مارچ 1983 میں طبع ہونے والی اس کتاب میں مولانا موصوف نے اللہ تعالیٰ کی ذات اور صفات کے متعلق اسلامی تصور کا تعارف کروانے کے لئے خاطر خواہ مواد جمع کردیا ہے۔ قرآن کریم کی آیات، صحف سابقہ سے متعلقہ مواد، احادیث مبارکہ، امت کی گزشتہ 13 صدیوں کے علماء و صوفیاء کے واقعات، عصر جدید کے مغربی محققین اور سائنسدانوں کے اقتباسات سے مزین یہ 120 صفحات کی کتاب عنوانِ کتاب کو واضح اور عام فہم کرنے کے لئے ایک عمدہ ترین کاوش ہے۔ کاتب کی لکھائی میں تیار کی گئی اس دیدہ زیب کتاب کے حوالہ جات فٹ نوٹ میں درج کئے گئے ہیں۔