہاں بھی جاتے جماعت کا ذکر ضرور کرتے، جہاں ان کو خدشہ ہوتا کہ جماعت کے نام سے ری ایکشن ممکن ہے تو وہاں حکمت کے ساتھ اسلام کا پیغام دیتے اور جماعتی تعلیمات بیان کرتےتو لوگ جب پوچھتے کہ یہ کن کے عقائد ہیں تو جماعت کا نام بتا دیتےاور مکمل تعارف کر وادیتے۔ آپ نے بہت سی جماعتی کتب کا رشین زبان میں ترجمہ کیا ہے جو رشیا اور دیگر ریاستوں میں تبلیغ کے کام میں کافی معاون ثابت ہوتی ہیں ، ان کتب کے علاوہ انہوں نے رشین ترجمہ قرآن کیلئے بھی بڑی نمایاں خدمت سر انجام دی ہے ۔دن رات ایک کر کے انہوں نے تقریبا تین مہینے کے دوران نہایت محنت اور لگن کے ساتھ اس کام کو پورا کروایا۔ ہمارے مبلغ بشارت صاحب لکھتے ہیں کہ وہ لمحہ بھی مجھے اچھی طرح یاد ہے جب خطبہ جمعہ پہلی دفعہ رشین زبان میں نشر ہوا تھا ۔ جب خطبہ ختم ہوا تو سب کی آنکھیں خوشی اور مسرت سے پر نم تھیں اور سب نے ایک دوسرے کو گلے مل کر مبارکباد دی، یہ خطبہ بھی مکرم راویل صاحب کی آ واز میں ریکارڈ ہوا تھا۔ صاحبزادہ عبداللطیف صاحب شہید کے پڑ نواسے صاحبزادہ داؤد احمد صاحب کی شہادت۔ مرزا نصیر احمد صاحب اور رابعہ بیگم صاحبہ کی وفات۔

اﷲ تعالیٰ کا ہم پر یہ بڑا احسان ہے کہ اس نے اس فساد زدہ زمانے میں مسیح موعودؑ و مہدی موعودؑ کو بھیجا ہے ، زمانے کے امام کو بھیجا ہے اور ہمیں یہ توفیق دی کہ اس کو مان کر اس سے یہ عہد کیا ہے کہ ہم اﷲ تعالیٰ کے بتائے ہوئے طریق کے مطابق اپنے ایمان کو اس معیار پر لائیں گے یا لانے کہ کوشش کریں گے جس کی تشریح حضرت مسیح موعودؑ نے ہمیں بیان فرمائی ہے قرآن کریم اور سنت کی روشنی میں۔ حضرت مسیح موعودؑ کو ماننے کے بعد ہماری ذمہ داریاں بڑھ جاتی ہیں کہ ہم یہ معیار حاصل کریں اور ہمارا ہر قول اور فعل نیکیاں بکھیرنے والا اور برائیوں کو روکنے والا ہو ۔ حضرت مسیح موعودؑ فرماتے ہیں : اﷲ تعالیٰ کے نزدیک وہ لوگ پیارے نہیں ہیں جن کی پوشاکیں عمدہ ہوں اور بڑے دولت مند اور خوش خور ہوں بلکہ خدا تعالیٰ کے نزدیک وہ پیارے ہیں جو دین کو دنیا پر مقدم کر لیتے ہیں اور خالص خدا کیلئے ہی ہو جاتے ہیں ۔ حضور نے فرمایا : پھر یہ بات دل سے نکلتی ہے کہ جو کچھ اﷲ تعالیٰ نے پیدا کیا ہے وہ جھوٹ نہیں ہے ، وہ باطل نہیں ہے ، اﷲ تعالیٰ پاک ہے اور اس سے پھر دعا مانگتا ہے بندہ کہ اے اﷲ تعالیٰ ہمیں آ گ کے عذاب سے بچا ، جب یہ دعا دل سے نکلے گی اس وقت سمجھ میں آ ئے گا کہ اﷲ تعالیٰ کی ساری مخلوق بے فائدہ نہیں پیدا کی گئی، ہر چیز کا ایک مقصد ہے اور ہر انسان کا ایک مقام ہے ، اس کی عزت کرنا ضروری ہے ۔ حضور نے فرمایا :اس زمانے میں (آسمانی) روشنی ہمیں حضرت مسیح موعودؑ سے ملی ہے ، قرآ ن کریم کی تفسیر اور اس کو سمجھنے کیلئے حضرت مسیح موعودؑ کی کتب پڑھنا ، آپ ؑ کی تفسیریں پڑھنا ، یہ بہت ضروری ہے ، پھر آ پ سائنس کو دینی علوم کے ساتھ ملا سکتے ہیں اور کہیں کوئی ایسی بات نہیں ہوگی کہ دنیاوی علوم دین پر غالب آ جائیں، ہمیشہ دین ہی غالب رہتا ہے اور ان سائنسی علوم کو، دنیاوی علوم کو، اپنے تابع کر لیتا ہے ۔ حضرت مسیح موعودؑ فرماتے ہیں: ہماری جماعت میں شہ زور اور پہلوانوں کی طاقت رکھنے والے مطلوب نہیں ، بلکہ ایسی قوت رکھنے والے مطلوب ہیں جو تبدیل اخلاق کیلئے کوشش کرنے والے ہیں ۔ حضرت مسیح موعودؑ فرماتے ہیں: دیکھو لوط وغیرہ قوموں کا انجام کیا ہوا، ہر ایک کو لازم ہے کہ دل اگر سخت بھی ہو تو اس کو ملامت کر کے خشوع و خضوع کا سبق دے ، اگر دل سخت بھی ہے تب بھی کوشش کرو اور بار بار کوشش کرو، اپنے آپ کو کوسو، دل کو کوسو، تاکہ اس میں نرمی پیدا ہو، اﷲ تعالیٰ کی توجہ پیدا ہو ، عبادت کی طرف توجہ پیدا ہواور وہ جھکے ۔ ہماری جماعت کیلئے بہت ضروری ہے کیونکہ ان کو تازہ معرفت ملتی ہے ۔ شیخ محمد نعیم صاحب کی وفات، عاصم کمال صاحب کی وفات، عرفان احمد صاحب کی وفات۔

حضور نے فرمایا دنیا میں آج کل کسی نہ کسی رنگ میں تقریبا ہر جگہ ہی فساد برپا ہے اور یہ نتیجہ ہے انسان کے اپنی پیدائش کے اصل مقصد کو بھولنے کا یعنی اﷲ تعالیٰ کی عبادت کی طرف توجہ ، اﷲ تعالیٰ کا قرب حاصل کرنے کی کوشش، اﷲ تعالیٰ کا قرب عبادت کے بغیر حاصل نہیں ہو سکتا۔ عبادت اصل میں اس کو کہتے ہیں کہ انسان ہر قسم کی کساوت، کجی کو دور کر کے دل کی زمین کو ایسا صاف بنا دے جیسے زمیندار زمین کو صاف کرتا ہے فصل لگانے سے پہلے ، جیسے سرمہ کو باریک کر کے آنکھوں میں ڈالنے کے قابل بنا لیتے ہیں ۔ اسی طرح جب دل کی زمین میں کوئی کنکر پتھر ناہمواری نہ رہے اور ایسی صاف ہو کہ گویا روح ہی روح ہو ،اس کا نام عبادت ہے۔ اکثر ایسا ہوتا ہے کہ انسان براہ راست کسی فساد میں یا شر میں ملوث نہیں بھی ہوتا لیکن پھر بھی ماحول کے زیر اثر وہ فساد اور شر اس پر بھی اثر انداز ہو رہے ہوتے ہیں ، وہ ان کا حصہ بن رہا ہوتا ہے ، کسی نہ کسی رنگ میں ان میں ملوث ہو جاتا ہے ، اور اس کی وجہ سے نہ صرف حقوق کی ادائیگی نہیں ہو رہی ہوتی بلکہ لا شعوری طور پر ظلم میں بھی حصہ دار بن جاتا ہے انسان۔ اس کی موٹی مثال تو آجکل احمدیوں کے ساتھ جو بعض ملکوں میں ہو رہا ہے اس کی ہے ۔ جب دین کو دنیا کے ساتھ ملا لیا جائے اور دین میں جب بگاڑ پیدا ہونا شروع ہو جائے تو پھر حقوق اﷲ اور حقوق العباد دونوں کی پامالی ہوتی ہے ، مذاہب کی تاریخ میں اسی طرح سے ہوتا آ یا ہے ہمیشہ کہ ایک وقت میں آ کے دین میں بگاڑ پیدا ہو تا ہے اور اسی لئے اﷲ تعالیٰ نے قوموں میں انبیاء کا سلسلہ جاری رکھا ہے کہ ایک زمانہ گزرنے کے بعد جب دین اپنی اصل سے ہٹ جائے تو پھر قوموں کو صحیح دین کی طرف واپس لانے کیلئے انبیاء براہ راست خدا تعالیٰ سے راہنمائی پا کر اپنا کردار ادا کریں ۔ اور جب خدا تعالیٰ نے آنحضرت ﷺ کو بھیجا تو جہاں آ پ ﷺ کے ذریعے سے عبادت کے صحیح طریقے اور اسلوب مسلمانوں کو سکھائے گئے ۔ حضرت مسیح موعودؑ فرماتے ہیں : استغفار سے انسان ان خیالات اور جذبات کو ڈھانپنے اور دبانے کی کوشش کرتا ہے جو خدا تعالیٰ سے روکتے ہیں ، استغفار کرتے رہو تو ان جذبات اور خیالات کو انسان دبائے گا جو اس بات سے روکتے ہیں کہ اﷲ تعالیٰ کے حکموں کی پیروی کی جائے ، جو نیکیوں سے روکتے ہیں۔ پس استغفار کے یہی معنی ہیں کہ زہریلے مواد جو حملہ کر کے انسان کو ہلاک کرنا چاہتے ہیں ان پر غالب آ وے ، جب استغفار کرے گا تو ان بدیوں سے انسان بچے گا اور نیکیاں بدیوں پر غالب آ جائیں گی۔ ایک شخص نے حضرت مسیح موعودؑ سے پوچھا کہ میں کیا وظیفہ پڑھا کروں ۔ حضرت مسیح موعودؑ نے فرمایا استغفار بہت پڑھا کرو ، انسان کی دو ہی حالتیں ہیں، یا تو وہ گناہ نہ کرے یا خدا تعالیٰ اسے اس گناہ کے بد انجام سے بچا لے۔ ایک دفعہ حضرت مسیح موعودؑ کی مجلس میں ایک شخص نے قرض سے متعلق دعا کی درخواست کی ، حضرت مسیح موعودؑ نے فرمایا کہ استغفار بہت پڑھا کرو ، انسان کے واسطے غموں سے بچنےکے واسطے یہ طریق ہے ، یعنی غموں کو ہلکا اور کم کرنے کیلئے استغفار پڑھنا چاہئے ۔ استغفار کلید ترقیات ہے ۔ یعنی تمہاری ترقیات کی چابی استغفار میں ہے پس یہ یاد رکھنا چاہئے یہ استغفار ترقیات کے دروازے تب کھولے گی جب انسان خالص ہو کر خدا تعالیٰ کی طرف جھکے گا۔ آج ان دنیا داروں کی بد اعمالیاں ہی ہیں مختلف ملکوں میں جنہوں نے ایک فتنہ اور فساد برپا کیا ہوا ہے ، وہی لیڈر جو اپنے زعم میں اپنے آ پ کو عوام کا محبوب سمجھتے تھے ، عوام کی نظر میں بدترین مخلوق ہو چکے ہیں اور جو اپنے خیال میں اپنے مقام کو قائم کئے ہوئے ہیں ، آ ثار ایسے ظاہر ہو رہے ہیں کہ ان کی بھی باری آ نے والی لگتی ہے ، غرض کہ ایک فساد جو دنیا میں پیدا ہوا ہوا ہے اس کے نتیجے میں جو حکومتیں بدلی ہیں اس نے مزید فساد پیدا کر دیا ہے اور آ ئندہ مزید کتنے فساد پیدا ہونے ہیں یہ اﷲ تعالیٰ بہتر جانتا ہے ، اس لئے ہمیں بہت دعا کرنی چاہئے کہ اﷲ تعالیٰ دنیا کو فسادوں سے بچائے ۔

پس ایک حقیقی مومن جو اﷲ تعالیٰ کی رضا کی تلاش میں رہتا ہے ، نیکیوں کے وہ معیار حاصل کرنے کی کوشش کرتا ہے جو اس کو خدا تعالیٰ کے قریب کرنے والے ہوں، قرآن کریم میں جہاں اﷲ تعالیٰ کا قرب پانے کیلئے مختلف رنگ میں مختلف نیکیوں کا ذکر کیا گیا ہے ، انکی طرف توجہ دلائی گئی ہے ، وہاں اﷲ تعالیٰ کی راہ میں خرچ کو بھی نیکی قرار دیا گیا ہے ۔ حضرت مسیح موعودؑ صحابہؓ کے بارے میں فرماتے ہیں کہ کیا صحابہؓ کرام مفت میں اس درجہ تک پہنچ گئے جو ان کو حاصل ہوا، دنیاوی خطابوں کے حاصل کرنے کیلئے کس قدر اخراجات اور تکلیفیں برداشت کرنی پڑتی ہیں تو پھر کہیں جا کر ایک معمولی خطاب جس سے دلی اطمینان اور سکینت حاصل نہیں ہو سکتا ملتا ہے ۔ اس زمانے میں دنیا کی اصلاح کیلئے خدا تعالیٰ نے حضرت مسیح موعودؑ کو بھیجا ہے ، آپؑ صحابہ ؓ کی مثال دے کر جب ہمیں کچھ بیان فرماتے ہیں تو اس لئے کہ یہ پاک نمونے ہمارے لئے اسوہ ہیں ، ان کے نقش قدم پر چلنے کی کوشش کرو اور اگر کوشش کرو گے تو حقیقی نیکیاں سر انجام دینے والے اور اﷲ تعالیٰ کی رضا حاصل کرنے والے بن سکو گے۔ حضرت صوفی نبی بخش صاحبؓ: حضرت صوفی صاحب نے حضرت مسیح موعودؑ سے فرمایایہاں میں دیکھتا ہوں کہ سلسلہ کی خدمت کیلئے ہزاروں روپیہ آپ کے مرید قربان کرتے ہیں ، آپ دعا فرمائیں کہ اﷲ تعالیٰ مجھے دگنی تگنی تنخواہ دے تو میں آپ کی خدمت کرسکوں ۔ حضرت چوہدری رستم علی صاحب ؓ انسپکٹر ریلوے تھے اور ۱۵۰ روپے ماہوار تنخواہ پاتے تھے ، وہ ۲۰ روپے ماہوار اپنے گھر کے خرچ کیلئے رکھ کر باقی کل تنخواہ حضرت مسیح موعودؑ کو بھیج دیتے تھے۔ آج جب دنیا مادی عیش و آرام کیلئے مال خرچ کرتی ہے یا خواہش رکھتی ہے ، احمدی ان کو ثانوی حیثیت دیتے ہوئے دین کی خاطر قربانیاں دیتے چلے جاتے ہیں ، دنیا کی آنکھیں کھولنے کیلئے احمدیوں کی یہ قربانیاں ہی حضرت مسیح موعودؑ کی صداقت کے ثبوت کیلئے کافی ہیں ۔ایشیا ، یورپ، افریقہ ، امریکہ، ہر جگہ یہ قربانی کے نظارے نظر آتے ہیں جو قربانیاں دینے والے لوگ ہیں ۔ انڈیا میں ایک خاتون نے اپنی ایک ماہ کی تنخواہ کے برابر وقف جدید کا وعدہ لکھوادیا اور معمولی ٹیچر تھیں وہ اور کوئی خاص آمدنی نہیں تھی کہ گزارہ بہت اچھا ہوتا ہو ، جب انکے والد صاحب کو بتایا گیا کہ آپکی بیٹی نے بڑی قربانی کی ہے اس پر وہ خوشی سے رو پڑے اور اپنی بڑی بیٹی کو بلایا اور بتایا تمہاری بہن نے یہ قربانی دی ہے اور تم اس سے بڑی ہو، تم کیا کہتی ہو، تو اس نے نے اپنے وعدے پر ۱۰۰۰ روپیہ بڑھا کر اپنا وعدہ لکھوادیا۔ حضور نے وقف جدید کے نئے سال کا اعلان کیا ۔ حضور نے فرمایا ہم اس سکیم کے ۵۵ ویں سال میں داخل ہو رہے ہیں اور اﷲ تعالیٰ کے فضل سے کل قربانی اس میں دنیا کی جو رپورٹس موصول ہوئی ہیں اس کے مطابق باوجود اس کے کہ افریقہ کے بہت سے ممالک سے رپورٹیں دیر سے موصول ہوتی ہیں ۴،۶۹۳،۰۰۰ پاؤنڈ سے اوپر ہے ۔ اور گزشتہ سال کی وصولی کے مقابلہ پراﷲ تعالیٰ کے فضل سے ۵۱۰،۰۰۰ پاأنڈ زیادہ ہے ۔ الحمداﷲ ۔ حضور نے وقف جدید کی جماعتی پوزیشنز کا اعلان کیا۔ عبدالمنان ناہید صاحب کی وفات۔