گورنمنٹ انگریزی اور جہاد

روحانی خزائن جلد 17

حضرت مرزا غلام احمد قادیانی، مسیح موعود و مہدی معہودؑ

یہ رسالہ ۲۲؍مئی۱۹۰۰ء کو شائع ہوا۔ اس رسالہ میں حضرت مسیح موعود علیہ السلام نے حقیقت جہاد اور اس کی فلاسفی بیان فرمائی اور قرآن و حدیث اور تاریخ سے جہاد پر روشنی ڈالتے ہوئے بتایا ہے کہ اوائل اسلام میں مسلمانوں کو بحالت مجبوری جو جنگ کرنی پڑیں وہ محض وقتی اور مدافعانہ اور مذہبی آزادی قائم کرنے کے لیے تھیں۔ ورنہ اسلام سے بڑھ کر صلح و آشتی اور امن اور سلامتی کا علمبردار کوئی اور مذہب نہیں ہے۔ حضرت اقدسؑ نے اپنی متعدد تالیفات میں جہاد کے مسئلہ پر روشنی ڈالی ہے اور اس کی وجہ یہ ہے کہ آپ کا مشن ادیان عالم پر دلائل اور براہین کی رو سے اتمام حجت اور اسلام کا غلبہ ثابت کرنا تھا۔ اور مغربی فلاسفروں اور مستشرقین علماء کا سب سے بڑا اعتراض اسلام پر یہ تھا کہ اسلام تلوار کے زور سے پھیلا ہے اور وہ مذہب کے معاملہ میں جبر و اکراہ روا رکھتا ہے۔ چونکہ مغرب نے مسئلہ جہاد کی حقیقت نہ سمجھنے کی وجہ سے اسلام کی صورت سخت بھیانک رنگ میں پیش کی تھی اس لیے حضرت اقدسؑ نے اپنی متعدد تالیفات میں مسئلہ جہاد پر بحث کی اور اس کی حقیقت ظاہر فرمائی۔



Apple Books

Google Play