ترجمہ تفسیر صغیر کے بےمثال معنوی، لغوی اور ادبی کمالات

مولانا دوست محمد شاہد، مؤرخ احمدیت

مکرم ومحترم مولانا دوست محمد شاہد صاحب مورخ احمدیت نے حضرت مصلح موعود رضی اللہ عنہ کے تیار کردہ ترجمہ و تفسیر القرآن بنام تفسیر صغیر کے متعلق ایک گراں قدر تحقیقی مقالہ مرتب کیا جسے ایک  مختصر کتابچہ کی صورت میں شعبہ اشاعت مجلس خدام الاحمدیہ ضلع لائل پور(فیصل آباد) نے طبع کروایا تھا، زیر نظر دوسراایڈیشن مئی 1973ء میں سامنے آیا تھا۔ جس میں اردو زبان کی تاریخ اور اس میں ہونے والے اولین تراجم قرآنی کے تذکرہ کے بعد جماعت احمدیہ کے قیام کے بعد ہونے والے خدمت قرآن کریم کے مشن کا بتایا گیا ہے اور تفسیر کبیر کے معنوی، لغوی اور ادبی کمالات پر الگ الگ ابواب میں مثالوں کے ساتھ روشنی ڈالی گئی ہے۔ فاضل مصنف نے نہایت عرق ریزی سے گزشتہ رائج مختلف تراجم قرآنی اور تفسیر صغیر کا باہم تقابل کرکے ایمان افروز نکات پیش کئے ہیں۔