احمدی خواتین کی تعلیم و تربیت کے لئے تیار کی گئی اس خوبصورت اور مفید کتاب میں محض وعظ و نصیحت کی بجائے زندہ واقعات سے سجا کر نہایت دلچسپ ، ایمان افروز اور قابل عمل پروگرام کی صورت میں پیش کیا گیا ہے۔ کیونکہ یہ ایک حقیقت ہے کہ وعظ و نصیحت سے انسان کا نیک عمل زیادہ موثر ثابت ہوتاہے، یہ کتاب رفیقات حضرت مسیح موعو دعلیہ السلام جیسی خوش نصیب اور اللہ کی پیاری بندیوں کی یاد کو تازہ واقعات کی شکل میں پیش کرنےکے لحاظ سے احمدیہ لٹریچر میں بلاشبہ ایک اچھا اضافہ ہے۔ اللہ کی بندیوں کا خدا تعالیٰ اوراس کے رسولؐ کے ساتھ سچا اور روحانی تعلق اوراس کے نتیجہ میں صفات حسنہ کا اعلیٰ ظہور کتاب کا اہم حصہ ہے۔ مثلا زُہد ، تقویٰ، توکل علی اللہ، صبر و رضا اور جرأت وبہادری کی داستانیں نیز 120 سالہ جان ، مال، وقت اور اولاد کی قابل رشک قربانیوں کا تذکرہ یکجا ملتا ہے۔