آج اﷲ تعالیٰ کے فضل سے کینیڈا کے اس صوبہ میں جو برٹش کولمبیا کہلاتا ہے ، جماعت احمدیہ کو اپنی مسجد بنانے کی توفیق مل رہی ہے ، گویا یہاں آپ میں سے بعض خاندانوں کو آئے چالیس سال سے اوپر اور شاید پچاس سال بھی ہو گئے ہوں لیکن بہرحال ۲۵ سال سے ۳۰ کے عرصہ یہاں رہنے والے تو شاید کافی تعداد میں ہیں لیکن مسجد بنانے کی توفیق آپ کو اب مل رہی ہے ۔ وینکوور برٹش کولمبیا کا سب سے بڑا شہر ہے ، احمدیوں کی تعداد بھی حضور کے خیال میں اسی شہر میں سب سے زیادہ ہے اور آپکی تعداد کے لحاظ سے یہ کوئی بڑی مسجد نہیں ہے اور پھر خداتعالیٰ جو اپنے فضل سے تبلیغ کے راستے کھول رہا ہے ، وہ بھی ہم سے تقاضا کرتے ہیں کہ ہماری جگہیں وسیع ہونی چاہئیں۔ ہم نے مسجدیں آباد کر کے اﷲتعالیٰ کی عبادت کا حق ادا کر کے اور اس کے حکم کے مطابق اپنی زندگیوں کو ڈھال کر مساجد کی تنگی کو اپنے اوپر خدا تعالیٰ کی وسعت کا ذریعہ بنانا ہے ، اﷲ تعالیٰ کے فضلوں کو بڑھاتے چلے جانے کا ذریعہ بنانا ہے ۔ یقینا مساجد کی تعمیر کے بعد تبلیغ کے راستے بھی کھلیں گے اور کھلتے ہیں ، حضور نے فرمایا مارچ کے آخر میں میں نے ویلینشیا کی مسجد کا افتتاح کیا تھا ، اب جو رپورٹس آرہی ہیں اس کے مطابق جہاں غیر مسلموں کی اس طرف توجہ پیدا ہورہی ہے ، اسلام کے بارہ میں وہ لوگ جان رہے ہیں ، وہاں غیر از جماعت مسلمان بھی نمازیں پڑھنے کیلئے آتے ہیں اور جماعت کا تعارف حاصل کر رہے ہیں۔ حضرت مسیح موعودؑ نے فرمایا: اگر ایمان کے معیار حاصل کرنے ہیں تو اپنے اخلاق بھی بلند کرو ، اخلاق کی بلندی کا حقوق العباد کی ادائیگی سے صحیح پتہ چلتا ہے ، گویا صرف نمازیں پڑھ لینا اور اپنے زعم میں خدا تعالیٰ کا حق ادا کردینا ہی خدا تعالیٰ کا قرب دلانے والا اور ایمان لانے والا نہیں بناتا ، بلکہ اپنے معاشرے کے حقوق جو ہیں ان کی ادائیگی بھی ایک ایمان کا دعویٰ کرنے والے کیلئے انتہائی ضروری ہیں ، پھر آپ نے فرمایا کہ سستی اور کفل کی حالت سے بھی بچو کہ یہ بھی خدا تعالیٰ سے دور لے جاتی ہے۔ اﷲتعالیٰ کے فضل سے جماعت احمدیہ مالی قربانی کے لحاظ سے غیر معمولی قربانی کرنے والی ہے ، کم از کم ایک طبقہ ایسا ہے جو غیر معمولی قربانی کرنے والا ہے ، اس مسجد کی تعمیر میں بھی کئے افراد ایسے ہیں جنہوں نے لاکھوں ڈالر تک قربانی دی ہے۔ حضور نے فرمایا : اس مسجد کے بننے سے جیسا کے میں نے کہا تبلیغ کے راستے بھی کھلیں گے لیکن اگر ہمارے عمل ایسے نہیں کہ جو خداتعالیٰ نے بیان فرمائے ہیں تو نہ ہم خیر امت ہیں ، نہ ہمارا ایمان اﷲ تعالیٰ پر ہے ، اور نہ ہی ہماری نمازیں کسی کام کی ہیں ، نہ ہماری مالی قربانیاں خدا تعالیٰ کے ہاں قابل قبول ہیں ، نہ ہمارا یہ دعویٰ سچا ہے کہ ہم خدا تعالیٰ کا خوف رکھنے والے ہیں۔ اس مسجد کی تعمیر کا اعلان ۱۹۹۷ میں حضرت خلیفۃ المسیح الرابع ؒ نے فرمایا تھا اور بیت الرحمٰن نام بھی رکھا تھا ، کل تقریبا 3.75ایکڑ کا رقبہ ہے اسکا ، اور مسقف حصہ 33419مربع فٹ ہے، دہ منزلیں ہیں،گنبد کی اونچائی 47فٹ ہے، مینار کی 76 فٹ اونچائی ہے ، اس وقت مردوں اور عورتوں کا ہال ملا ہوا ہے اور دونوں ہالوں کی گنجائش ۶۸۰۰ مربع فٹ ہے اور 1132افراد نماز پڑھ سکتے ہیں۔

حضرت خلیفۃ المسیح نے فرمایا : ہمارا یہ دعویٰ ہے کہ احمدیت نے دنیا پر غالب آنا ہے انشاء اﷲتعالیٰ ، احمدیت اسلام سے کوئی علیحدہ چیز نہیں ، اصل میں حقیقی اسلام ہی احمدیت ہے یا احمدیت ہی حقیقی اسلام ہے ، ہمارے مخالفین چاہے جتنا مرضی شور مچاتے رہیں کہ احمدی مسلمان نہیں لیکن اﷲ تعالیٰ کی فعلی شہادت ہر آن ہمیں من حیث الجماعت یہ تسلی دلاتی رہتی ہے کہ خدا ہمارے ساتھ ہے اور دنیا کو حقیقی اسلامی تعلیم اگر کہیں مل سکتی ہے تو آنحضرت ﷺ کے عاشق صادق سے مل سکتی ہے ، اس امام الزماں سے مل سکتی ہے، اس مسیح موعود و مہدی موعود سے مل سکتی ہے جس کو اﷲ تعالیٰ نے اپنے وعدے کے مطابق اسلام کی نشعط ثانیہ کیلئے مقرر فرمایا ہے یا جس کے ذریعے سے اسلام کا احیا ءنو ہونا ہے۔ حضرت خلیفۃ المسیح نے فرمایا : پس مجھے تو اس بارہ میں اﷲ تعالیٰ کے فضل سے رتی بھر بھی شک نہیں ہے اور نہ ہی کسی سچے احمدی کو ہوسکتا ہے کہ نعوذ باﷲ جماعت کسی وقت بھی اﷲتعالیٰ کی تائیدات سے محروم رہ جائے گی یا یہ غلبہ نہیں ہوگا، یہاں ہر احمدی پر یہ واضح ہونا چاہئے کہ یہ غلبہ کیا ہے ، کیا حکومتوں پر قبضہ کرنا غلبہ ہے ، یا ہر ملک میں احمدیوں کی اکثریت ہو جانا غلبہ ہے، یہ بھی ایک قسم ہے غلبہ کی لیکن اﷲتعالیٰ کی سنت ہے کہ غلبہ دو طریقوں سے ہوتا ہے۔ حضرت خلیفۃ المسیح نے فرمایا : پس دنیا کو توحید پر قائم کرنے اور دین واحد پر جمع کرنے کیلئے جن باتوں کی ضرورت ہے وہ ایک تو تبلیغ ہے، اﷲ تعالیٰ کا پیغام پہنچانا، دوسرے اپنے اخلاق کو اعلیٰ سطح پر لے جانا ، تیسرے دعاؤں کے ذریعے سے خدا تعالیٰ سے مدد چاہنا ، پس آج ہر احمدی کو ، ہر اس شخص کو جو اپنے آپ کو حضرت مسیح موعودؑ کی طرف منسوب کرتا ہے ، اس ذمہ داری کو سمجھنے کی ضرورت ہے تاکہ اس مقصد کے حصول کا ذریعہ بن سکے جس کیلئے حضرت مسیح موعودؑ بھیجے گئے تھے ، بیشک نشانا ت اور براہین خداتعالیٰ نے عطا فرمائےاور آج تک ان نشانات کے ذریعے ہی ہم احمدیت کی ترقی دیکھ رہے ہیں، اگر اپنی کوشش دیکھیں تو ہزارواں لاکھواں حصہ بھی نہیں ان فضلوں کا جو اﷲ تعالیٰ جماعت پر فرما رہاہے۔ جب ایک احمدی اپنے اجلاسوں اور اجتماعوں میں یہ عہد کرتا ہے کہ دین کو دنیا پر مقدم رکھوں گا تو پھر اس کا مکمل پاس کرنا بھی ضروری ہے ، تبھی ہمارے نمونے دیکھتے ہوئے دنیا ہماری طرف متوجہ ہوگی، جب خلفاء دنیا کو یہ چیلنج دیتے رہے یا اب جب حضرت خلیفۃ المسیح دنیا کو یہ کہتے ہیں کہ ہم اﷲ تعالیٰ کی طرف بلانے کے پیغام کو بغیر تھکے دنیا تک پہنچاتے چلے جائیں گے اور ایک دن دنیا کا دل جیت کر انہیں اسلام کی آغوش میں لے آئیں گے ، تو اس حسن ظن کے ساتھ یہ پیغام دیا جاتا ہے کہ اعمال کی خوبصورتی اور خدا تعالیٰ کی کامل فرمانبرداری کرتے ہوئے افراد جماعت کی روحانی ترقی کے معیار نہ صرف قائم رہیں گے بلکہ بہتر سے بہتر ہوتے چلے جائیں گے اور وہ حضرت مسیح موعودؑ کے مشن کو ایک لگن کے ساتھ آگے چلاتے چلے جائیں گے۔ یہ جذبہ اور جوش تبلیغ کا پرانے احمدیوں اور بڑی عمر کے لوگوں میں نہیں ہےبلکہ حضرت خلیفۃ المسیح نے بعض نوجوانوں میں دیکھا ہے بلکہ یہاں ایک نو احمدی جو غالبا بے پوائنٹ پہ رہتے ہیں مجھے ملنے آئے تو بڑے جوشیلے تھے کہ کس طرح ان لوگوں کو جو مقامی سپینش ریجن کے ہیں ، ان لوگوں میں احمدیت اور حقیقی اسلام کس طرح پہنچایا جائے اور جلد سے جلد پہنچایا جائے، کہنے لگے مجھے بائیبل تو چالیس فیصد یاد ہے اور اب میں قرآن کریم کے دلائل بھی یاد کر رہا ہوں۔ حضرت خلیفۃ المسیح نے فرمایا : پس اب لگتا ہے کہ اﷲ تعالیٰ کی تقدیر زمینیں بھی ہموار کرتی چلی جارہی ہے، امریکہ میں بھی اور ساتھ کے ہمسائے ملکوں میں بھی اﷲ تعالیٰ نے ہوا چلا دی ہے ، کیلیفورنیا میں تو ہسپانوی لوگوں کی اکثریت ہو چکی ہے، یہی کہا جاتا ہے اب ، جن میں بظاہر یہ لگتا ہے کہ مذہب کی طرف رجحان بھی ہے ، لیکن اب سچے مذہب کی تلاش ہے انہیں، پس اس علاقے کیلئے ایک خاص پروگرام بننا چاہئے اور یہاں رہنے والوں کو اپنی ذمہ داری ادا کرنے کی طرف توجہ دینی چاہئے، لٹریچر جو مہیا ہے فی الحال اسی سے استفادہ کریں اور جلد از جلد یہاں کی زبان کے مطابق بھی لٹریچر کو ڈھالنے کی کوشش کریں ۔

اﷲتعالیٰ نے ایک مومن کیلئے بنیادی شرط تقویٰ رکھی ہے ، اس بارہ میں بے شمار آیات قرآن کریم میں ہیں جن میں تقویٰ اختیار کرو، تقویٰ پہ قائم رہو، یہ تلقین مختلف حوالوں سے اﷲ تعالیٰ نے فرمائی ہے ، مختلف احکامات دیئے ہیں اور ان احکامات پر چلنےوالوں کو تقویٰ پر چلنے والا یا متقی کہا ہے اور عمل نہ کرنے والوں کو ان کے انجام سے خوف دلایا ہے ۔ آج کے اس دور میں ایمان لانے والوں میں سے احمدی وہ خوش قسمت ہیں جن کو باریکی سے خدا تعالیٰ سے تعلق کی طرف توجہ دلائی گئی ہے ، یہ حضرت مسیح موعودؑ کا ہم پر احسان ہے کہ کھول کھول کر ان اعلیٰ مدارج کے راستے دکھاتے ہیں جن سے ایک مومن خداتعالیٰ کا قرب حاصل کرسکتا ہے ، یقینا ہر انسان کا معیار، نیکی کا معیار بھی، فراست کا معیار بھی ، سمجھ کا معیار بھی، علم کا معیار بھی، مختلف ہوتا ہے، ایک جیسا نہیں ہوتا ہر ایک کا، اس لئے ہر ایک کو یہ حکم ہے کہ اپنی استعدادوں اور صلاحیتوں کی انتہا تک اﷲ تعالیٰ سے کئے گئے عہد اور اسکی امانتوں کی ادائیگی تک پہنچاؤ۔ ان ملکوں میں شرابیں ، جوا ، انٹرنیٹ، گندی اور لغو فلمیں ، غلط دوستیاں ہیں جہاں گھروں کو اجاڑ رہی ہوتی ہیں وہاں نوجوانوں کو غلط راستے پر ڈال کر خدا تعالیٰ کی ذات پر ایمان سے بھی ہٹا کر معاشرے کا ناسور بنا رہی ہوتی ہیں، ایک مستقل بیماری بن رہے ہیں وہ لوگ ، پس خدا تعالیٰ فرماتا ہے کہ تمہارے ہر عضو کا اور ہر سوچ کا اﷲ تعالیٰ کی رضا کے مطابق اور بر محل استعمال تمہیں تقویٰ میں بڑھائے گا اور اس کے خلاف عمل تمہیں شیطان کی گود میں پھینک دے گا۔ حضرت خلیفۃ المسیح نے فرمایا یہ پہلی آیت جو میں نے تلاوت کی تھی ، یہ نکاح پر پڑھی جانے والے آیتوں میں سے بھی ایک آیت ہے، اﷲ تعالیٰ اس میں جہاں انسان کو خود آئندہ زندگی کی فکر کی طرف توجہ دلا رہا ہے وہاں آئندہ پیدا ہونے والی نسل کی تربیت اور ان کو دنیا کی بجائے نیکیوں میں آگے بڑھنے کی طرف توجہ دلانے کا بھی ارشاد فرما رہا ہے ، کیونکہ نیک اولاد اﷲ تعالیٰ کی رضا کو حاصل کرنے کی کوشش کرنے والی اولاد جہاں اپنی عاقبت سنوارنے والی ہوگی وہاں نیک اولاد کے عمل اور ان کی دعائیں والدین کیلئے دعائیں جو وہ کر رہے ہیں ، والدین کے درجات اگلے جہان میں بھی بلند کرنے کا باعث بن رہے ہونگے، پس خدا تعالیٰ فرماتا ہے کہ اپنی شادی کے موقع پر یہ بات یاد رکھو کہ دنیا اور اس کی تمام آسائشیں، مزے ، لذتیں عارضی چیز ہیں۔ اﷲتعالیٰ کے فضل سے من حیث الجماعت بے شک اﷲ تعالیٰ کے بے شمار فضل ہم جماعت پر دیکھتے ہیں ، جماعت کی ترقی بھی ہم دیکھتے ہیں، اﷲ تعالیٰ کا جماعت کے ساتھ ایک خاص سلوک بھی ہم دیکھتے ہیں کہ کس طرح انتہائی نامساعد حالات میں بھی جماعت کو اﷲ تعالیٰ دشمن کے منہ سے نکال لاتا ہے ، جماعت کی ایک اچھی تعداد یقینا تقویٰ پر چلنے والوں اور اﷲ تعالیٰ کی رضا حاصل کرنے والوں کی بھی ہے لیکن ہمیں کوشش کرنی چاہئے کہ حضرت مسیح موعودؑ سے عہد بیعت باندھ کر ہم میں سے ہر ایک وہ معیار تقویٰ حاصل کرے ، وہ خدا تعالیٰ کا قرب ہمیں حاصل ہو جو ایک حقیقی مسلما ن کا ہونا چاہئے اور جو حضرت مسیح موعودؑ ہم سے چاہتے ہیں۔ حضرت مسیح موعودؑ فرماتے ہیں: توحید صرف اس بات کا نام نہیں کہ منہ سے لا الہ الی اﷲ کہیں اور دل میں ہزاروں بت جمع ہوں بلکہ جو شخص کسی اپنے کام اور مکر اور فریب اور تدبیر کو خدا کی سی عظمت دیتا ہے یا کسی انسان پر بھروسہ رکھتا ہے جو خدا تعالیٰ پر رکھنا چاہئے یا اپنے نفس کو وہ عظمت دیتا ہے جو خدا کو دینی چاہئے ، اس سب صورتوں میں وہ خدا کے نزدیک بت پرست ہے۔

آج اﷲ تعالیٰ کے فضل سے زمانے کے امام اور عاشق رسول ﷺ کی جماعت ہے جو مخالفین اسلام کے ہر الزام کو قرآن کریم کی روشنی میں رد کرتی ہےاور ہر بیہودہ گوئی کا جواب دے کر مخالفین اسلام کو ان کا آئینہ دکھاتی ہے ، ہمارے طرف سے علاوہ قرآن کریم کی مختلف آیات کے جو شدت پسندی کی رد کیلئے پیش کی جاتی ہیں، یہ آیات جو حضور نےتلاوت کی ہیں یہ بھی پیش کی جاتی ہیں کہ اسلام کی انصاف پسند اور انتہائی اعلیٰ معیار کی تعلیم کیا ہے ۔ ہمیں حقیقت پسند ہونے کی بھی ضرورت ہے اور اپنے جائزے لینے کی بھی ضرورت ہے، ہم بیشک قرآنی تعلیم کی رو سے اور ہم آنحضرت ﷺ کے اسوہ کے حوالے سے مخالفین کی تسلی کروانے کی کوشش کرتے ہیں اور شاید کافی حد تک کامیاب بھی ہو جاتے ہیں، یہی وجہ ہے کہ اب دنیا میں مختلف اخباروں میں لکھنے والے جب بھی اسلام کے بارہ میں لکھتے ہیں تو بعض دفعہ نام لیکر اور بعض دفعہ بغیر نام کے اشارۃ یہ بات کرتے ہیں کہ اسلام میں ایک اقلیتی جماعت ہے جو اس شدت پسندی کے خلاف ہے جو عام طور پر مسلمانوں میں نظر آتی ہےاور یہ جماعت ہے جو اسلام کو دنیا میں قائم کرنا چاہتی ہے اور یہ دعویٰ بھی کرتی ہے اسلام کی حقیقی تعلیم پر عمل کرنے والے صرف ہم ہیں۔ اگر کوئی احمدیوں کے قول و فعل میں تضاد دیکھتا ہے تو یہ نہیں کہے گا کہ فلاں شخص کہتا کچھ ہے اور کرتا کچھ ہے یا اس میں سچائی کا فقدان ہے یا وہ انصاف کے تقاضے پورے نہیں کرتا بلکہ فوری طور پر یہ کہا جاتا ہے کہ دیکھو فلاں احمدی ہے، دعوے تو اپنی نیکیوں کے یہ لوگ بڑے کرتے ہیں ، جماعت اپنے آپ کو بڑا اس زمانے میں انصاف کا علمبردار سمجھتی ہے لیکن اس میں شامل لوگ ایسے ایسے ظلموں میں ملوث ہیں ، اکثر لوگ جو احمدیوں کیساتھ مل کاروبار کرتے ہیں، حضرت خلیفۃ المسیح کو لکھتے ہیں کہ فلاں شخص احمدی تھا،ہم نے اعتبار کیا اور اب یہ یہ مسائل پیدا ہورہے ہیں۔ اس کی کچھ بھی پرواہ نہ ہو کہ حق بات بتانے کی وجہ سے، سچی گواہی کی وجہ سے میں خود کتنی مشکلات میں مبتلا ہوسکتا ہوں یا میرے عزیز رشتہ دار ، میرے بچے، اگر میں ان کے خلاف گواہی دوں تو کس مشکل میں گرفتار ہوسکتے ہیں یا میرے اپنے والدین یابچوں یا عزیزوں دوستوں کے خلاف گواہی سے مجھے کن مشکلات کا سامنا کرنا پڑسکتا ہے ، ہماری سوچ یہ ہونی چاہئے کی حق بات پر قائم رہنے کیلئے ، انصاف پر قائم رہنے کیلئے ہمیں اپنے ماحول ، اپنے عزیزوں اور بزرگوں کی ناراضگی بھی مول لینی پڑے تو ہم لے لیں گے ، اﷲ تعالیٰ فرماتا ہے کہ تمہاری امارت یا غربت، تمہارے فائدے یا نقصان ، تمہاری چالاکیوں یا انصاف سے دور جانے سے نہیں ہیں بلکہ اﷲتعالیٰ کے فضلوں پر منحصر ہیں۔ پس آج دنیا میں انصاف قائم کرنے، سچائی کو پھیلانے ، امن اور سلامتی کی ضمانت بننے کا کام مسلسل اور باریک در باریک پہلوؤں کو سامنے رکھتے ہوئے کرنا ایک مومن کا کام ہے ، ایک حقیقی احمدی کا کام ہے ، اس زمانے میں احمدی مسلمان ہی ہیں جو اس دعوے کا اظہار کرتے ہیں کہ ہم حقیقی مسلمان ہیں ، ہم حقیقی مومن ہیں ، کیونکہ ہم نے زمانے کے امام کو مانا ہے ، کیونکہ ہم نےاسلام کی حقیقی تعلیم سے آگاہی حاصل کی ہے اور ہم احکامات ہر عمل کرنے کا عملی نمونہ بننے کی بھی کوشش کرتے ہیں۔ پس اﷲ تعالیٰ نے ہمارے ذمہ جو دنیا کو امن اور سلامتی کا پیغام پہنچانے کی ذمہ داری ڈالی ہے اس کیلئے ہر سطح پر ہمیں انصاف کو قائم کرنا ہوگا ، سچائی کو قائم کرنا ہوگا ، انصاف قائم ہوتا ہے اﷲتعالیٰ کے احکام کو گہرائی میں جا کر جاننے اور عمل کرنے سے ، حقوق ﷲ کی ادائیگی میں بھی گہرائی میں جا کر ان کو جاننے اور ان پر عمل کرنے کی ضرورت ہے اور حقوق العباد کی ادائیگی میں بھی اﷲ تعالیٰ کے تمام احکامات کو گہرائی میں جا کر جاننے اور عمل کرنے کی ضرورت ہے ، اﷲ تعالیٰ ہمیں اس کی توفیق عطا فرمائے ، تاکہ جہاں ہم اپنے گھروں اور اپنے معاشرے کو انصاف پر قائم رکھتے ہوئے جنت نظیر بنائیں وہاں اسلام کی خوبصورت تعلیم کی روشنی میں تبلیغ کا حق بھی ادا کرنے والے ہوں۔

ایک حقیقی مومن کو خدا کا خوف ہمیشہ رہنا چاہئے اور ان باتوں کی تلاش رہنی چاہئے جو خدا تعالیٰ کا فرمانبردار بنائیں، حقیقی مسلمان بنائیں ، اس کیلئے خواہ دنیاوی نقصان اٹھانا پڑے ، ایک حقیقی مسلمان کو اس کی کچھ بھی پرواہ نہیں کرنی چاہئے، ماں باپ، عزیز رشتہ دار، معاشرہ ، سیاسی لیڈر، مذہبی لیڈر، غرض کہ کوئی بھی ہو، اﷲ تعالیٰ کے احکام کے سمجھنے اور اس پر عمل کرنے سے دور کرنے والا نہیں ہونا چاہئے، ہر شخص نے خدا تعالیٰ کے حضور حاضر ہو کر اپناحساب خود دینا ہے، کوئی سیاسی لیڈر، کوئی عزیز، کوئی مولوی کسی کو بچانے والا نہیں ہوگا۔ اسلام کی خدمت کے نام پر جو بھی تنظیمیں بنی ہوئی ہیں اور اپنی طرف سے جو جہادی کاروائیاں بھی کر رہی ہیں، ان کا نتیجہ سوائے اسلام کی بدنامی کے اور کچھ نہیں، اور خداتعالیٰ تو فرماتا ہے کہ میں اپنے راستے میں جہاد کیلئے نکلنے والوں کو کامیاب کرتا ہوں، کونسی کامیابی ہے جو انہوں نے حاصل کی، مسلمان ہی مسلمان کو قتل کر رہا ہے، اسلحہ ہے تو وہ بڑی طاقتوں سے لیا جا رہا ہے ، مسلمانوں کے پاس نہ تو اپنی فیکٹریاں ہیں اور نہ اسلحہ خانے، شام میں بھی جو کچھ ہورہا ہے وہاں کے حکومت مخالف جو گروپ ہیں، انکا مغربی دنیا سے یہی مطالبہ ہے ، وہ یہی کہ رہے ہیں کہ اگر تم حکومت کا تختہ الٹنا چاہتے ہو تو ہمیں اسلحہ دو۔ آج کل کے حکمرانوں کو رعایا اور عوام کی فکر نہیں ہے، صرف اپنے تخت اور اپنی حکومت کی فکر ہے، علماء ہیں تو وہ اپنا کام چھوڑ کر ، مسلمانوں کی دینی تربیت کرنے کی بجائے اقتدار کی دوڑ میں پڑے ہوئے ہیں، یا پھر کچھ ایسے ہیں جو اسلام کے نام پر دہشت گرد تنظیموں کو چلا رہے ہیں یا ان کی مدد کر رہے ہیں، دینی مدرسوں میں جہاد کے نام پر بچوں کی عسکری تربیت کی جاتی ہے، اسلحہ کے استعمال کے طریقے سکھائے جاتے ہیں اور یہ سب کچھ استعمال کس کے خلاف ہونا ہے؟ مسلمانوں کے۔ مسلمان مسلمان کے خون کا پیاسا ہوا ہواہے، اسلام جو امن اور محبت کا مذہب ہے جس کا مطلب ہی یہی ہے کہ امن ،محبت اور مشکلات سے نکالنے والا ۔ اسی طرح دوسرے اسلامی ممالک کا حال ہے، بے چینی اور بے انصافی، ظلم و تعدی، حکومت کا حق ادا نہ کرنا یعنی جو اس کے ذمہ رعایا کا حق ہےاور اسی طرح عوام جو ہیں، وہ بھی اپنی ذمہ داریوں کو ادا نہیں کرتے، جب عوام کو موقع ملے تو ان کی طرف سے بھی ظلم کا اظہار ہوتا ہے، یہ سب تقوٰی سے دوری ہے اور اﷲ تعالیٰ کی فرمانبرداری سے اپنے آپ کو باہر نکالنا ہے ، کہنے کو تو کہتے ہیں کہ اسلام کی تعلیم کامل اور مکمل تعلیم ہےاور یقینا ہے ، لیکن ان کی یہ بات کہ اس وجہ سے ہمیں کسی مجدد کی ضرورت نہیں ہے، کسی مسیح و مہدی کی ضرورت نہیں ہے، کسی نبی کی ضرورت نہیں ہے، غلط ہیں، قطع نظراس کے کہ خداتعالیٰ اور اس کے رسول ﷺ کی پیشگوئی ہے کہ اس زمانے کی اصلاح کیلئے خداتعالیٰ کی طرف سے ایسا شخص مبعوث ہوگا۔ حضرت مسیح موعودؑ فرماتے ہیں : میں سچ مچ کہتا ہوں کہ قرآن کریم کی آئندہ پیشگوئی کے مطابق وہ ذوالقرنین میں ہوں جس نے ہر ایک قوم کی صدی کو پایا اور دھوپ میں جلنے والے وہ لوگ ہیں جنہوں نے مسلمانوں میں سے مجھے قبول نہیں کیا اور کیچڑ کے چشمے اور تاریکی میں بیٹھنے والے عیسائی ہیں جنہوں نے آفتاب کو نظر اٹھا کر بھی نہ دیکھا اور وہ قوم جن کیلئے دیوار بنائی گئی میری جماعت ہے، میں سچ سچ کہتا ہوں کہ وہی ہیں جن کا دین دشمنوں کے دست پرس سے بچے گا۔ چوہدری محفوظ الرحمٰن صاحب کی وفات، قیصرہ بیگم صاحبہ جو کہ حضرت خلیفۃ المسیح الثانی ؓ کی بہو تھیں کی وفات۔

یہ سال جیساکہ تمام جماعتیں جانتی ہیں ، جماعت میں انتخابات کا سال ہے ، ہر تین سال بعد انتخابات ہوتے ہیں ، امراء ، صدران اور دوسرے مختلف عہدیداران کے انتخابات کئے جاتے ہیں، بعض جماعتوں میں یہ انتخابات شروع بھی ہوچکے ہیں ، بڑی جماعتوں میں مجالس انتخاب منتخب ہوتی ہیں، انکے انتخاب ہو رہے ہیں، یہ مجالس انتخاب پھر اپنے عہدیداران منتخب کرتی ہیں، تو بہرحال جماعت کے انتظامی ڈھانچے کو صحیح رنگ میں چلانے کیلئے جہاں یہ انتخابات ضروری ہیں وہاں اس کام کو احسن رنگ میں آگے بڑھانے کیلئے عہدوں کا حق ادا کرنے کیلئے صحیح افراد کا انتخاب بھی بہت ضروری ہے۔ جماعتی نظام میں ہماری یہ عادت ہے کہ ہر کام سے پہلے دعا کرتے ہیں ، انتخابات سے پہلے بھی دعا کروائی جاتی ہے، اگر خالص ہو کر خدا تعالیٰ سے راہنمائی لیتے ہوئے انتخابات کی کاروائی کی جائے تو اﷲ تعالیٰ پھر اپنے فضلوں اور برکتوں سے نوازتا ہے ، پس ہر ووٹ دینے والا اپنے حق رائے دینے کی اہمیت کو سمجھے اور ہر قسم کے ذااتی رجحانات یا ذاتی پسندوں اور ذاتی تعلقات سے بالا ہو کر جس کام کیلئے کسی کو منتخب کرنا چاہتے ہیں ،اس کے حق میں اپنی رائے دیں، پرانے احمدی تو جانتے ہیں، نئے آنے والوں پر بھی واضح ہونا چاہئے ، نوجوانوں پر بھی واضح ہونا چاہئے کہ انتخابات میں رائے دی جاتی ہے ، حتمی فیصلہ خلیفہ وقت کی طرف سے ہوتا ہے، بعض دفعہ کسی کے حق میں کثرت رائے کے باوجود بعض وجوہات کی بنا پر دوسرے کو بنا دیا جاتا ہے ۔ لوگوں کو بڑی خواہش ہوتی ہے عہدوں کی، کہ اگر یہ پتہ ہو ان کو کہ یہ کتنی بڑی ذمہ داری ہے اور اس کا حق ادا نہ کرنے پر خدا تعالیٰ کی ناراضگی بھی ہو سکتی ہے، گرفت بھی ہوسکتی ہے، تو ہر عہدیدار دوسروں سے بڑھ کر دن اور رات استغفار کرنے والا ہو، ہر عہدیدار کو چاہئے کہ ووٹ حاصل کرنے کے بعد یا عہدے کی منظوری آ جانے کے بعد وہ آ زاد نہیں ہوگیا بلکہ ایسے بندھن میں بندھ گیا ہے جس کو نہ نبھانے کی صورت میں یا اپنی استعدادوں اور صلاحیتوں کے مطابق نہ بجالا نے کی صورت میں اﷲ تعالیٰ کی ناراضگی لینے والا بھی ہوسکتا ہے۔ پس جب تک تقویٰ کے معیار اونچے نہیں ہونگے اس وقت تک اپنی امانتوں اور عہدوں کا حق ادا نہیں ہوسکتا ، یہ امانتیں جیسا کہ حضرت مسیح موعودؑ نے فرمایا خدا تعالیٰ کی بھی ہیں اور بندوں کی بھی اور ایک عہدیدار خاص طور پر دونوں طرح کی امانتوں کاا مین متصور ہوتا ہے اور ہے، پس پھر میں توجہ دلاتا ہوں افراد جماعت کو جنہوں نے اپنے عہدیدار منتخب کرنے ہیں کہ اﷲ تعالیٰ سے دعا مانگتے ہوئے ان کے حق میں رائے دیں جو دونوں طرح کی امانتوں اور عہدوں کا حق ادا کرنے والے ہوں اور یہ اسی وقت ہوسکتا ہے جب ہر طرح جماعت کا تقویٰ کا معیار بھی بلند ہو۔ عہدیدار کی ایک خصوصیت یہ ہونی چاہئے کہ جماعتی اموال کو خاص طور ہر بہت احتیاط سے خرچ کرے ، کسی بھی صورت میں اصراف نہیں ہونا چاہئے، اسی لئے خاص طور پر وہ شعبہ جن پر اخراجات زیادہ ہوتے ہیں اور ان کے بجٹ بھی بڑے ہیں، انہیں صرف اپنے بجٹ ہی نہیں دیکھنے چاہئیں، بلکہ کوشش ہو کہ کم سے کم خرچ میں زیادہ سے زیادہ استفادہ کس طرح کیا جا سکتا ہے ، مثلا ضیافت کا شعبہ ہے، لنگر کا شعبہ ہےیا جلسہ سالانہ کے شعبہ جات ہیں ، ہر دو شعبوں کے نگرانوں کو بہت احتیاط کی ضرورت ہے، کم سے کم خرچ کرنے کی کوشش کرنی چاہئے اور یہی صحیح امانت کا حق ادا کرنے کا طریق ہے۔ ایک عہدیدار کی یہ خصوصیت بھی ہے کہ اس کا اپنے ساتھ کام کرنے والوں کے ساتھ حسن سلوک ہو ، جماعت کے عہدے کوئی دنیاوی عہدے تو نہیں ہیں کہ افسران اور ماتحت کا سلوک ہو ، ہر شخص جو جماعت کی خدمت کرتا ہے چاہے وہ ماتحت ہو ایک جذبہ کے تحت جماعت کے کام کرتا ہے ، پس افسران کو اور عہدیداران کو اپنے ساتھ کام کرنے والوں کے ساتھ بھی حسن سلوک کرنا چاہئے، اگر غلطی ہو تو پیار سے سمجھائیں نا کہ دنیاوی افسروں کی طرح باز پرس ہو، ہاں اگر کوئی اس قدر ڈھٹائی دکھا رہا ہے کہ جماعتی مفاد کو نقصان پہنچ رہا ہے تو پھر مناسب طریق سے تنبیہ کریں، بالا افسران کو اطلاع کریں۔

حضرت مسیح موعودؑ نے فرمایا : اس وقت ہماری جماعت کو مساجد کی بڑی ضرورت ہے ، یہ خانہ خدا ہوتا ہے، جس گاؤں یا شہرمیں ہماری جماعت کی مسجد قائم ہوگئی تو سمجھو کہ جماعت کی ترقی کی بنیاد پڑ گئی، اگر کوئی ایسا گاؤں ہو یا شہر جہاں مسلمان کم ہوں یا نہ ہوں اور وہاں اسلام کی ترقی کرنی ہو تو ایک مسجد بنا دینی چاہئے ، پھر خدا خود مسلمانوں کو کھینچ لاوے گا۔ حضرت خلیفۃ المسیح نے فرمایا کہ میں نے جو صحابہؓ حضرت مسیح موعودؑ کے واقعات کا سلسلہ شروع کیا تھا جس میں بہت زیادہ تشنگی رہ گئی ہے کیونکہ تمام صحابہؓ کے واقعات ابھی ہمارے سامنے نہیں آئے اور جو آئے وہ بھی بہت کم اور مختصر تھے ، لیکن وہی جو سامنے آئے ایسے معیار کے ہیں جو صحابہؓ کی طرف دعاؤں کیلئے متوجہ کرتے ہیں، اور جو ان صحابہؓ کی نسل میں سے ہیں، یہاں سپین میں بھی رہنے والے بعض شاید ہوں، ان کو خاص طور پر اپنے بزرگوں کیلئے دعاؤں اور ان کے نمونوں پر چلنے کی طرف متوجہ ہونا چاہئے۔ حضرت خلیفۃ المسیح نے فرمایا کہ خدا کے حکموں سے نہ میں باہر ہوں اور نہ آ پ باہر ہیں ، نہ کوئی عہدیدار باہر ہے اور نہ کوئی مربی اور مبلغ باہر ہے ، نہ ہی کوئی فرد جماعت چاہے وہ مرد ہے یا عورت ہے وہ باہر ہے ، جب تک اﷲتعالیٰ کی رسی کو ہم مضبوطی سے پکڑے رکھیں گے ، جب تک ہم قرآن کریم کی تعلیم پر عمل کرنے والے بنے رہیں گے ، جب تک ہم اﷲ تعالیٰ کے اس احسان کو یاد رکھیں گے کہ اس نے ہمیں احمدی ہونے اور احمدیت پر قائم رہنے کی توفیق عطا فرمائی، ہم اﷲ تعالیٰ کا بھی حق ادا کرنے والے ہونگے اور اﷲ تعالیٰ کے گھر کا بھی حق ادا کرنے والے ہونگے۔ دین جو حقیقی دین ہے وہ تو اب خدا تعالیٰ نے واضح طور پر بتا دیا ہے کہ اسلام ہے ، اسلئے اب نہ تو کوئی اور دین بندہ کو خدا تعالیٰ کے قریب لا سکتا ہے اور نہ ہی اس میں اتنی سکت ہے ، اب صرف دین اسلام ہی ہے جو بندہ کو خداتعالیٰ کے قریب کرنے کی طاقت رکھتا ہے لیکن اسلام کو پھیلانے کی بھی جن لوگوں کی ذمہ داری ہے اور جن کو اﷲ تعالیٰ نے احسان کرتے ہوئے حبل اﷲ کا سرا پکڑا دیا ہے ، وہ احمدی ہیں، پس اگر ہمارے قول و فعل میں تضاد ہوگا، اگر ہم چھوٹی چھوٹی باتوں پر اختلاف کرنے بیٹھ جائیں گے ، ایسے اختلاف جو ہماری اکائی کو نقصان پہنچانے والے ہوں تو یقینا ہم خدا تعالیٰ کے آگے جوابدہ ہونگے، گزشتہ خطبہ میں بتایا گیا تھا کہ ہزاروں سپینش جن کی صدیوں پہلے بنیاد اسلام تھی ، ان میں سے ہزاروں ایسےلوگ ہیں جو اسلام میں دوبارہ داخل ہوئے ہیں اور ہو رہے ہیں لیکن حقیقی اسلام کا انہیں ابھی پتہ نہیں ہے۔ اس مسجد کے افتتاح میں ایک دعوت ہوئی اور اتنی بڑے پیمانے پہ اس دعوت کا پہلی دفعہ جماعت سپین نے اہتمام کیا تھا جس میں ہمسایوں کے علاوہ پڑھے لکھے لوگ اور سرکاری افسران اور سیاست دان بھی آئے اور ہر طبقے کے لوگ تھے اور بڑا اچھا اثر لیکر گئے ہیں، اکثر نے یہ کہا کہ اسلام کی خوبصورت تعلیم آج ہم نے پہلی دفعہ سنی ہے ، بعض نے کہا ہم بڑے جذباتی ہو رہے تھے، بلکہ بعض خدا تعالیٰ کا انکار کرنے والوں نے بھی کہا کہ ہمیں بہت کچھ مذہب کے بارہ میں پتہ چلا ۔ پس یہ حکمت سے بات کرنا آپس میں بھی ضروری ہے اور تبلیغ کیلئے بھی ضروری ہے ، تربیت کیلئے بھی ضروری ہے اور دنیا کو خد اتعالیٰ کی طرف بلانے کیلئے بھی ضروری ہے، تبلیغ کے راستے تو اﷲ تعالیٰ نے اپنے فضل سے کھول دئیے ہیں، اس سے فائدہ اٹھانے اور ایک مہم کی صورت میں تبلیغ کے میدان میں اترنا اب افراد جماعت کا کام ہے ، اخباروں نے تو مسجد کے حوالے سے خبریں لگا دیں کہ اسلام نے جھنڈے گاڑ دئیے ، خلیفہ نے کہا کہ ۱۷ویں صدی میں مسلمانوں کو یہاں سے نکالا گیا تھا ، اب ہم نے واپس یہاں آ ناہے لیکن صرف ان خبروں سے تو ہمارا مقصد حاصل نہیں ہوگا ، اس سے ملتی جلتی خبریں حضرت خلیفۃ المسیح الرابع کے حوالے سے بھی اخباروں میں شائع ہوئی تھیں جب مسجد بشارت پیڈروآباد کا افتتاح ہوا تھا۔

حضرت خلیفۃ المسیح نے فرمایا الحمد ﷲ آج ہمیں سپین میں دوسری احمدیہ مسجد بنانے کی توفیق مل رہی ہے، تقریبا سات سال قبل حضور نے مسجد بشارت پیڈروباد میں مزید مساجد بنانے کی اہمیت پر زور دیا تھا اور اس وقت یہ فیصلہ ہوا تھا کہ ویلینشیا میں مسجد کی تعمیر کی جائے، احمدیوں کی تعداد سے زیادہ مسجد بنانےکی اہمیت اس یہاں کی تاریخ کے لحاظ سے تھی، احمدی تو یہاں پہ صرف ۱۳۰ کے قریب ہیں۔ مسجد بشارت ایسی جگہ واقع ہے جہاں قرطبہ کو راستہ جاتا ہے اور عین موٹروےپر واقع ہے اور اگر تعارف کا کوئی ذریعہ نکالا جاتا تو بہت سے لوگوں تک یہ تعارف پہنچتا، بعض اچھا کام کرنے والی جماعتوں نے کم تعداد میں ہونے کے باوجود غیر معمولی طور پر جماعت احمدیہ کے تعارف کا کام کیا ہے اور لیف لٹ کے ذریعے سے اسلام اور جماعت کا تعارف بہت وسیع تعداد میں لوگوں تک پہنچایا ہے، مسجد بشارت کو اکثر غیر لوگ دیکھنے آتے ہیں، بعض وفود بھی آتے ہیں لیکن اگر ایک جذبے اور شوق سے کام ہوتا تو کہیں زیادہ مسجد کی وجہ سے اسلام کا تعارف ہوسکتا تھا اس علاقے میں۔ حضور نے فرمایا ویلینشیا کی تاریخ کی اہمیت کی وجہ سے حضور نے یہاں مسجد بنانے کو ترجیح دی تھی، اسلئے کہ جب سپین میں ظالم بادشاہ اور ملکہ نے مسلمانوں کو زبردستی عیسائی بنانا شروع کیا تھا ، ویلینشیا اس زمانے میں بھی وہ علاقہ تھا جہاں باوجود مسلمانوں کےساتھ بد سلوکی کے عربی بولی جاتی تھی، اسلامی رسم و رواج قائم تھا، عملا مسلمان اپنی عبادات بھی بجا لاتے تھے اور جو بھی اسلامی تعلیم ہے اس کو قائم رکھے ہوئے تھے جب کہ دوسرے علاقوں میں مسلمان گروپ کی صورت میں تو رہتے تھے لیکن کسی بھی قسم کا ایسا اظہار نہیں کرتے تھے جس سے اسلام ان سے کھل کر ظاہر ہوتا ہو۔ حضور نے فرمایا یہ آیات جو میں نے خطبہ کے آغاز میں تلاوت کی ہیں ، یہ حضرت ابراہیم ؑ اور حضرت اسماعیل ؑ نے ایک خوبصورت طریق اﷲ تعالیٰ کے گھر کی تعمیر کے بعد اس کا حق ادا کرنے کا ہمیں بتا دیا ہے اور ساتھ ہی حق ادا کرنے کیلئے دعاؤں کا طریق اور اس طرف توجہ بھی دلا دی ہے، پس اس پر غور کرنے کی ہمیں ضرورت ہے تاکہ نسل در نسل اﷲ تعالیٰ کے گھر کا حق ادا کرنے والے ہم میں سے پیدا ہوتے چلے جائیں، اس آیت میں اﷲ تعالیٰ نے حضرت ابراہیمؑ کی خانہ کعبہ کی دیواریں استوارکرتے ہوئے کی جانے والی دعا کا ذکر کیا ہے۔ پس آج اس ابراہیم کے ذریعے خانہ کعبہ کی تعمیر کے مقاصد بھی پورے ہو رہے ہیں اوراسلام کی خوبصورت تعلیم کی روشنی بھی دنیا پر ظاہر ہو رہی ہے، اور انہی مقاصد کو پورا کرنے کیلئے دنیا میں ہماری ہر تعمیر ہونے والی مسجد گواہ ہے اور ہونی چاہئے اور یہی آج اس مسجد جس کا نام بیت الرحمٰن رکھا گیا ہے ، اس مقصد کے حصول کا ذریعہ بننے کا اظہار کر رہی ہے۔ ہمیں اپنی نسلوں کیلئے بہت تڑپ کر دعا کرنے کی ضرورت ہے ، ہم احمدی اپنے اجلاسوں میں یہ عہد کرتے ہیں کہ ہر قربانی کیلئے تیار رہیں گے تو اس عہد کی روح کو اپنی نسلوں میں پھونکنے کی ضرورت ہے ، تاکہ دین کی اشاعت کیلئے قربانیاں کرنے والے گروہ پیدا ہوتے رہیں، لیکن یہ یاد رکھنا چاہئے کہ بدلتے ہوئے حالات کے مطابق قربانیوں کےطریق بھی بدلتے رہیں گے ، سپین میں اگر پہلے مسلمان جو داخل ہوئے وہ مدد کیلئےآئے، جہاد بھی کیا، اور دادرسی کیلئے آئے تھے، بیشک تلوار کا جہاد کیا انہوں نے ، تو آج کی قربانیاں تبلیغ کے جہاد کے ذریعے سے ہیں، اشاعت لٹریچر کیلئے مالی قربانیاں کر کے ہیں، مساجد کی تعمیر کر کے مالی قربانیاں کر کے ہیں، قربانیوں کی نوعیت حالات کے مطابق بدل جاتی ہے۔ حضور نے فرمایا مسجد کے بارے میں چند کوائف بھی پیش کر دیتا ہوں ، مسجد کا مقصف حصہ ۱۳۵۰ مربع فٹ ہے اور اس پہ خرچ تقریبا ایک اعشاریہ دو ملین یورو کے قریب ہوا ہے جس میں سپین کی جماعت نے تھوڑا سا حصہ دیا ہے بہرحال جو وعدے کئے ہیں وہ پورا کرنا چاہئے ان کو، اگر مالی لحاظ سے کمزوری ہے تو جو وعدے کئے ہیں ان کو پورا کریں اور مسجد کا حق اس طرح بھی ادا کرسکتے ہیں کہ مسجد کی تعمیر کے بعد آپ تبلیغ کے میدان میں اتریں ، ہال کی گنجائش ۲۵۰ افراد ہے لیکن بہرحال ہال بڑے بھی ہیں کافی۔

حضرت خلیفۃ المسیح نے فرمایا کل ۲۳ مارچ کا دن ہے جو جماعت احمدیہ میں یوم مسیح موعودؑ کے حوالے سے منایا جاتا ہے، اس حوالے سے آج کا خطبہ حضرت مسیح موعودؑ کے اپنے الفاظ میں آپؑ کی صداقت کا ثبوت، اﷲ تعالیٰ کی تائیدات، امام الزماں کی ضرورت، مسلمانوں کو آپ کو قبول کرنے اور آپ کو پہچاننے کی دعوت جو آپ نے دی ہے۔ اپنی صداقت کے متعلق حضرت مسیح موعودؑ فرماتے ہیں: میں دیکھتا ہوں کہ وہ لوگ جو نیچر اور صحیفہ قدرت کے پیرو بننا چاہتے ہوں، انکے لئے خدا تعالیٰ نے یہ نہایت عمدہ موقع دیا ہے کہ وہ میرے دعویٰ کو قبول کریں کیونکہ وہ لوگ ان مشکلات میں گرفتار نہیں ہیں جن میں ہمارے دوسرے مخالف گرفتار ہیں کیونکہ وہ خوب جانتے ہیں کہ حضرت عیسیٰ ؑ فوت ہوگئے ہیں اور پھر ساتھ ہی اس کے انہیں یہ بھی ماننا پڑتا ہے کہ مسیح موعودؑ کی نسبت جو پیشگوئی احادیث میں موجود ہے وہ ان متواترات میں سے ہے جن سے انکار کرنا کسی عقلمند کا کام نہیں، پس اس صورت میں یہ بات انہیں ضروری طور پر قبول کرنی پڑتی ہے کہ آنے والا مسیح اسی امت میں سے ہوگا ۔ حضرت مسیح موعودؑ فرماتے ہیں کہ شیخ ابن العربی اپنے ایک کشف میں یہ لکھتےہیں کہ وہ خاتم الولایت ہے اور توام پیدا ہو گا یعنی مسیح موعودؑ اور ایک لڑکی اس کے ساتھ متولط ہوگی اور وہ چینی ہوگا یعنی اس کے باپ دادا چینی ممالک میں رہے ہونگے سو خدا تعالیٰ کے ارادے نے ان سب باتوں کو پورا کردیا ، میں لکھ چکا ہوں کہ میں توام پیدا ہوا تھا اور میرے ساتھ ایک لڑکی تھی اور ہمارے بزرگ سمرقند میں جو چین سے تعلق رکھتا ہے رہتے تھے۔ حضرت مسیح موعودؑ نے فرمایا : اس وقت کے مولوی اگر دیانت اور دین پر قائم ہو کر سوچیں تو انہیں ضرور اقرار کرنا پڑے گا کہ چودہویں صدی کے مجدد کا کام کسر صلیب ہے کیونکہ یہ وہی کام ہے جو مسیح موعودؑ سے مخصوص ہے اس لئے بالضرورت یہ نتیجہ نکلتا ہے کہ چودہویں صدی کا مجدد مسیح موعودؑ چاہئے۔ حضرت مسیح موعودؑ فرماتے ہیں: اس جگہ طبعا یہ سوال پیدا ہوتا ہے کہ مسیح موعودؑ کو کیونکر اور کن وسائل سے کسر صلیب کرنا چاہئے ، کیا جنگ اور لڑائیوں سے ، جس طرح ہمارے مخالف مولویوں کا عقیدہ ہے یا کسی اور طور سے، اس کا جواب یہ ہو کہ مولوی لوگ ، خدا ان کے حال پہ رحم کرے، اس عقیدہ میں سرا سر غلطی پر ہیں، مسیح موعودؑ کا منصب ہرگز نہیں ہے کہ وہ جنگ اور لڑائیاں کرے، بلکہ اس کا منصب یہ ہے کہ حجج عقلیہ یعنی عقلی دلائل سے اور آیات سماویہ ، آسمانی نشانات سے اور دعا سے اس فتنہ کو فروع کرے۔ حضرت مسیح موعودؑ فرماتےہیں: یاد رہے کہ امام الزماں کے لفظ میں نبی ، رسول، محدث، مجدد، سب داخل ہیں ، جو لوگ ارشاد اور ہدایت خلق اﷲ کیلئے مامور نہیں ہوئے اور نہ وہ کمالات ان کو دئیے گئے، وہ گو ولی ہوں یا ابدال ہوں ، امام الزماں نہیں کہلا سکتے ،اور اب بالاخر یہ سوال باقی رہا کہ اس زمانہ میں امام الزماں کون ہے جس کی پیروی تمام عام مسلمانوں اور زاہدوں اور خواب بینوں اور ملہموں کو کرنی خدا تعالیٰ کی طرف سے فرض قرار دیا گیا ہے ، سو میں اس وقت بے دھڑک کہتا ہوں کہ خدا تعالیٰ کے فضل اور عنایت سے وہ امام الزماں میں ہوں اور مجھ میں اﷲ تعالیٰ نے وہ تمام علامتیں اور وہ تمام شرطیں جمع کیں ہیں اور اس صدی کے سر پر مجھے مبعوث فرمایا ہے۔۔ کیا یہ ممکن ہے کہ ایک شخص درحقیقت سچا ہو اور ضائع کیا جائے ؟ کیا یہ ہو سکتا کہ ایک شخص خد ا کی طرف سے ہو اور برباد کیا جاوے؟ اے لوگو تم خدا سے مت لڑو، یہ وہ کام ہے جو خدا تمہارے لئے اور تمہارے ایمان کیلئے کرنا چاہتا ہے ، اس کے مزاحم مت ہو، اگر تم بجلی کا سامنے کھڑے ہوسکتے ہو مگر خدا کے سامنے تمہیں ہرگز طاقت نہیں، اگر یہ کاروبار انسان کی طرف سے ہوتا تو تمہارے حملوں کی کچھ بھی حاجت نہ تھی، خدا اس کو نیست و نابود کرنے کیلئے خود کافی تھا۔ چوہدری مبارک مصلح الدین صاحب کی وفات۔

حضرت مسیح موعودؑ فرماتے ہیں: دعاؤں میں جو روح بخدا ہو کر توجہ کی جاوے تو پھر ان میں خارق عادت اثر ہوتا ہےلیکن یہ یاد رکھنا چاہئے کہ دعاؤں میں قبولیت خدا تعالیٰ ہی کی طرف سے آ تی ہےاور دعاؤں کیلئے بھی ایک خاص وقت ہوتا ہے جیسے صبح کا ایک خاص وقت ہے ، اس وقت میں خصوصیت ہے وہ دوسرے اوقات میں نہیں اسی طرح پر دعا کیلئے بھی بعض اوقات ہوتے ہیں جبکہ ان میں قبولیت اور اثر پیدا ہو۔ حضرت خلیفۃالمسیح نے فرمایا : یہ چند اقتباسات حضرت مسیح موعودؑ کے پیش کئےاسلئے کہ ہمیں خدا تعالیٰ سے تعلق کا مزید ادراک پیدا ہو، اسلئے کیونکہ ہمیں دعا کرنے کے اسلوب اور طریقوں کا پتہ چلے ، اس لئے کہ ہمیں اپنی اصلاح کی طرف توجہ پیدا ہو ، اچھے اور برے کے فرق کو دیکھ کر ہم اعمال صالحہ کی طرف توجہ دینے والے ہوں، ہمیں دعاؤں کے صحیح طریق کو اپناتے ہوئے دعاؤں کی طرف توجہ پیدا ہو تاکہ ہم ان لوگوں میں شامل ہوں جو دنیا کے حسنہ سے بھی حصہ لینے والے ہیں اور آخرت کی حسنہ سے بھی حصہ لینے والے ہیں ۔ حضرت خلیفۃ المسیح نے فرمایا: پس اﷲ تعالیٰ سے اگر تعلق جوڑنا ہے، اپنی نیک خواہشات کی تکمیل کروانی ہے ، دشمن کی ناکامی کے نظارے دیکھنے ہیں تو ہمیں عابد بننے کی طرف توجہ دینی ہوگی، حقیقی عابد بننے کی طرف توجہ کرنے کوشش کرنی ہوگی، اﷲ تعالیٰ ہم میں سے ہر ایک کو صحیح عابد بننے کی توفیق عطا فرمائے اور ہم میں یہ روح پیدا کرے، تاکہ ہم دشمنوں کے بد انجام کو دیکھنے والے ہوں، آجکل دشمن وہ لوگ جن کے دل حضرت مسیح موعودؑ سے دشمنی ، کینہ اور بغض میں اس قدر بھر چکے ہیں کہ جس کی انتہا کوئی نہیں رہی، خاص طور پر پاکستان میں اور ہندوستان کے کچھ علاقوں میں بھی یا انکے زیر اثر بعض افریقن ممالک کے چھوٹے چھوٹے قصبوں میں ۔ ماضی میں بھی ہم دشمنوں کا ہر انجام دیکھتے آئے اور آجکل بھی دیکھ رہے ہیں، پاکستان میں بھی ایسے کئی واقعات ہو رہے ہیں کہ ان مغلظات بکنےوالوں کو اﷲ تعالیٰ نے ایسے طریقے سے پکڑا ، جو یقینا بہت سوں کیلئے عبرت کا باعث بنا، یا عبرت کا باعث بننےوالا ہے، پاکستان میں بھی دیکھنے والے دیکھ رہے ہیں، حضور نےفرمایا میں ایسے لوگوں کے نام تو نہیں لیتا جہاں ایسے واقعات ہوئے ہیں، جہاں ان دریدہ دہنی کرنےوالوں نے، بیہودگیاں کرنے والوں کو اﷲ تعالیٰ نے پکڑا۔ حضرت خلیفۃ المسیح نے فرمایا کہ میں احمدیوں سے کہنا چاہتا ہوں کہ مخالفین احمدیت کی حرکتوں اور کمینگیوں سے پریشان نہ ہوں، گزشتہ دنوں حضور کو کسی احمدی نے لکھا پاکستان سے کہ ہمارے علاقے میں حضرت مسیح موعودؑ کی مخالفت کا زور اس قدر ہے اور اس حد تک بڑھ گیا ہے دشمن ہر اوچھی حرکت کرنے پر تلا بیٹھا ہے ، حضرت مسیح موعودؑ کی تصویر بگاڑ کر یا تصویر کے ساتھ بڑا توہین آمیز سلوک کر کے ہمارے دلوں کو چھلنی کر رہے ہیں یہ لوگ اور برداشت نہیں ہوتا یہ جہالت دیکھتے ہیں جب، لگتا ہے دل پھٹ جائے گا۔ حضرت مسیح موعودؑ فرماتے ہیں : دعا اور اس کی قبولیت کے درمیانی اوقات میں بسا اوقات ابتلا پر ابتلا آتے ہیں، ایسے ایسے ابتلا بھی آجاتے ہیں کہ کمر توڑ دیتے ہیں مگر مستقل مزاج ، سعیدالفطرت ان ابتلاؤں اور مشکلات میں بھی اپنے رب کی عنایتوں کی خوشبو سونگھتا ہے اور فراست کی نظر سے دیکھتا ہے کہ اس کے بعد نصرت آتی ہے، ان ابتلاؤں کے آنے میں ایک سر (وجہ)یہ بھی ہوتا ہے کہ دعا کیلئے جوش بڑھتا ہے کیونکہ جس قدر اضطراب اور اضطرار بڑھتا جائے گا ، اسی قدر روح میں گدازش ہوتی جائیگی اور یہ دعا کی قبولیت کے اسباب میں سے ہیں۔ حضرت خلیفۃ المسیح نے فرمایا کہ ہمیں کسی طرح بھی پریشان ہونے کی ضرورت نہیں کہ مخالفین کے ظلم ہمیں اپنے کام سے ہٹا سکتے ہیں یا ترقی میں روک بن سکتے ہیں، ترقی تو ہمیں خدا تعالیٰ دکھا رہا ہے، اور نہ صرف ہمیں ترقی کے نظارے دکھا رہا ہے بلکہ آئندہ آنے والی زندگی میں اپنے پیاروں کے ساتھ جڑنے والوں اور انکی مخالفت کرنے والوں کی حالت کا نقشہ کھینچ کر ہمارے لئے تسلی اور سکینت کا سامان بھی پیدا فرمادئیے ہیں ہمارے لئے خدا تعالیٰ نے قرآ ن کریم میں ۔

حضرت مسیح موعودؑ فرماتے ہیں: جو شخص مشکل اور مصیبت کے وقت خدا سے دعا کرتا ہے اور اس سے حل مشکلات چاہتا ہے، وہ بشرطیکہ دعا کو کمال تک پہنچادے ، خدا تعالیٰ سے اطمینان اور حقیقی خوشحالی پاتا ہے ، اور اگر بالفرض وہ مطلب اس کو نہ ملے ، تب بھی کسی اور قسم کی تسلی اور سکینت اس کو عنایت ہوتی ہے اور ہرگز ہرگز نامراد نہیں رہتا اور علاوہ کامیابی کے ایمانی قوت اس کی ترقی پکڑتی ہے، اور یقین بڑھتا ہے ۔ پس یہ دعا کی حقیقت ہے اور اس کی مختصر فلاسفی ہے ، یہ دعا کی روح ہے اور حقیقی مومن کی یہ سوچ ہے اور ہونی چاہئے ، پس دعا کی قبولیت کیلئے دعا کو کمال تک پہنچانا ضروری ہے اور اس مقام پر پہنچ کر یا تو دعا قبول ہو جاتی ہے ، اس کی قبولیت کے آ ثار ظاہر ہونا شروع ہوجاتے ہیں یا پھر دل کی ایسی تسلی اور سکینت ہوتی ہے کہ انسان کا غم جو ہے وہ دور ہوجاتا ہے ، ایک خاص قسم کا سکون ملتا ہے کہ اب جو بھی خدا تعالیٰ کے نزدیک میرے لئے بہتر ہوگا وہ ظاہر ہوگا ، یہ سوچ ہے جو کہ حقیقی مومن کی ہوتی ہے ، اﷲ تعالیٰ ہم سب کو یہ مقام حاصل کرنے کی توفیق عطا فرمائے، یہ توفیق بھی خدا تعالیٰ کے فضل سے ملتی ہے، اس لئے اس کے حصول کیلئے بھی دعا کرنی چاہئے۔ عربی لفظ حسنہ کا مطلب ہے نیکی ، اچھائی، جس میں کوئی برائی اور برا کام نہ ہو، ایسا کام جس کا ہر پہلو سے اچھا نتیجہ نکلتا ہو اور اﷲ تعالیٰ کی رضا کے مطابق ہو ، احمدیوں کیلئے بعض مسلمان ملکوں میں بحیثیت احمدی بھی ایسے حالات ہیں کہ اس دعا کے پڑھنے کی خاص طور پہ ضرورت ہے، مخالفین احمدیت چاہتے ہیں کہ خداتعالیٰ کی ہر نعمت سے احمدی کو محروم کر دیا جائے حتیٰ کہ اس کو جینے کے حق سے بھی محروم کر دیا جائے، ایسے میں یہ دعا کہ اے اﷲ ہمیں دنیا داروں کے سارے منصوبوں کے مقابلے میں اس طرح سنبھال لے کہ یہ جو تیری ہر طرح کی حسنہ سے ہمیں محروم کرنا چاہتے ہیں، ہم انکے تیرے فضلوں کی وجہ سے حاصل کرنے والے بن جائیں، ہمارے دنیا کے اعمال بھی تیری رضا کے حصول کی وجہ سے آخرت کی حسنہ سے بھی ہمیں نوازنے والے ہوں،اور ہر عمل جو ہم یہاں دنیا میں کرتے ہیں ، وہ تیری رضا کو حاصل کرنے والا ہو۔ ہمارے دوست ایسے ہوں جو خیر خواہ ہوں، محبت کرنے والے ہوں ، دکھوں میں کام آنے والے ہوں، نیکیوں کا جواب نیکیوں سے دینے والے ہوں، پاکستان میں آجکل بیشک ایک طبقہ مولویوں کے پیچھے لگ کر احمدیوں کو نقصان پہنچانے کی کوشش کرتا ہے لیکن ایک بہت بڑا حصہ ایسا بھی ہے جو دوستی کا حق نبھانے والے بھی ہیں، ہم ہر پاکستانی کو برا نہیں کہ سکتے یا مختلف ملکوں میں جہاں مخالفت ہے جماعت کی برا نہیں کہ سکتے ۔ مالی میں ہمارے ریڈیو سٹیشن نئے قائم ہوئے ہیں ان کی وجہ سے تبلیغ بڑے وسیع پیمانے پر ہو رہی ہے ، اس کو سن کر بعض مخالف مولوی جو ہیں، جو عرب ملکوں سے مدد لیتے ہیں تاکہ احمدیت کی تبلیغ کو روکیں، اور ان میں جس حد تک ہوسکتا ہے دنیاوی نقصان بھی پہنچانے کی کوشش کریں ، تو ایسے مولویوں نے ہمارے مبلغین کو دھمکیاں بھی دیں ،دیتے بھی رہتے ہیں، ہمارے خلاف پراپیگینڈہ بھی کرتے ہیں کہ ان کی باتیں نہ سنو ، یہ کافر ہیں اور فلاں ہیں اور فلاں ہیں تو بعض انتہا کو بھی پہنچ جاتے ہیں تو وہاں ایک ایسی صورتحال پیدا ہوگئی جو انتہا تھی ، اس پر وہاں کے بعض اچھے ، سلجھے، اثر و رسوخ رکھنے والے غیر از جماعت لوگوں کو پتہ لگا تو انہوں نے ہمارے مبلغ کو پیغام بھیجا کہ بالکل فکر نہ کرو اور اپنا کام کئے چلے جاؤ، یہی حقیقی اسلام ہے جو تم لوگ پھیلا رہے ہو اور کوئی تمہیں روک نہیں سکتا اس سے۔ حضرت مسیح موعودؑ کی دعا جو الہامی دعا ہے ’ رب کل شی خادمک رب فاعفظنی وانصرنی وارحمنی ‘ کیطرف خاص طور پہ توجہ کرنی چاہئے، اﷲ تعالیٰ ہماری مدد فرمائے اور ہم پر رحم فرمائے ، دنیا و آخرت کے حسنہ سے ہمیں نوازتا رہے ، یہ دعا بھی آجکل بہت زیادہ پڑھنے کی صرورت ہے ، حضرت خلیفۃ المسیح نے فرمایا مجھے بھی اس دعا کی طرف خاص طور پر توجہ دلائی گئی ہے ، اس لئے یہ دعا خاص طور پر ہر احمدی کو پڑھنی چاہئے، اﷲ تعالیٰ ہر احمدی کو ہر شر سے محفوظ رکھے، دین و دنیا اور آخرت کی حسنہ سے ہمیں نوازے۔ مبشر احمد عباسی صاحب کی شہادت اور ڈاکٹر سید سلظان محمود صاحب کی وفات۔

ایک صاحب عقل اور حقیقی مومن کی نشانی یہ ہے کہ ان تعلقات کو قائم کرتے ہیں جن کے قائم کرنے کا اﷲ تعالیٰ نے حکم دیا ہے ، حضرت مصلح موعودؓ نے اس حصہ آیت کی وضاحت کرتے ہوئے خلاصہ فرمایا ہے کہ یہی لوگ اﷲ تعالیٰ کی فرمانبرداری اور محبت میں کمال حاصل کر کے اس کے حکم اور اس کی ہدایت کے ماتحت مخلوق کی طرف متوجہ ہوتے ہیں اور مخلوق سے رشتہ اتحاد و اخوت اور احسان جوڑتے ہیں۔ بہرحال پاکستان میں ابھی امن کی حالت ہے اس لحاظ سے کہ حکومت اور عوام کی لڑائی نہیں ہے، لیکن جن ملکوں میں جنگ کی حالت ہے ، وہاں جہاں دشمن فوجوں نے بھی ظلم و بربریت کی ہے، وہاں خود مسلمان مسلمان کو بھی مار رہے ہیں، مثلا افغانستان کا جائزہ لیں تو وہاں مسلمانوں نے ہی ایک دوسرے کے خلاف محاذ آرائی اور خود کش حملے یا عام حملے شروع کئے ہوئے ہیں، افغانستان میں گزشتہ دس سال میں پچاس ہزار سے زیادہ اموات ہوچکی ہیں اس وجہ سے۔ اگر مسلمان ممالک کسی ملک میں ظلم ہوتا دیکھ رہے ہیں تو صحیح اسلامی طریق تو یہ ہے کہ اسلامی ممالک کی تنظیم بات چیت کے ذریعے سے غیروں کو بیچ میں ڈالے بغیر امن اور عوام کے حقوق کی کوشش کرتی اور یہ کرسکتی تھی، اگر شام میں پہلے الوی ظلم کر رہے تھے تو اب الٹ ہو رہا ہے اور اس وجہ سے مسلمان ملکوں کے آپس میں دو بلاک بھی بن رہے ہیں، جو خطہ کیلئے خطرہ بن رہے ہیں، اب اگر عالمی جنگ ہوتی ہے تو اس کی ابتدا مشرقی ممالک سے ہی ہوگی، گزشتہ جنگوں کی طرح یورپ سے نہیں ہوگی، پس مسلمان ملکوں کو اپنی ذمہ داریوں کو سمجھنا چاہئے۔ جن ملکوں میں بظاہر امن نظر آتا ہے ، وہاں بھی مسلمان مسلمان کی گردنیں کاٹ رہاہے ، بنگلہ دیش کو دیکھ لیں ، حکومت اگر کسی کے خلاف قانونی کاروائی کر رہی ہے ، قانونی طور پر ان کے کسی لیڈ ر کو سزا دی جاتی ہے، تو اس کے ہمدرد یا اس سے تعلق رکھنے والے کھڑے ہوجاتے ہیں، اور مار دھاڑ شروع ہو جاتی ہے، جو معصوم ہیں ان کا بھی قتل شروع ہو جاتا ہے، تو یہ کونسا اسلام ہے، کونسی قرآنی تعلیم ہے جس پر یہ مسلمان عمل کر رہے ہیں، یہ بدقسمتی ہے مسلمانوں کی یا نام نہاد مسلمانوں کی کیونکہ اﷲ تعالیٰ نے حقیقی مسلمان کی تشانی ہی یہ بتائی ہے کہ اﷲ تعالیٰ سے تعلق کی وجہ سے اس کا تعلق اﷲ تعالیٰ کی مخلوق سے مضبوط ہوتا ہے ، اور پھر مسلمان کے ایک دوسرے مسلمان سے تعلق میں خاص بھائی چارے کا بھی تعلق قائم ہوجاتا ہے۔ آنحضور ﷺ نے بہت واضح فرمایا تھا حجۃ الوداع کے موقع پر کہ آج کے دن تمہارے خون، مال ، تمہاری آبروئیں تم پر حرام اور قابل احترام ہیں، بالکل اسی طرح تمہارا یہ دن، تمہارے اس شہر میں، تمہارے اس مہینے میں واجب الاحترام ہے، اے لوگو تم لوگ عنقریب اپنے رب سے ملو گے، وہ تم سے پوچھے گاکہ تم نے کیسے عمل کئے ، دیکھو میرے بعد دوبارہ کافر نہ بن جاناکہ ایک دوسرے کی گردنیں اڑانے لگ جاؤ اور آگاہ رہو تم لوگوں میں سے جو یہاں موجود ہے ان لوگوں کو پیغام پہنچادے جو کہ یہاں موجود نہیں۔ حضرت خلیفۃ المسیح ایدہ اﷲ تعالیٰ بنصرۃ العزیز نے دعا کی کہ اﷲ کرے ہم آپس کے تعلقات ، محبت کے جذبات اور ایک دوسرے کیلئے رحم کو بڑھانے والے ہوں، وہ جماعت بن جائیں جو حضرت مسیح موعودؑ اور آنحضرت ﷺ کے ارشادات پر عمل کرنے والی ہو، دنیا کے امن کی بھی جماعت احمدیہ ضمانت بن جائے، مسلمان آنحضرت ﷺ کے غلام صادق کو مان کر آپس کے پیار و محبت کی اہمیت کو سمجھنے والے بن جائیں۔ ناصرہ سلیمہ رضا صاحبہ کی زائن امریکہ میں وفات۔

اﷲ تعالیٰ نےآپ کو جو خدا داد علم، ذہانت اور فراست عطا فرمائی تھی اس کے بہت سے پہلو ہیں ، خلافت سے پہلے بھی آپ کی تحریرات اور تقریریں علم و معرفت سے بھری ہوئی ہیں، آپ کی کتب ، تقریریں اور مضامین انوارالعلوم کے نام سے جو کتاب ہے، مختلف جلدوں میں چھپی ہے، اب تک ۲۳ جلدیں اس کی شائع ہو چکی ہیں اور ہر جلد ۶۰۰ سے اوپر صفحات پر مشتمل ہے۔ حضرت خلیفۃ المسیح نے فرمایا کہ آج وہ حضرت مصلح موعودؓ کا ایک خطبہ آپکے الفاظ میں بیان کریں گے ، جو خطبہ حضور نے چنا ہے وہ بھی دعا کے طریق اور خدا تعالیٰ پر یہ یقین کہ وہی تمام قدرتوں کا مالک ہے اور جو وہ چاہتا ہے وہی ہوتا ہے ، اس مضمون پر مشتمل ہے ، حضور نے فرمایا کہ یہ مضمون حضور نے اس لئے چنا ہے کہ آجکل بھی اگر ہم خارق عادت نتائج دیکھنا چاہتے ہیں تو اس مضمون کے صحیح ادراک اور اس پر عمل کی ضرورت ہے ۔ حضرت مصلح موعودؓ نے فرمایا: انسان کے اضطرار کی ہزاروں حالتیں ہوتی ہیں ، بھلا ان حالتوں میں کوئی بادشاہ بھی کسی کام نہیں آ سکتا ، فرض کرو ایک جنگل میں گزرنے والا شخص جس پہ بھیڑیا یا شیر اچانک حملہ کر دیتا ہے ، وہ چاہے بادشاہ کے کتنا ہی منہ چڑھا ہو یا بادشاہ کا بیٹا ہی کیوں نہ ہو ، بادشاہ اس کے کیا کام آ سکتا ہے، ایسی حالت میں وہاں خدا تعالیٰ کی ذات ہی ہے جو کام آ تی ہے ، تو جب تک انسان کے اندر یہ یقین پیدا نہ ہو کہ ہر قسم کے اضطرار کی حالت میں اﷲ تعالیٰ ہی کام آ تا ہے اس وقت تک وہ مضطر نہیں کہلا سکتا۔ حضرت مصلح موعودؓ مکہ کے لوگوں میں آنے والی انقلابی تبدیلی کا ذکر کرتے ہوئے ایک واقعہ بیان فرماتے ہیں کہ حضرت عبداﷲ بن مسعود گلی میں سے گزر رہے تھے اور آنحضور ﷺ مسجد میں وعظ فرمارہے تھے اور وہ اسی وعظ کو سننے کیلئے مسجد کی طرف جارہے تھے ، وہاں کسی وجہ سے آنحضرت ﷺ نے لوگوں کو فرمایا کہ لوگ بیٹھ جائیں تو آپ کیونکہ رستے میں جارہے تھے ، آپؓ نے بات سنی اور آپ بیٹھ گئے اور بچوں کی طرح گھسٹ گھسٹ کر مسجد کی طرف جانا شروع کردیا ۔ عربوں کی جھوٹی غیرت کے ایک اور واقعہ بیان کرتے ہوئے آپ فرماتے ہیں کہ ایک شخص جو ایک لڑکی سے شادی کرنا چاہتا تھا ، اس کے باپ کے پاس گیا اور کہا مجھے لڑکی دکھا دو، اس نے کہا نہیں لڑکی نہیں میں دکھا سکتا، وہ رسول اﷲ ﷺ کے پاس گیا اور کہنے لگا یا رسول اﷲ ﷺ میں ایک لڑکی سے شادی کرنا چاہتا ہوں اور اس کا باپ لڑکی کی شکل مجھے نہیں دکھاتا ، رسول کریم ﷺ نے فرمایا وہ غلطی کرتا ہے ، اسے لڑکی دکھا دینی چاہئے، وہ پھر اس کے پاس پہنچا اور کہنے لگا تم نے انکار کیا تھا اور کہا تھا کہ میں لڑکی نہیں دکھاتا، میں نےاس بارہ میں رسول کریم ﷺ سے پوچھا ہے اور آپ نے فرمایا ہے کہ نکاح کے موقع پر لڑکی کو دیکھ لینا جائز ہے۔ حضرت مصلح موعودؓ نے فرمایا : قلوب کو دنیا کی کوئی حکومت نہیں بدل سکتی، قلوب کو اﷲ تعالیٰ ہی بدلتا ہے ، بزدل بہادر بن جاتے ہیں خدا کے حکم کے ماتحت اور بہادر بزدل بن جاتے ہیں خدا کے حکم کے ماتحت ، کنجوس سخی بن جاتے ہیں خدا کے حکم کے ماتحت اور سخی کنجوس بن جاتے ہیں خدا کے حکم کے ماتحت ، جاہل عالم بن جاتے ہیں خدا کے حکم کے ماتحت اور عالم جاہل بن جاتے ہیں خدا کے حکم کے ماتحت ۔ ایک دفعہ ایک مشہور امریکن پادری قادیان آیا ، اس کے ساتھ ایک اور پادری بھی تھا ، ڈاکٹر خلیفہ رشیدالدین صاحب مرحوم ا س وقت زندہ تھے، انہوں نے اسے قادیان کے تمام مقامات دکھائے، ان دنوں قادیان میں ابھی ٹاؤن کمیٹی نہیں بنی تھی اور گلیوں میں بہت گند پڑا رہتا تھا ، پادری باتوں باتوں میں ہنس کر کہنے لگا کہ ہم نے قادیان بھی دیکھ لیا اور نئے مسیح کے گاؤں کی صفائی بھی دیکھ لی ، ڈاکٹر خلیفہ رشیدالدین صاحب نے فرمایا پادری صاحب ابھی پہلے مسیح کی حکومت ہندوستان پر ہے اور یہ اس کی صفائی کا نمونہ ہے،نئے مسیح کی حکومت قائم نہیں ہوئی۔ شعبہ ضیافت کے عظیم صاحب کی لندن میں وفات۔

حضرت خلیفۃ المسیح نے فرمایا صحابہ ؓ حضرت مسیح موعودؑ کے واقعات اور روایات کا جو سلسلہ شروع کیا ہوا ہے ، اس کے جو مختلف عنوان بنائے گئے تھے وہ بیان ہوتے رہے، آج کا خطبہ اس سلسلہ کا آخری خطبہ ہوگا ، حضور نے متعلقہ لوگوں کو کہا ہے کہ رجسٹر دوبارہ بھی چیک کرلیں ، اگر روایات رہ گئیں ہوئیں کچھ تو پھر کسی وقت بیان ہو جائیں گی۔ حضور نے فرمایا کہ روایات جوحضور بیان کرنے لگے ہیں، وہ حضرت مصلح موعوہ ؓ کی خلافت کے بارہ میں لوگوں کو اﷲ تعالیٰ نے تسلیاں دلائیں، جو لوگ پہلے غیر مبائعین میں شامل ہوئے تھے، ان کو راہنمائی اﷲ تعالیٰ نے فرمائی اور پھر وہ بیعت میں آگئے، حضرت مصلح موعودؓ نے جو اپنا زمانہ گزارا ہے ، بڑی سختی اور پریشانی کا دور تھا، شروع میں بھی فتنہ اٹھا انتخاب خلافت کے وقت۔ حضرت شیخ اسماعیل صاحبؓ : آپ ؓ نے ۱۸۹۴ میں بیعت کی، آپ فرماتے ہیں کہ میں نے رویا میں حضرت خلیفۃ المسیح الاول ؓ کی زندگی میں دیکھا تھاجو حضرت محمود ؓ کی خلافت کے متعلق تھا، جب حضرت خلیفہ اولہ ؓ کو چوٹ لگی اور آپ کو معاشرہ کی تکلیف ہوئی تو میں نے حضرت محمودؓ کے ہاتھ پر ہاتھ رکھ کر یہ اقرار کیا تھاکہ میں آپکا پہلا غلام ہوں، تو مجھے آپ نے فرمایا کہ سمجھ میں نہیں آیا ، جناب یعقوب علی صاحب عرفانی نے بتلایا کہ ان کو بذریعہ رویا اور الہام کے ذریعہ یہ بتلایا گیا ہے کہ ہم نے محمود کو خلیفہ بنادیا ہے ۔ حضرت خیر دین صاحبؓ : آپ نے ۱۹۰۶ میں بیعت کی، آپ فرماتے ہیں کہ ایک دفعہ میں نے دیکھا کہ حضرت خلیفۃ المسیح الثانی ؓ کا داہنا ہاتھ گیارہ کرم لمبا ہو گیا ہے یعنی ۵۵ فٹ لمبا ہو گیا ہے ، اس میں بتایا ہے کہ خداتعالیٰ نے ان کو غیر معمولی طاقت عطا فرمائی ہےجس کا کوئی مقابلہ نہیں کر سکے گا ، اسی حالت میں دیکھا کہ آپ کا چہرہ مبارک مغرب کی طرف ہے اور ایک چھوٹی سی دیوار پر رونق افروز ہیں اور آنکھوں سے آنسو جاری ہیں ، میں نے عرض کیا کہ حضور روتے کیوں ہیں، حضور نے فرمایا اس واسطے روتا ہوں کہ لوگ مجھے معبود نہ بنا لیں۔ حضرت رحم دین صاحب ؓ ابن جمال دین صاحبؓ : آپ نے ۱۹۰۲ میں بیعت کی، آپ فرماتے ہیں کہ خلافت ثانیہ کے وقت میں نے ایک رویا دیکھا کہ مولوی محمد علی صاحب ایم اےکرسی پر بیٹھے ہیں اور حضرت خلیفۃ المسیح الثانیؓ پاس کھڑے ہیں ، تب میرے دیکھتے مولوی محمد علی صاحب کا چہرہ اور جسم چھوٹا ہونا شروع ہوا اور بالکل چھوٹا ہوگیا جیسے بچہ کا جسم ہوتا ہے اور حضرت میاں صاحب ؓ کا جسم بڑھتے بڑھتے بہت لمبا یعنی آپکے قد سے بھی زیادہ قد وغیرہ ہو گیا اور بڑے رعب اور جلال والا ہوگیا، تب میں بہت متعجب ہوا اور جس وقت صبح ہوئی تو تمام شکوک و شبہات دل سے نکل گئے اور میں نے آپ ؓ کی بیعت کر لی۔ جلسہ سالانہ ۱۹۲۷ کے موقع پر حضرت خلیفۃ المسیح الثانی نے فرمایا : ایسی باتیں الٰہی سلسلوں کے ساتھ خداتعالیٰ کی حکمت کے ماتحت لگی رہتی ہیں، ان سے گھبرانا نہیں چاہئے ، ہمارا فرض کام کرنا ہے، دشمنوں کی شرارتوں سے گھبرانا ہمارا کام نہیں ، جو چیز خداتعالیٰ کی ہو اسے وہ خود غلبہ عطا کرے گا ، اﷲ تعالیٰ اپنی چیزوں کی آپ حفاظت کرتا ہے، اگر سلسہ احمدیہ کسی بندے کا سلسلہ ہوتا تو اتنا کہاں چل سکتا تھا ، یہ خدا کا ہی سلسلہ ہے، وہی پہلے اس کی حفاظت کرتا رہا ہےاور وہی آئندہ کرے گا انشاء اﷲ۔ سردار محمد بھروانہ صاحب کی وفات۔

حضرت میاں محمد ظہور الدین صاحب ؓ : آپ بیان کرتے ہیں کہ ایک دن میں فاقے کی حالت میں لیٹا ہوا تھا کہ میری بیوی مجھے دبانے لگ گئی ، اس حالت میں مجھے نیند آگئی، خواب میں دیکھتا ہوں کہ ایک عورت نیلے کپڑوں والی گھر پر آئی ہے ، ایک ہاتھ پر دودھ کا کٹورا بھرے ہوئے رکھے ہوئے ہے اور آکر ا س نے مجھے دیا اور کہا کہ میاں جی میں یہ دودھ آپ کے واسطے لائی ہوں، آپ اس کو پی لیں، میں اس کو پینے لگا تو عورت نے کہا کہ اس میں شکر ڈالی ہوئی ہے آپ اس کو ملا لیں ، جیسے ہی میں شکر کو ملانے لگا تو میری آنکھ کھل گئی، میں نے خواب اپنی بیوی کو سنائی اور پھر میں بھول گیا، کچھ دیر بعد نیلے کپڑے پہنے ہوئے، ہاتھ پر دودھ کا کٹورا رکھے ہوئے ایک عورت میرے گھر پر آئی۔ حضرت مولوی عبدالرحیم نیر صاحب ؓ : آپ نے ۱۹۰۱ میں بیعت کی، آپ فرماتے ہیں کہ میں جب ہائی سکول میں مدرس تھا تو ایک دن مولوی شیر علی صاحب ؓ سےجو ہیڈ ماسٹر تھے ، کھیلوں کے معاملہ میں جن کا میں انچارج تھا ، کچھ اختلاف ہوگیا، اسی رات میں نے تہجد میں دعا کی تو مجھے ایک باریک کاغذ پر لکھا ہوا دکھایا گیا ’ نو ٹورنامنٹ نو گیمز‘ اس کے بعد میں بیمار ہو کر ٹورنامنٹ میں شامل نہیں ہو سکا، نیز ٹورنامنٹ کے دنوں میں شدید بارش کی وجہ سے ٹورنامنٹ بالکل بند ہوگیا ، ہمارے طلباء کو بہت خوشی ہوئی کہ ایک الہام پورا ہوگیا ہے۔ حضرت امیر خان صاحبؓ: آپ نے ۱۹۰۳ میں بیعت کی ،فرماتے ہیں کہ جنوری ۱۹۱۷ میں میں نے خواب میں ایک شخص کو سرپٹ گھوڑا دوڑاتے چلے آتے دیکھا ، اور میں ایک کنویں کے پاس میدان میں کھڑا تھا، اس شخص نے گھوڑے سے اتر کر مجھے کہاکہ میں بادشاہ ہوں اور احمد علی میرا نام ہے ، میرے لئے دعا کی جائے، تب میں نے دعا کیلئے ہاتھ اٹھایا اور اس نے بھی میرے ساتھ شمولیت اختیار کی، جب ہم دعا سے فارغ ہوئے تو وہ فورا گھوڑے پر سوار ہو کر سرپٹ گھوڑا دوڑا کر واپس چلا گیا ، ابھی تھوڑی دور گیا تھا کہ اس کا بے شمار لشکر گردو غبار اڑاتا ہوا اس سے آ ملا۔ حضرت میاں امام الدین سیکھوانی صاحبؓ : آپ نے ۱۸۹۹ میں بیعت کی، آپ فرماتے ہیں کہ ایک دفعہ میں نے کچھ رقم حضور ؑ کو پیش کی، تو حضور اقدس ؑ دیکھ کر مسکرائے اور فرمایا کیسے ہیں ، میں نے کہا حضور مجھے خواب آئی تھی، میں نے اتنی رقم دی ہے آپ کو، حضورؑ نے منظور فرمائی۔ حضرت شیخ محمد اسماعیل صاحبؓ ابن شیخ مسیتا صاحب جنہوں نے ۱۸۹۴ میں بیعت کی اپنی خواب کا ذکر کرتے ہوئے فرماتےہیں : کوئی باغ ہے جس میں ساری جماعت کے احباب موجود ہیں اور غرباء ایک طرف ہیں اور امراء ایک طرف ہیں، امراء نے اپنا لیڈر حضرت مولانا عبدالکرم سیالکوٹی ؓ کو مقرر کیا اور مجھے میرے غرباء احباب نے اپنا لیڈر مقرر کیا، اور فیصلہ یہ ہوا کہ پہلی تقریر مولانا عبدالکریم سیالکوٹی صاحبؓ کریں گے اور اان کا جواب مجھ ناچیز کے ذمہ قرار پایا ، حضرت مولانا نے اپنی تقریر میں اپنی خلافت کے دلائل پیش کئےاور میں نے اپنی تقریر میں حضرت مولانا حکیم مولوی نورالدین صاحبؓ کی خلافت کے دلائل دئیے اور مولانا کے دلائل کا رد کیا ۔ حضرت خلیفۃ المسیح نے فرمایا کہ اس وقت دو ملک ہیں بنگلہ دیش اور سیرا لیون جن کے جلسہ سالانہ منعقد ہورہے ہیں ، بنگلہ دیش میں احمدیت کو پہنچے ہوئے ایک سو سال ہو چکا ہے جیسا کہ برطانیہ کی جماعت کو بھی اس سال ۱۰۰ سال پورے ہوئے ہیں، جماعت برطانیہ بھی اپنے جشن تشکر کا پروگرام بنا رہی ہے، بنگلہ دیش کی جماعت نے بھی یہ پروگرام بنائے ، جلسہ سالانہ بھی اس پروگرام کا بہت بڑاحصہ ہے۔ پرسوں کچھ نام نہاد علماء نے اپنے چیلوں کو اکٹھا کر کے اور کچھ جماعت اسلامی کے لوگ تھے ، وہاں انہوں نے حملہ کر دیا ، پولیس وہاں کھڑی رہی، کچھ نہیں کیا اس نے ، آخر ان حملہ آوروں نے سارا سامان درہم برہم کیا اور پھر اس کو آگ لگا دی، جس سے کرائے کا سامان تھا بہت سارا، کرسیاں اور ٹینٹ اور مارکیاں وغیرہ، بہرحال کروڑوں کا نقصان ہوا ہے، تو یہ ہے اسلام کے نام نہاد علمبرداروں کا رویہ،بہرحال جلسہ تو کینسل نہیں ہوا، وہ تو ہو رہا ہے ، جماعت کی اپنی جو جگہ ہے اس میں ہو رہا ہے، تعداد کم ہوگی ، جگہ کہ تنگی ہوگی۔ کریفا کوندے صاحب، چوہدری بشیر احمد صاحب اور عبدالغفار ڈار صاحب کی وفات۔

گزشتہ سے پچھلے جمعہ حضور نے فرمایا تھا کہ آنحضرت ﷺ کی ولادت باسعادت کے حوالے سے پاکستان میں میلاد النبیﷺ کے جلسے اور جلوس منعقد ہو رہے ہیں ، جن میں سابقہ تجربے کی بنیاد پر یہ قوی امکان تھا کہ سیرت اور عشق رسول ﷺ کا کم ذکر ہوگا اور حضرت مسیح موعودؑ اور جماعت کے خلاف دریدہ دہنی کا زیادہ اظہار ہوگا، خاص طور پر ربوہ میں، چنانچہ جو رپورٹس آئیں، وہی کچھ ہوا۔ حضرت مسیح موعودؑ نے فرمایا ، وہ اعلیٰ درجہ کا نور جو انسان کو دیا گیا یعنی انسان کامل کو ، وہ ملائک میں نہیں تھا، نجوم میں نہیں تھا، قمر میں نہیں تھا، آفتاب میں نہیں تھا، وہ زمین کے سمندروں اور دریاؤں میں بھی نہیں تھا، وہ لعل اور یاقوت اور الماس اور موتی میں بھی نہیں تھا، غرض وہ کسی چیز عرضی اور سماوی میں نہیں تھا، صرف انسان میں تھا یعنی انسان کامل میں ، جس کا اکمل اور اتم اور اعلیٰ اور ارفع فرد ہمارے سید مولا ، سید الانبیاء ، سید الاحیاء محمد ﷺ ہیں۔ حضرت مسیح موعودؑ فرماتے ہیں کہ اس درجہ لقاء میں بعض اوقات انسان سے ایسے امور صادر ہوتے ہیں کہ جو بشریت کی طاقتوں سے بڑھے ہوئے ہوتے ہیں اور الہٰی طاقت کا رنگ اپنے اندر رکھتے ہیں، جیسے ہمارے سید مولا ، سید الانبیاء، خاتم الرسلﷺ نے جنگ بدر میں ایک سنگریزوں کی مٹھی کفار پر چلائی، اور وہ مٹھی کسی دعا کے ذریعے سے نہیں بلکہ خود اپنی روحانی طاقت کے ذریعے سے چلائی، مگر اس مٹھی نے خدائی طاقت دکھلائی، اور مخالف کی فوج پر ایسا خارق عادت اثر اس کاپڑا کہ کوئی ان میں سے ایسا نہ رہا جس کی آنکھ پر اس کا اثر نہ پہنچا ہو اور وہ سب اندھوں کی طرح ہو گئے اور ایسی پریشانی ان میں پیدا ہوگئی کہ مدہوشوں کی طرح بھاگنا شروع کیا۔ حضرت مسیح موعودؑ فرماتے ہیں: میں اسی کی قسم کھا کر کہتا ہوں کہ جیسا کہ اس نے ابراہیم سے مکالمہ و مخاطبہ کیا اور پھر اسحاق سے اور اسماعیل سے اور یعقوب سے اور یوسف سے اور موسیٰ سے اور مسیح ابن مریم سے اور سب کے بعد ہمارے نبی محمد مصطفیٰ ﷺ سے ، ایسا ہم کلام ہوا کہ آپ ﷺ پر سب سے زیادہ روشن اور پاک وحی نازل کی، ایسا ہی اس نے مجھے بھی اپنے مکالمہ و مخاطبہ کا شرف بخشا، مگر یہ شرف مجھے محض آنحضرت ﷺ کی پیروی سے حاصل ہوا۔ حضرت مسیح موعودؑ فرماتے ہیں: الٰہی تیرا ہزار ہزار شکر کہ تو نے ہم کو اپنی پہچان کا آپ راہ بتایا اور اپنی پاک کتابوں کو نازل کر کے فکر اور عقل کی غلطیوں سے بچایا اور درور و سلام حضرت محمد مصطفیٰ ﷺ اور ان کی آل و اصحاب پر کہ جس سے اﷲ نے ایک عالم گم گشتہ کو سیدھی راہ پر چلایا ، وہ مربی اور نفع رساں جو بھولی ہوئی خلقت کو پھر راہ راست پر لایا ، وہ محسن اور صاحب احسان کہ جس نے لوگوں کو شرک اور بتوں کی بلا سے چھڑایا ۔ حضرت خلیفۃ المسیح نے فرمایا اﷲ تعالیٰ کے حکم کے مطابق آنحضرت ﷺ پر درود بھیجنا ایک مومن مسلمان کیلئے لازمی امر ہے جس کے بغیر وہ محبت کے معیار پورے نہیں ہوتے اور نہ ہوسکتے ہیں جو ایک مومن کو آنحضرت ﷺ سے ہونی چاہئے،نہ ہی کوئی دعا قبولیت کا درجہ حاصل کرتی ہے، یا کرسکتی ہے جس میں درود شامل نہ ہو، اصل مقصد درود کی ہمیں آنحضرت ﷺ سے محبت ہونی چاہئے۔ حضرت خلیفۃ المسیح نے فرمایا : اﷲ تعالیٰ ہمیں حقیقی رنگ میں آنحضرت ﷺ کی شان اور مقام کو سمجھنے اور اس پر عمل کر نے کی توفیق عطا فرمائے،حضور نے امت محمدیہ کیلئے دعا کی تحریک کی، بیشک یہ ہمیں جو مرضی کہتے رہیں، سمجھتے رہیں ،اکثریت ان میں سے لا علمی کی وجہ سے اورعلما ء کے خوف کی وجہ سے ہماری جماعت کی مخالفت کرتے ہیں، لیکن کیونکہ یہ اپنے آپ کو ہمارے آ قا و متاع حضرت محمدمصطفیٰﷺ کی طرف منسوب کرتے ہیں ، اس لئے اس وقت ان کی حالت زار کے بارے میں ہمیں دعا کرنی چاہئے، اﷲ تعالیٰ ان کو اس حالت سے نکالے۔ احسان اﷲ صاحب کی وفات، نجمی صاحب آف عربی ڈیسک کی وفات۔

گو یہ نشان مختلف صورتوں میں آج بھی ظاہر ہو رہے ہیں لیکن آخرین کی وہ جماعت جس نے براہ راست حضرت مسیح موعودؑ سے فیض پایا ، اﷲ تعالیٰ نے ان کی راہنمائی کی، ان کو نشانات دکھائے، خوابوں کے ذریعے سے ان کو صحیح ہدایت کے رستے پر ڈالا اور انہوں نے حضرت مسیح موعودؑ کی بیعت میں آنے کیلئے پھر ہر طرح کی قربانی بھی دی، ایسے بھی تھے ا ن میں سے جنہیں اﷲ تعالیٰ نے آنحضرت ﷺ اور آپﷺ کے عاشق صادق کو ایک جان ہونے کی صورت میں دکھایا ، حضور نے فرمایا آج بھی میں ان لوگوں کی چند خوابیں پیش کروں گا جن کی مختلف رنگ میں اﷲ تعالیٰ نے راہنمائی فرمائی اور پھر ایسے بھی ہیں جنہوں نے آنحضرت ﷺ کو خوابوں میں دیکھا ۔ حضرت مرزا محمد افضل صاحبؓ : آپ نے ۱۸۹۵ میں بیعت کی اور ۱۹۰۴ میں حضرت مسیح موعودؑ کی زیارت کی اور وہیں دستی بیعت کی، آپ فرماتے ہیں کہ ۱۸۷۶ کے قریب میرے والد منشی جلال الدین صاحب جو حضرت مسیح موعودؑ کے ۳۱۳ اصحاب ؓ میں شامل تھے، انہوں نے ایک مبشر خواب کی بنا پر جو متواتر تین روز دیکھا ، مجھے اپنے ایک دوست کے حوالے کر کے مہدی موعود کی تلاش میں رخصت لے کر نکلے۔ حضرت رحمت اﷲ صاحبؓ : آپ نے ۱۹۰۱ میں بذریعہ خط بیعت کی، آپ فرماتے ہیں کہ ایک دفعہ جلسہ قریب آگیا، خاکسار نے دعا اور استخارہ کیا، تو غنودگی میں چند مرتبہ زبان پر یہ الفاظ جاری ہوئے ، جس کا ترجمہ ہے " اے جوانو کوشش کرو دین میں قوت پیدا ہو" ، یعنی خدمت دین کی طرف توجہ دو، فرماتے ہیں خاکسار ہر جلسہ حضور ؑ کی موجودگی میں بمع احباب حاضر ہوتا رہا۔ حضرت میاں میراں بخش صاحبؓ : آپ نے ۱۹۰۰ میں بیعت کی، آپ بیان کرتے ہیں کہ بیعت کی تحریک اس طرح پیدا ہوئی تھی کہ ہمارے بھائی غلام رسول صاحب ہم سے پہلے احمدی ہو چکے تھے مگر ان پڑھ تھے، ان سے میری سلسہ کے متعلق بھی باتیں ہوا کرتی تھیں ، میں چونکہ مخالف تھا اس لئے ان کو جھوٹا کہا کرتا تھا، لیکن جب گھر آتا تو یہ سوچتا کہ گو یہ ان پڑھ ہے لیکن ان کی باتیں لا جواب ہیں ، ایک دفعہ میرے بھائی نے مجھے کچھ پڑھنے کیلئے دیا جو میں نے پڑھا جس کا مجھ پر بہت گہرا اثر ہوا، اس پر میں نے خدا تعالیٰ کی بارگاہ میں دعا شروع کر دی۔ حضرت شیخ عطا محمد صاحبؓ : آپ فرماتے ہیں کہ خواب آیا کہ حضور ؑ بٹالہ کی سڑک پر ٹہلتے ہیں جو تحصیل کے سامنے ہے، حضور ؑ نے مجھے ایک روپیہ دیا اور ملکہ کی تصویر پر کاٹا لگا دیا اور فرمایا کہ اس کو خزانے میں دے آؤ، جب یہ خواب سنائی گئی حضرت مسیح موعودؑ کو تو حضور ؑ نے فرمایا کہ ملکہ مسلمان نہیں ہوگی۔ حضرت خلیفۃ المسیح نے فرمایا حضرت مسیح موعودؑ تو اسلام اور آنحضرت ﷺ کا دفاع کر رہے تھے، اور بعض مسلمان کہلانے والے بلکہ ان کے علماء بھی دوسروں کا ساتھ دے رہے تھے، حضرت مسیح موعودؑ اسلام کی سچائی ظاہر کرنا چاہتے ہیں ، آنحضرت ﷺ کا خوبصورت چہرہ دکھانا چاہتے ہیں ، اور یہ لوگ آپ کی مخالفت کر رہے تھے، اب آج یہ لوگ جلوس نکال رہے ہیں ، بڑی خوشیاں منا رہے ہیں میلاد نبی کی، تو حقیقی خوشی جشن منانے میں نہیں ہے، بلکہ آپ ﷺ کے پیغام کو دنیا میں پھیلانے میں ہے، آ پ ﷺ کی خوبصورت تعلیم کو دنیا میں پھیلانے میں ہے، آپ ﷺ پر درور بھیجنے میں ہیں۔ پس یہ مقام تھا آنحضرت ﷺ کا جو حضرت مسیح موعودؑ نے بیان فرمایا ، اور یہی وجہ ہے کہ جب لوگوں نے مختلف خوابیں دیکھیں تو آنحضرت ﷺ کو حضرت مسیح موعود ؑ کے دجود میں دیکھا، یعنی ایک ہی جان ہوگئے دو وجود، پس ہمارا بھی کام ہے کہ آج اور ہمیشہ اپنی زبان کو آنحضرت ﷺ پر درود بھیجنے سے تر رکھیں اور اس میں ترقی کرتے چلے جائیں، اسی طرح آپ ﷺ کے اسوہ پر عمل کرنے والے ہوں اور اس میں ہمیشہ آگے بڑھتے چلے جانے والے ہوں، آج جلسے بھی بہت ہو رہے ہیں، جلوس بھی بہت نکل رہے ہیں، آنحضرت ﷺ کی ولادت منائی جا رہی ہے، لیکن وہاں آپﷺ کی تعلیم کا اظہار نہیں ہو رہا۔

پس یہ سب کچھ کرنے کا مقصد کیا ہے وہ یہ فرمایا کہ تاکہ تم دنیا کو ہلاکت سے بچانے والے بن سکو، پس یہ وہ مضمون ہے جس کا حق ادا کرنے کیلئے اﷲ تعالیٰ نے حضرت مسیح موعودؑ کے ذریعے سے جماعت احمدیہ کا قیام فرمایا ، یہی وہ جماعت ہے جس میں مایٗں بچے کی پیدائش سے پہلے دعا ہمیں اس جذبہ کے ساتھ کرتی ہوئی نظر آتی ہیں جیسا کہ بیان کی گئی آیت میں فرمایا گیا ہے ، یعنی اے اﷲ جو کچھ میرے پیٹ میں ہے وہ میں تیری نذر کرتی ہوں دنیا کے جھمیلوں سے آزاد کرتے ہوئے پس تو اسے قبول فرما۔ جماعت احمدیہ میں وہ باپ بھی ہیں جو اپنے بچوں کی اس نہج پر تربیت کرتے ہیں کہ بچہ جوانی میں قدم رکھ کر ہر قربانی کیلئے تیار ہوتا ہے ، اور خلیفہ وقت کو لکھتا ہے کہ پہلا عہد میرے ماں باپ کا تھا ، دوسرا عہد اب میرا ہے، آپ جہاں چاہیں مجھے قربانی کیلئے بھیج دیں ، آپ مجھے ہمیشہ صبر کرنے والوں اور استقامت دکھانے والوں میں پائیں گے اور اپنے ماں باپ کے عہد سے پیچھے نہ ہٹنے والوں میں پائیں گے۔ حضرت خلیفۃ المسیح نے فرمایا کہ میں آج پھر اس بات کی یاددہانی کروارہا ہوں کہ حضرت خلیفۃ المسیح الرابع رحمہ اﷲ نے وقف نو کی سکیم شروع فرمائی تھی تو اس امید پر اور اس دعا کے ساتھ کہ دین کی خدمت کرنے والوں کا گروہ ہر وقت مہیا ہوتا رہے گا، یہ پانی کا بہاؤ کبھی ٹوٹے گا نہیں ، جماعتی لٹریچر کا ترجمہ کرنے والے بھی مہیا ہوتے رہیں گے. جماعت کو ، تبلیغ اور تربیت کا کام چلانے والے بھی بڑی تعداد میں مہیا ہوتے رہیں گے، اور نظام جماعت کو چلانے کے دوسروں شعبوں کو بھی واقفین مہیا ہوتے رہیں گے ۔ حضرت خلیفۃ المسیح نے ۱۲ ،۱۳ سال کے واقفین نو بچوں کو مخاطب کرتے ہوئے فرمایا کہ وہ اپنے بارے میں سوچنا شروع کر دیں ، اپنی اہمیت پر غور کریں، صرف اس بات پر خوش نہ ہو جائیں کہ آپ وقف نو ہیں، اہمیت کا تب پتہ چلے گا جب اپنے مقصد کا پتہ چلے گا ، اور ۱۵ سال کے لڑکے اور لڑکیوں کو اپنی اہمیت کا بہت زیادہ احساس ہو جانا چاہئے۔ تیسری یہ کہ خداتعالیٰ کی رضا کے حصول کیلئے ہر قربانی کیلئے صبر اور استقامت دکھانے کا عہد کرنا ہے، جیسے بھی سخت حالات ہوں میں نے اپنے وقف کے عہد کو ہر صورت میں نبھانا ہے، کوئی دنیاوی لالچ میرے عہد وقف میں لغزش پیدا کرنے والا کبھی نہیں ہو سکتا۔ یہاں یا جرمنی میں جامعہ احمدیہ پر بعض لوگ اعتراض کردیتے ہیں کہ پڑھائی اچھی نہیں ہے ، یہ بالکل بودےاعتراض ہے ، ان کا اعتراض یہ ہوتا ہے کہ جو جامعہ سے فارغ ہوتا ہے اسے عربی بولنی نہیں آتی، یا بول چال اتنی اچھی نہیں ہے، جہاں تک زبان کی مہارت کا سوال ہے، جامعہ احمدیہ میں مختلف مضامیں پڑھائے جاتے ہیں، صرف زبان کی طرف توجہ نہیں ہوتی، اگر کسی طالب علم کا زبان کی طرف رحجان ہے تو اسے زبان میں تخصص بھی انشاء اﷲ کروایا جائے گااور پھر جو شکوہ ہے بولنے کا وہ بھی دور ہو جائے گا، لیکن بہر حال جہاں تک پڑھائی کا سوال ہے، بہت وسیع علم ہے جو جامعہ کے طلباء حاصل کر رہے ہیں ۔ واقفین نو کے مطالعہ میں روزانہ کوئی نہ کوئی دینی کتاب ہونی چاہئےچاہے ایک دو صفحے پڑھیں اور حضرت مسیح موعودؑ کی کتاب پڑھیں تو وہ سب سے زیادہ بہتر ہے، ۱۰۰ فیصد واقف نو اور واقفات نو خطبات سننے چاہئیں، یہاں یو کے میں حضور نے ایک دن جائزہ لیا تھا کلاس میں تو صرف دس فیصد تھے جو باقاعدہ سنتے تھے، اس کی طرف توجہ دینی چاہئے، شعبہ کو بھی اور والدین کو بھی اور خود واقفین نو کو بھی، انتظامیہ کو بھی چاہئے کہ جو پروگرام بناتے ہیں واقفین نو کے وہ تعاملی ہونے چاہئیں، اس سے توجہ پیدا ہوتی ہے واقفین میں۔

حضرت ڈاکٹر عبدالمجید خان صاحب ؓ : آپ فرماتے ہیں کہ حضرت مسیح موعودؑ کے وصال کے چند سال بعد میں نے خواب میں دیکھا کہ آپؑ اور آنحضور ﷺ اور حضرت عمرؓ کو اپنے مکان میں دیکھا جب یہ بلوچستان میں تھے ، کہتے ہیں کہ میں نے دیکھا کہ وہ سب خوش و خرم ہیں، دریافت کیا کہ یہ کون ہیں، تو حضرت مسیح موعودؑ نے فرمایا کہ یہ حضرت عمر ؓ ہیں، دوبارہ دریافت کرنے پر فرمایا کہ یہ رسول کریم ﷺ ہیں ، شکل مبارک میں حضرت مسیح موعود ؑ اور آنحضور ﷺ کو ملتے جلتے دیکھا۔ حضرت غلام حسین بھٹی صاحب ؓ : آپ فرماتے ہیں کہ میرے ایک دوست لال دین جو ایک مخلص، نیک اور راست گو آدمی تھے، انہیں رات کو خواب میں آیا کہ لال دین صاحب جناب حضرت محمد مصطفٰیٰ ﷺ کے دربار میں حاضر ہوئے ہیں اور سلام عرض کیا ، حضور نے وعلیکم سلام کہ کر فورا فرمایا کہ میاں لال دین آ گئے ہو، تو میں نے فورا عرض کیا کہ جی ہاں آ گیا ہوں ، حضور ایک کرسی پر رونق افروز تھے، اور آپ کے دائیں طرف ایک کرسی پر ایک اور شخص بیٹھا تھا، آنحضور ﷺ نے فرمایا کہ میا ں لال دین تو نے اس آ دمی کو پہچانا ہے ؟ یہ مہدی ہے۔ حضرت میاں سونے خان صاحب ؓ: آپ فرماتے ہیں کہ میرے گھر میں ایک بھینس تھی، اس نے بچہ دیا ، ہمارے گاؤں میں رواج تھا کہ پہلے روز کی کھیر ایک شاہ کی خانقاہ پر چڑھاتے تھے، میری بیوی نے بھی کھیر پکائی اور والد اور چاچا کو کھانے کی دعوت دی، انہوں نے کہا ہم نہیں کھائیں گے، وہ کافر (احمدی) ہوگیا ہے ، اس روز ایک حکیم کو کھیر کی پیشکش کی جو اس نے کھالی ، اس حکیم نے مجھ سے پوچھا کہ تمہیں حضرت مسیح موعودؑ نے بیعت کرنے کے بعد کیا سکھایا ہے۔ حضرت مولوی فضل الہٰی صاحب ؓ : آپ نے ۱۸۹۲ میں بیعت کی، آپ فرماتے ہیں کہ جب میں امرتسر آیا ہوا تھا تو مجھے احمدیت کا علم ہوا، حضرت مسیح موعودؑ کی صداقت کیلئے ماہ رمضان کے آ خری عشرے میں اعتکاف کے ایام میں بہت دعا اور استخارہ کیا اور دعا میں یہ درخواست تھی کہ مولا کریم مجھے اطلاع فرما کہ جس حالت میں اب ہوں یہ درست ہے یا جو اس وقت حضرت مسیح موعودؑ کا دعویٰ ہے وہ درست ہے، اس پر مجھے دکھلایا گیا کہ میں نماز پڑھ رہا ہوں لیکن رخ قبلہ کی طرف نہیں ہے اور سورج کی روشنی بوجہ کسوف کے بہت کم ہے ۔ حضرت مستری دین محمد صاحب ؓ : آپ فرماتے ہیں کہ شام کو میرے دل میں یہ بات پیدا ہوئی کہ جن لوگوں نے پہلے بیعت کر لی ، انکے نام رجسٹر پر درج ہیں، میرا نام نہیں ہے، رات کو مجھے خواب آئی کہ حضرت مسیح موعودؑ بیٹھے ہیں ، ہاتھ میں قلم ہے، دائیں ران پر رجسٹر ہےاور حضرت مسیح موعودؑ نے دریافت کیا کہ آ پ کا کیا نام اور پیشہ ہے۔ حضرت امیر خان صاحبؓ : آپ فرماتے ہیں کہ ایک دفعہ میں نے خواب میں شیخ حامد علی صاحب خادم مہمان خانہ کو جو حضرت مسیح موعودؑ کے پرانے خادم تھے دیکھاکہ آپ عرب کی سوکھی ہوئی کھجوریں مہمانوں میں تقسیم کرنے کیلئے ایک مجمعے میں کھڑے ہیں ، اور جب آپ تقسیم کرنے لگے تو کھجوریں گلگلے کے برابر موٹی، خوش رنگ، تروتازہ، رس بھری ہیں، جن کو آپ تقسیم کر رہے ہیں اور کہ رہے ہیں یہ عرب کی سوکھی ہوئی کھجوریں ہیں جو تروتازہ کر کے آپ لوگوں کو دی جاتی ہیں۔ عبدالمجید صاحب ڈوگر کی سویڈن میں وفات، ملک شفیق احمد صاحب آرکیٹیکٹ کی ورجینیا امریکہ میں وفات۔

مخالفین احمدیت دعوے تو بہت کرتے ہیں، لیکن یہ اظہار ان کی تقریروں میں جو وہ اپنے لوگوں میں کرتے ہیں ، یہ سننے میں اکثر آیا ہے کہ قادیانی یا مرزائی جو وہ ہمیں کہتے ہیں کہ دیکھو اپنے مقاصد کیلئے کتنی قربانی کرتے ہیں اور تمہیں ایک مسجد کیلئے یا فلاں کام کیلئے کوئی توجہ نہیں پیدا ہو رہی، اور یہ اظہار ان تنظیموں کا ، غیر احمدی مولویوں کا، ہمیں صرف پاکستان ہندوستان میں نظر نہیں آتا بلکہ افریقہ کے مسلمان ممالک میں بھی سننے میں آتی ہیں یہ باتیں ۔ جب جماعت بڑھتی ہے، جماعت کے اموال میں وسعت پیدا ہوتی ہے ، تو جہاں مخالفین اپنی کوششوں میں تیزی پیدا کرتے ہیں وہاں منافقین کے ذریعے جماعت میں رخنہ ڈالنے کی کوشش بھی کرتے ہیں ، گو ان کی کوششیں بے اثر ہوتی ہیں لیکن ہمیں ہمیشہ محتاط رہنے اور دعا اور استغفار کی طرف توجہ دینی چاہئے، اﷲ تعالیٰ کے جو جماعت پر فضل ہیں، جو ہر آن تائید و نصرت کے نظارے ہیں ، وہ اس وقت تک ہم دیکھتے رہیں گے جب تک ہم اﷲ تعالیٰ سے اپنے تعلق کو مظبوط سے مظبوط تر کرنے کی کوشش کرتے رہیں گے ، حضرت خلیفۃ المسیح نے فرمایا مجھے تو کبھی یہ فکر پیدا نہیں ہوئی کہ فلاں کام کی تکمیل کس طرح ہونی ہے، اﷲ تعالیٰ ہمیشہ خود ہی انتظام کر دیتا ہے جو بھی منصوبہ کیا جاتا ہے ، کس طرح اﷲ تعالیٰ احمدیوں کے دل میں ڈال دیتا ہے اور کس طرح وہ بڑھ چڑھ کر قربانیوں میں حصہ لیتے ہیں ۔ امیر صاحب نائیجر لکھتے ہیں کہ ایک جماعت کی طرف سے پیغام آیا کہ جماعت کے لٰیے چندہ کی اناج کی بوریاں آ کر لے جائیں ، جب واپس آ رہے تھے تو رات کے دس بج رہے تھے، ہم ایک احمدی گاؤں سے گزرے تو دیکھا کہ کچھ خدام راستے میں ہمارے انتظار میں کھڑے ہیں ، ہم نے گاڑی روکی تو انہوں نے بتایا کہ ہم صدر صاحبہ لجنہ کے حکم پر شام سے یہاں کھڑے ہیں ، آپ کے اس راستے سے گزرنے کا انتظار کر رہے ہیں، لجنہ نے اپنا علیحدہ چندہ اکٹھا کیا تھا اور اپنا چندہ علیحدہ دینا چاہتی تھیں۔ برکینا فاسو کے ایک مبلغ لکھتے ہیں کے ایک جماعت کے صدر کاشتکار ہیں وہ کہتے ہیں کہ احمدیت میں داخل ہونے سے پہلے بھی وہ کاشتکاری کرتے تھے، مگر اتنی فصل کبھی نہیں ہوئی جتنی احمدیت میں داخل ہونے کے بعد ہو رہی ہے، اور وہ کہتے ہیں کہ اس کی ایک ہی وجہ ہے اور وہ چندہ ہے ، جب سے ہم احمدیت میں داخل ہوئے ہیں اور چندہ دینا شروع کیا ہے تو ہمارے حالات ہی بدل گئے ہیں ، آغاز میں پہلے ایک یا دو بوری چندہ دیا کرتے تھے اس سال سات بوری چندہ دیا۔ تنزانیہ سے ایک احمدی لکھتے ہیں کہ وہ پہلے بڑا معمولی چندہ دیا کرتے تھے، مبلغ سلسلہ نے ان کو چندہ جات کی اہمیت اور تفاصیل سے بتایا ، اﷲ تعالیٰ نے فضل فرمایا، باقاعدگی سے چندہ دینا شروع کیا اور بڑھاتا بھی گیا چندہ کو ، کہتے ہیں پہلے خاکسار کے پاس کوئی جائیداد نہیں تھی اور اب خداتعالیٰ کے فضل سے خاکسار نظام وصیت میں شامل ہے، اور اﷲ تعالیٰ کے فضل سے ان چند سالوں میں سن فلاور نکالنے کا چھوٹے پیمانے پر کارخانہ بھی بنایا ہے، اپنا گھر بھی تعمیر کیا ہے، پلاٹ بھی خریدے ہیں اور خود بھی اپنے خرچے پر پی ایچ ڈی کر رہا ہوں۔ کیرالہ انڈیا سے تعلق رکھنے والے ایک احمدی اﷲ تعالیٰ کے فضل سے موصی ہیں ، انہوں نے ہر چندہ جات کا ڈبہ الگ الگ رکھا ہوا ہے ، ایک ڈبہ انہوں نے میرے سامنے کھولا اور پھر اپنی بیوی سے کہا اپنے پرس نکالواور پھر بیوی کے پرس سے وعدہ پورا کرنے کے علاوہ ۱۶۵۰۰۰ روپے زیادہ چندہ اد ا کردیا ، اﷲ تعالیٰ کے فضل سے اب تک انہوں نے ۷۸۰۰۰۰ روپے چندہ وقف جدید ادا کردیا ہے۔ حسب روایت حضور نے وقف جدید کے نئے سال کے آغاز کا اعلان کیا، خدا تعالیٰ کے فضل سے سال وقف جدید کے سال ۵۵ میں جماعت نے ۵۰۱۰۰۰۰ پاؤنڈ کی قربانی پیش کی، جو کہ گزشتہ سال کے مقابلہ میں ۳۱۷،۰۰۰ پاؤنڈ زیادہ ہے ، حضور نے وقف جدید کے حوالہ سے مختلف جماعتوں کی پوزیشن کا اعلان کیا ۔ حضور نے ایک دعا کی تحریک کرتے ہوئے فرمایا کہ لیبیا میں آجکل حالات بڑے شدید خراب ہیں احمدیوں کیلئے، حکومت تو وہاں ہے نہیں، ہر علاقے میں لگتا ہے قبائلیوں یا تنظیموں کا زور ہے اور ہمارے احمدیوں کو پکڑا بھی ہوا ہے اور بعض جگہ یہ بھی اطلاع ہے کہ تشدد بھی کیا جارہا ہے ، پولیس نے ان کو پکڑ کے علماء کے کہنے پہ، تنظیموں کے کہنے پہ بند کیا ہوا ہےاور کافی پریشانی میں ہیں وہاں احمدی، اﷲ تعالیٰ ان کی رہائی کے اور ان کی آسانی کےسامان پیدا فرمائے ۔