دیباچہ

آنحضورﷺکے صحابہؓ وہ بابرکت وجود ہیں جنہوں نے آنحضورﷺ سے براہِ راست تربیت پائی۔ وہ اُسی چراغ سے روشن اور اُسی نور سے منور ہوئے۔ وہ اُسی پاک چشمہ سے فیضیاب ہو کر پوری دُنیا کو روحانی طور پر سیراب کرتے رہے ان بزرگوں کے حالات سے آگاہی حاصل کرنے اوراُن کے نقشِ قدم پر چلنے کے لئے شعبہ اشاعت خدام الاحمدیہ پاکستان کے تحت صحابہ کرامؓ کے حالات زندگی پر مبنی چھوٹی چھوٹی کتب شائع کرنے کا سلسلہ جاری ہے۔

زیرنظر کتاب مکرم محمودمجیب صاحب اصغر کی ایک بہترین قلمی کاوش ہے جو قبل ازیں محترم راجہ منیراحمد خان صاحب کے عرصہ صدارت میں شائع ہوئی تھی۔ بعدازاں ستمبر2001ء میں شائع ہوئی اور اب اس کتاب کی افادیت کے پیش نظر شعبہ اشاعت اسے ایک بارپھر شائع کررہا ہے۔