In the Name of Allah, The Most Gracious, Ever Merciful.

Love for All, Hatred for None.

Al Islam Home Page > Urdu Home Page > Al Islam Urdu Library
اردو » الاسلام اردو لائبریری » خطبات جمعہ » حضرت خلیفۃ المسیح الخامس ایدہ اللہ تعالٰی » ٢٠٠٣ء ۔ 2003ء
آڈیو ۔ ویڈیو ۔ تراجم اور مکمل متن خطبات ٢٠٠٣ء Video
اللہ تعالیٰ کی صفت مجیب کی تفسیر (اے جانے والے تو نے اس پیاری جماعت کو جو خوشخبری دی تھی وہ حرف بحرف پوری ہوئی اور یہ جماعت پھر بنیان مرصوص کی طرح خلافت کے قیام و استحکام کے لئے کھڑی ہوگئی۔ اے میرے قادر خدا! تو ہمیشہ کی طرح اپنی جماعت پر اپنے کئے ہوئے وعدوں کے مطابق اپنے پیار کی نظر ڈالتا رہ) سیدنا حضرت خلیفۃ المسیح الخامس ایدہ اللہ تعالٰی کا فرمودہ پہلا خطبہ جمعہ ، ٢٥ اپریل ٢٠٠٣ء HTML Page PDFVideoMP3
گزشتہ دنوں جس طرح پوری جماعت اللہ کے حضور گریہ و زاری کرتے ہوئے جھکی اور اللہ تعالٰی نے محض اپنے فضل سے ہماری خوف کی حالت کو امن میں بدل دیا اس پر حضرت مسیح موعود علیہ الصلوٰۃ والسلام کی اس پیاری جماعت نے جس خوشی اور اللہ تعالٰی کی حمد کا اظہار کیا ہے وہ اس جماعت کا ہی خاصہ ہے مجھے حضرت مسیح موعود علیہ السلام کی اس پیاری جماعت سے بہت پیار ہے۔ ٢ مئی ٢٠٠٣ء PDF
ہمارے ایمانوں کو تقویت دینے کے لئے ایسی پیشگوئیاں بھی قرآن شریف میں موجود ہیں جو غیروں کا منہ بند کرنے کے لئے کافی ہیں اللہ تعالٰی کی صفت الخبیر کے حوالہ سے مختلف امور کا تذکرہ، جماعت انگلستان اور ایم ٹی اے کے رضاکاروں کی خدمات پر خراج تحسین اور دعا کی تحریک۔ ٩ مئی ٢٠٠٣ء PDF
آج ہم جو حضرت مسیح موعود علیہ الصلوٰۃ والسلام کے ماننے کا دعوٰی کرتے ہیں ہمارے اوپر بہت بڑھ کر یہ ذمہ داری ڈالی گئی ہے کہ اپنے اندر انقلابی تبدیلیاں پیدا کریں۔ اپنے گھروں کو بھی جنت نظیر بنائیں، اپنے ماحول میں بھی ایسا تقوٰی قائم کریں جو اللہ تعالٰی ہم سے توقع رکھتا ہے (قرآن مجید، احادیث نبویہ اور ارشادات حضرت مسیح موعود سے اللہ تعالٰی کی صفت الخبیر کے تعلق میں مختلف امور کا تذکرہ، ١٦ مئی ٢٠٠٣ء) PDF
نیک نمونہ سب سے بڑی تبلیغ ہے۔ہم میں سے ہر ایک کا فرض ہے کہ تمام انسانیت کو آنحضور صلی اللہ علیہ وسلم کی حقیقی تعلیم کے جھنڈے تلے لے آئیں شادی کے بعد لڑکیوں کو غربت کے یا حسب نسب کے طعنے دینا انتہائی ظلم کی بات ہے۔ (قرآن مجید، احادیث نبویہ اور حضرت اقدس مسیح موعود علیہ السلام کے ارشادات کے حوالہ سے اللہ تعالٰی کی صفت الخبیر کے تعلق میں مختلف پیش خبریوں کا ایمان افروز تذکرہ، ٢٣ مئی ٢٠٠٣ء) PDF
دنیا اور عقبٰی میں کامیابی کا گر یہ ہے کہ انسان ہر قول و فعل میں یاد رکھے کہ خداتعالٰی میرے کاموں سے خبردار ہے ۔ یہی تقویٰ کی جڑ ہے خبیر میں علاوہ خبر رکھنے کے مجرموں کی سزا اور ان کی خبر لینے کی طرف اشارہ ہوتا ہے۔ ٣٠ مئی ٢٠٠٣ء PDF
دعا کے لئے بنیادی چیز صبر ہے۔ اللہ تعالٰی سمیع و علیم ہے (قرآن مجید، احادیث نبویہ اور حضرت مسیح موعود کے ارشادات کے حوالہ سے اللہ تعالٰی کی صفت السمیع کا تذکرہ) رواں مالی سال کے آخری مہینہ کے حوالہ سے احباب کو صحیح آمد کے مطابق بجٹ بنانے، شرح کے مطابق چندہ ادا کرنے، قول سدید سے کام لینے اور اللہ کے فضلوں کو سامنے رکھتے ہوئے ادائیگیاں کرنے کی نصائح۔ اگر اللہ تعالٰی سے ہمارے سارے سودے صاف ہوں گے تو وہ ہماری نیک نیتوں کے دیکھتے ہوئے ہماری دعاؤں کو زیادہ سنے گا۔ ٦ جون ٢٠٠٣ء PDF
یہ ضروری نہیں کہ ہم پر کوئی مشکل یا مصیبت آئے تو ہم نے دعائیں مانگنی ہیں۔ ان مشکلات سے بچنے کے لئے بھی دعاؤں کی بہت ضرورت ہے اور ہم سب پر یہ فرض بنتا ہے کہ دعاؤں پر بہت زور دیں اور مستقلاً اللہ تعالٰی کی طرف توجہ کریں (آیات قرآنیہ، احادیث نبویہ، حضرت مسیح موعود، حضرت خلیفۃ المسیح الاوّل اور حضرت مصلح موعود کے ارشادات کے حوالہ سے اللہ تعالٰی کی صفت السمیع کے مختلف پہلوؤں کا تذکرہ۔ ١٣ جون ٢٠٠٣ء) PDF
آج جماعت احمدیہ کا یہ کام ہے کہ ایک مہم کی صورت میں دنیا کے سامنے اسلام کی امن اور آشتی کو جو حسین اور خوبصورت تعلیم ہے وہ پیش کریں اور دنیا میں یہ منادی کریں کہ اسلام تلوار سے نہیں بلکہ اپنی حسین تعلیم سے پھیلا ہے ٢٠ جون ٢٠٠٣ء PDF
آئندہ زمانے میں جو ضرورت پیش آنے ہی مبلغین کی بہت بڑی تعداد کی ضرورت ہے اس لئے اس نہج پر تربیت کریں کہ بچوں کو پتہ ہو کہ اکثریت ان کی تبلیغ کے میدان میں جانے والی ہے (واقفین نو بچوں کی تربیت کے متعلق متفرق ہدایات، ٢٧ جون ٢٠٠٣ء) PDF
ہمیشہ بچوں کے نیک، صالح اور دیندار ہونے کی دعائیں کرتے رہنا چاہئیے کیونکہ والدین کی دعائیں بچوں کے حق میں پوری ہوتی ہیں ایشاءکے ممالک کے لئے MTA کی نشریات کا AsiaSat 3 پر آغاز۔ ٤ جولائی ٢٠٠٣ء PDF
امام کی ڈھال کے پیچھے رہ کر فتح و ظفر احمدیت کا مقدر بنے گی آنحضرت صلی اللہ علیہ وسلم کی دعاؤں سے دشمن غزوہء اُحد میں اپنے مقصد میں ناکام رہا۔ غزوہء اُحد کے حالات اور جانثار صحابہ کی قربانیوں کا ایمان افروز تذکرہ۔ ١١ جولائی ٢٠٠٣ء PDF
سب مہمانوں کو واجب الاحترام جان کر ان کی مہمان نوازی کا حق ادا کریں شرکاء جلسہ سالانہ ذکر الٰہی اور درود شریف میں وقت گزاریں اور کارکنان سے تعاون کریں۔ جلسہ سالانہ برطانیہ کے حوالہ سے میزبانوں اور مہمانوں کو زریں نصائح اور ہدایات۔ ١٨ جولائی ٢٠٠٣ء PDF
ایمان، یقین، معرفت اور رشتہ تودّد و تعارف کی ترقی کیلئے جلسہ میں شامل ہوں جلسہ کے بابرکت ایام کو ذکر الٰھی، درود شریف اور بکثرت استغفار پڑھنے میں گزاریں۔ ٢٥ جولائی ٢٠٠٣ء PDF
اللہ تعالٰی کی نعمتوں کا شکر ادا کرتے ہوئے اس کے مزید فضلوں کے وارث بنیں۔ مہمانوں کی بھرپور خدمت اور انتظامات کی کامیابی پر کارکنان جلسہ شکریہ کے مستحق ہیں (حمد اور شکر کے مضمون کا قرآن کریم، احادیث نبویہ، حضرت مسیح موعود اور آپ کے خلفاء کے ارشادات کی روشنی میں ایمان افروز بیان، یکم اگست ٢٠٠٣ء) PDF
امانت کا مفہوم بہت وسیع ہے ۔ ہر پہلو سے اس کی ادائیگی ضروری ہے اللہ تعالٰی حکم دیتا ہے کہ تم امانتیں ان کے حقداروں کے سپرد کرو۔ امانت کے مضمون کو جس قدر سمجھیں گے اس قدر تقویٰ کے اعلیٰ معیار قائم ہوں گے۔ ٨ اگست ٢٠٠٣ء PDF
توکل کی کمی سے خدا سے دوری، جھوٹ، غلط بیانی اور خوشامد کی برائیاں جنم لیتی ہیں آنحضرت صلی اللہ علیہ وسلم نے توکل علی اللہ کی اعلیٰ مثالیں قائم فرمائیں۔ اللہ پر توکل اور یقین کے بارہ میں پرمعارف اور ایمان افروز خطاب۔ ١٥ اگست ٢٠٠٣ء PDF
اللہ کی رسی کو پکڑنے اور نظام سے وابستہ رہنے میں ہی آپ کی بقا ہے شرکاء جلسہ سالانہ جرمنی ثابت کریں کہ محض للہ یہ تین دن گزارنے کے لئےاکٹھے ہوئے ہیں۔ (اطاعت نظام اور اطاعت امیر کے موضوع پر لطیف اور پرمعارف خطبہ جمعہ، ٢٢ اگست٢٠٠٣ء) PDF
دین کو دنیا پر مقدم کئے بغیر ایمان قائم نہیں رہ سکتا۔ کامل فرمانبرداری اصل دین ہے کبریائی اللہ کی چادر ہے۔ شرک کے بعد تکبر جیسی کوئی بلا نہیں۔ ٢٩ اگست ٢٠٠٣ء PDF
ہر احمدی کو آنحضرت صلی اللہ علیہ وسلم پر درود بھیجنے پر بہت زیادہ توجہ دینی چاہیئے یہی وسیلہ ہے جس سے اب ہماری ذاتی اور جماعتی فیض اور برکات اور ترقیات وابستہ ہیں۔ ٥ ستمبر ٢٠٠٣ء PDF
نوع انسانی سے ہمدردی بہت بڑی عبادت اور رضائے الٰہی کے حصول کا ذریعہ ہے میں ہر احمدی ڈاکٹر، ہر احمدی ٹیچر اور ہر احمدی وکیل اور ہر وہ احمدی جو اپنے پیشے کے لحاظ سے کسی بھی رنگ میں خدمت انسانیت کرسکتا ہے، غریبوں اور ضرورتمندوں کے کام آسکتا ہے، ان سے یہ کہتا ہوں کہ وہ ضرور غریبوں اور ضرورتمندوں کے کام آنے کی کوشش کریں تو اللہ تعالٰی آپ کے اموال و نفوس میں پہلے سے بڑھ کر برکت عطا فرمائے گا۔ (حقوق العباد کی ادائیگی کی بابت نویں شرط بیعت کے حوالہ سے پرمعارف مضمون، ١٢ ستمبر ٢٠٠٣ء) PDF
حضرت مسیح موعود علیہ السلام سے رشتہء اخوت اور اطاعت قائم کرنا بیعت کی شرط ہے تنگدستی اور خوشحالی ہر حالت میں امیر اور امام کی اطاعت کرنا واجب ہے ۔ ١٩ ستمبر٢٠٠٣ء PDF
تمہیں خوشخبری ہو کہ اب تم ہمیشہ معروف فیصلوں کے نیچے ہو دسویں شرطِ بیعت 'طاعت در معروف' کی وضاحت اور اطاعت کرنے والوں کے لئے خوشخبریاں (حضرت مسیح موعود کی بیعت کے بعد پیدا ہونے والی روحانی تبدیلیوں کے ایمان افروز واقعات کا بیان، ٢٦ ستمبر ٢٠٠٣ء) PDF
مسجد کی اصل زینت عمارتوں سے نہیں بلکہ ان نمازیوں کے ساتھ ہے جو اخلاص سے نماز پڑھتے ہیں اللہ تعالٰی ہر احمدی کو توفیق دے کہ ہر مسجد کی بنیاد تقویٰ اللہ پر ہو اور یہ نمازیوں سے کم پڑ جائیں۔ (مغربی یورپ کی سب سے بڑی مسجد 'مسجد بیت الفتوح' کے افتتاح کے موقع پر آداب مساجد اور ان کی آبادی کے موضوع پر پُرمعارف خطبہ، ٣ اکتوبر ٢٠٠٣ء) PDF
تنگی ترشی کے حالات بھی ہوں تو خدا سے شکوہ نہیں کرنا، خدا کے فضل مانگنا ہے اور راضی برضا رہنا ہے سگریٹ پینے والے کو چاہئیے کہ وہ اس کے مضر اثرات کی وجہ سے سگریٹ نوشی ترک کردے۔ (شرائط بیعت حضرت مسیح موعود پر عمل پیرا ہونے کے بعد عظیم روحانی تبدیلیوں کا روح پرور بیان۔ ١٠ اکتوبر ٢٠٠٣ء) PDF
بنی نوع انسان کی خدمت کی خاطر احمدی ڈاکٹر وقف کے لئے اپنے آپ کو پیش کریں اور خدا کے فضلوں کے وارث بنیں احباب جماعت نے خدمت انسانیت اور اخلاص و وفا کے بے نظیر نمونے قائم کئے ہیں۔١٧ اکتوبر ٢٠٠٣ء PDF
روزہ ڈھال ہے اور اس کی جزا خود خداتعالیٰ ہے رمضان میں نمازوں، تہجد ، نوافل کا اہتمام اور قرآن کریم کی تلاوت کا ایک دور کریں۔ رمضان کے بابرکت مہینہ کی فضیلتوں، برکتوں اور مسائل کا پرمعارف بیان۔ ٢٤ اکتوبر ٢٠٠٣ء PDF
روزہ تقویٰ ، قبولیت دعا اور قرب الٰہی حاصل کرنے کا ذریعہ ہے قرآن کو رمضان سے خاص نسبت ہے اس لئے قرآن پڑھیں اور درس القرآن میں شامل ہوں۔ رمضان المبارک کے فضائل و برکات اور قبولیت دعا کے ایمان افروز مضمون کا بیان۔ ٣١ اکتوبر ٢٠٠٣ء PDF
اللہ تعالٰی کی خوشنودی کے حصول اور دین کی ترقی کے لئے اپنے اموال خرچ کریں چندہ تحریک جدید میں پاکستان دنیا بھر کی جماعتوں میں اوّل، امریکہ دوم اور جرمنی سوم رہا۔ (انفاق فی سبیل اللہ کا ایمان افروز مضمون اور تحریک جدید کے نئے سال کا اعلان، ٧ نومبر٢٠٠٣ء) PDF
لیلۃ القدر ہزار مہینوں سے بہتر ہے جس میں قرآن کریم نازل ہوا آنحضرت صلی اللہ علیہ وسلم رمضان کے آخری عشرہ میں کمرہمت کس لیتے ، راتوں کو زندہ رکھتے اور اہل خانہ کو بیدار کرتے تھے۔ رمضان المبارک کے آخری عشرہ اور لیلۃ القدر کی اہمیت و فضیلت کا پر معارف بیان۔ ١٤ نومبر ٢٠٠٣ء PDF
جمعہ عید کا دن ہے اس کا ادا کرنا ہم پر دین نے واجب کیا ہے جمعہ کے دن کثرت سے درود شریف پڑھیں اور خدا کے حضور دعائیں کریں ۔ جمعہ کی اہمیت، فرضیت، آداب اور جمعۃ الوداع کی حقیقت پر ایمان افروز بیان۔ ٢١ نومبر ٢٠٠٣ء PDF
ہماری ذاتی اور جماعتی ترقی کا انحصار دعا پر ہے اس لئے دعاؤں میں سست نہ ہوں اللہ تعالٰی مُضطر کی دعا سنتا ہے۔ اس زمانے میں ہمیں دعا کا ہتھیار دیا گیا ہے۔ (عبادات اور دعاؤں کی اہمیت کے بارہ میں پر معارف اور ایمان افروز خطبہ جمعہ، ٢٨ نومبر ٢٠٠٣ء) PDF
جماعت احمدیہ کا نظام ہر احمدی کو پیار و محبت کی لڑی میں پرو کر رکھتا ہے جماعت احمدیہ میں عہدیدار اس تصور سے بنائے جاتے ہیں کہ قوم کا سردار قوم کا خادم ہے۔ (کارکنان اور عہدیداران کی نہایت اہم اور پر حکمت نصائح اور ان کی ذمہ داریوں کی تفاصیل، ٥ دسمبر ٢٠٠٣ء) PDF
اللہ کے حقوق سے تجاوز کریں گے تو شیطان ضرور حملہ آور ہوگا نماز تمام سعادتوں کی کنجی ہے اس سے پہلے اپنے تمام اعضاء غیراللہ کے خیالات سے دھوڈالیں۔ (شیطان کی پیروی چھوڑنے اور رضائے الٰہی کی راہوں پر چلنے کے لئے پرمعارف اور لطیف بیان، ١٢ دسمبر ٢٠٠٣ء) PDF
اے ایمان لانے والو! اللہ کا تقویٰ اختیار کرو اور صادقوں کے ساتھ ہوجاؤ صدق مجسم قرآن شریف ہے اور پیکر صدق آنحضرت صلی اللہ علیہ وسلم کی ذات مبارک ہے۔ (جھوٹ سے نفرت اور سچائی کا خلق اختیار کرنے کے بارہ میں پر معارف خطبہ جمعہ، ١٩ دسمبر ٢٠٠٣ء) PDF
بدظنی سے تجسّس اور تجسّس سے غیبت کی عادت پیدا ہوتی ہے چغلی کی عادت سے اجتناب کے لئے ذیلی تنظیموں کی ٹھوس لائحہ عمل تجویز کرنا چاہئے۔ (بدظنی، تجسس اور غیبت کی عادات چھوڑنے کے بارہ میں پُرمعارف خطبہ، ٢٦ دسمبر ٢٠٠٣ء) PDF